2 Korint 10:4 - Ekajuk New Testament

⁴ Tibre nsol ebta nyi wahr kpo ko, nok ebta limm nsol ebta nyi njini, li nsol ebta nyi Esowo nyi kpi nsahm nyi bahke ma rannge ekum abehng abehng,

2 Korint 10:4 ပူးပေါင်းရင်းမြစ်များ

Eltum 7:22

Bo jo tib-e elkahne ni Ijipt kpee. Á kehm jolo njꞌjoka nne go alum abungu, a nsol alimi.

NWER NYI POL NYONO TV ANEB ERO BA LI GO ROM 13:12

Ejannge kpeem ga li. Efungfu yahke se. Owo wahnge nobo re wahr yaken nsol nyi li ka ejannge, fere kak nsol ebta nyio nyi ellennge.

NWER NYI POL NYONO TV ANEB ERO BA LI GO ROM 6:13

Kana tiki yake ejum ngubjing ajehng ajehng tv abiafem, eji nnehm lꞌkꞌrod, jo lim abꞌbi. Yaken elnahne ka Esowo ana ane ba bo ma yehke bo go elkv, feere a bo go elkpin. Yaken agubjing enyahne ka Esowo, eji á lꞌrod, jo lim nsol nyi li go etingitingi.

1 Korint 2:5

goji eltaame enahne lꞌkꞌkuumu go elkahne ni nne, eji lꞌkuumu go nsahm nyi Esowo.

1 Korint 9:7

Nne awo ma wꞌwuk bada nne a nsoja no kpo kpi elne akpohko go eltum nsoja ni á kpꞌlimi? Nne awo ma wꞌwuk bada mbahmgbe no kpo bahm egbe, kꞌli ejumjum go ege egbe? Afi wahn ebwꞌwuk bada mbaabebul no kpꞌbaabe ebul ebe, kꞌli nnyam a mbul?

2 Korint 10:8

Tibre n nehme be ndon, jol afi n woro nnyo sehng ana kehn n jol woro kunu go nsahm nyi Ntul Esowo ma-m ka re me n lim-n, wahn gbal. Me á kaam re me n lim-n, wahn rannge.

2 Korint 13:10

N kpꞌnyono nsol nyia, eji n ki li a nahne, eji n lꞌba, n lꞌkꞌba bib a nahne tib go nsahm nyi Ntul Esowo ma-m ka re me n jo lim ane, bo gbal. M-e á kaam re me n jo lim bo, bo rannge.

2 Korint 3:5

tibre nsahm enyahre kpo lohng goji Esowo. E kpimm nsahm antahng nyi bahke wahnge e tir re, e bahke ma lim ejum go egahra ngang antahng.

2 Korint 4:7

Wahr ji kpi afang nyaa, e li ana atu, eji egburu nsahm nyio lꞌjol nyi Esowo, lꞌkꞌjol nyꞌnyahre.

2 Korint 6:7

a alum abungu go etingitingi, go nsahm nyi Esowo. Eno ji e ma li go esamahr Esowo, ji ji li nsol ebta enyahre, ejum ebta jehko go eboblum, jehko go ebobkal.

1 Tesalonaika 5:8

Eji e li ka efung, nong, amahr enyahre jol sange sange, wahr jo rod eltaame, a elkoro, kak ana ngbanggbang nyi nsoja kpo kak, jo bulu ngang. Wahr tob konngo ekpasi nsoja ji li ekunukpu re Esowo bahk-r tahre.

1 Timoti 1:18

Timoti mmon ewame, erehke ji n kp-a kake a, ebyel jang jang ana abanyehnamahr Esowo bungu no bada na. Nong, alum nyao jol nsol ebta enya, eji a kpꞌnoko ebta bia go mbang nyi nno.

2 Timoti 2:3

Tob taame, nyehn erem ana nnooba nne a nsoja no Kraist Jisos.

Hibru 11:30

Eltaame ni wahnge ekahme ji Jeriko gbo no, eji abone Israel jene sennge nfung esehma.