2 Korint 11:10 - Ekajuk New Testament

¹⁰ Eji etingitingi ji Kraist wob-m go egame atahng, nnene limm go Akaya, no bahk-m ma lim, n kꞌkpe geere kak ejum jia.

2 Korint 11:10 ပူးပေါင်းရင်းမြစ်များ

Eltum 18:12

Ngare nyi Gallio jolo ntubesi go Akaya, nyi nyi aneb Jus na, bulu Pol, bob-e tahm a ne go ekpꞌkpa esub.

Eltum 18:27

Eji á sebe re á yel egbang tahm go Akaya, abon Esowo bao tꞌtaame re á song. Bo kehm fere nyon nwer tv abatꞌtoono Jisos bako go re, á lꞌrehng go, bo ko-e. Eji Apollos rehnge go, á jo kake abon Esowo ebo area, ba ma taame tib go nnoobo nyi Esowo.

NWER NYI POL NYONO TV ANEB ERO BA LI GO ROM 1:9

Esowo bi n kpo lok-e a eltim eltim ename kpee, eji n kpꞌtiingi nnoobo etib bi Mmon ewe, ye wo kp-m yiimi ntianse re n kpo gahm-n gahm go egame ero ngare anyehng anyehng.

NWER NYI POL NYONO TV ANEB ERO BA LI GO ROM 16:5

Kaken aneb ero ba kpo kono nkon go bo etahk nnyo. Kaken Epanetus ekpondahme ejame nnyo, ye ji gbo mbang taame tv Kraist go Esia.

NWER NYI POL NYONO TV ANEB ERO BA LI GO ROM 9:1

N kpꞌbungu go etingitingi. N li ka Kraist, efahnge sang n kpꞌkimi. Ntir atahng enyame nyi Etingi Etohko wob no kp-m yiimi ntianse re,

1 Korint 16:15

Abonanee, ń kpꞌkahne re, Stefanas, a nlaaga enye, bo ba gbo mbang taame tv ntul a Jisos go Akaya. Bobrod elbo kak go eltum Esowo, eji bo lꞌjo kak aneb Esowo ebo.

2 Korint 1:1

Me Pol ji koro Esowo, á lim-m re me n jol ntiingetib no Jisos Kraist, me a Timoti mmonannee ejahre, e kpꞌnyono nwer nyia tv aneb Esowo ba li go Korint, a aneb Esowo kpee ba li go Akaya.

2 Korint 1:23

N kpꞌlungu Esowo bi kpꞌkahne eltim ename re á yiim-m ntianse. N kpeem ba go Korint, tib eji n lꞌyak-n, ki-n kak erem.

2 Korint 10:15

E kpehme geere kak eltum ni Esowo ki-r ka, ni nne noko ma lim. E kpꞌbumu re, ń lꞌkpe gbal go mbang nyi Esowo, ḿ bahk-m tobo, n kpe kim edi egbe budu,

2 Korint 11:12

M bahke soro asi, jo lim ji n kpꞌlimi anv a, eji n lꞌkpan abatiingetib bao ba kpꞌsebe mbang nyi bo bahke woro anyo re, bo kpꞌlimi eltum go mbang nyi wahr kpꞌlimi.

2 Korint 11:31

Esowo, nde no Jisos Kraist Ntul ewahre, ye ji bo bahk-e tehke go njinanjini, á kpꞌkahne re me n nehme kim efahnge.

2 Korint 12:19

Go nsol nyia kpee, ń kpꞌtiri re, e kpꞌbungu yehke elnahre go egahne esamahra? Akpondahme enyame, e kpo bung ana ane ba li ka Kraist go esamahr bi Esowo. Tibre ejum ajehng ajehng ji e kpꞌlimi, e kpꞌlimi, eji ń lꞌgbal.

2 Korint 9:2

Tibre n kpꞌkahne re, kp-n koro re wahn kak ebo. Owo wahnge n kpꞌworo nnyo tib wahn go esamahr aneb Masedonia re, “Aneb Akaya toobo ebjing yamahne yamahne.” Ekpuku ji ń kpꞌkake ji ma melle ane gbalee go bo ellong.

Galesa 1:20

Ji n kpꞌnyono a, n kpꞌnyono go esamahr bi Esowo. Efahnge n nehme kim.

Galesa 2:20

Bo ma-m kum lake go ekros a Kraist. Mefono antahng sang kpeke li go elkpin, Kraist wo li go elkpin go egame atahng. Elkpin ni n li a ni anv go egama ngubjing, nꞌnehm ni m ma ko kpꞌjene go mbang nyi Mmon Esowo no n kor-e no, á ba yake elne ka tib go egame esi.

1 Tesalonaika 2:10

Wahn ba li atianse enyahre, ano wo fvfo Esowo tob li ntianse enyahre, ana e jo lim eljini ni Esowo go egahne ellong, wahn ane ba ma taame tv Esowo, fere jol go etingitingi, egahme ajehng ajehng e belem.

1 Tesalonaika 2:5

Tibre ń kpꞌkahne re wahr kpehme tiki foolo anyo, fere jo bung yebe yebe, eji e lꞌjo ko nsol ane. Esowo bi li ntianse enyahre.

1 Timoti 2:7

Owo wahng ka á yehk-m no re me n jol mbungalum Esowo, fere jol ntiingetib, fere jol ntꞌtibi no ane baka baka ba ki-e nyi, fere jo tiingi bo etib bio bi eltaame, a etingitingi. Efahnge sang n kpꞌkimi a. Etingitingi ji n kpꞌbungu.