2 Korint 10:18 - Ekajuk New Testament

¹⁸ Tibre nne no lꞌtehk elne, ye sang Esowo kpo ko-e, sehngem nne no Ntul Esowo tehk-e no, ye wo, Esowo kpo ko-e.

2 Korint 10:18 ပူးပေါင်းရင်းမြစ်များ

NWER NYI LUK 16:15

Owo Jisos kehm tongo bo re, “Wahn li ane ba kpo tib elnahne go esamahr ane re, wahn li atingitingi ane. Wo, Esowo kpꞌkahne ntim enyahne. Tibre nsol nyi ane kpo tehk, nyi nyi li nsol eltehb go esamahr Esowo.

NWER NYI JON 12:43

Tibre ellub ni bo kpo ko goji atem, ni ni jo ga kor bo, sehnge ellub ni Esowo.

Eltum 2:22

Pita kehm kpe bung re, “Israel, ejahbe ejame, wuungen atung go alum nya n kpꞌbungu. Jisos ji Nasaret wo, Esowo ka-e nsahm re á jo lim akpokosi, fere jo tib nliingi go egahne ajahbe, eji ń lꞌkahn re Esowo bi tum-e no.

NWER NYI POL NYONO TV ANEB ERO BA LI GO ROM 14:18

Nne lꞌloko Kraist go mbang nyia, Esowo bahk-e koko, ane bahke jo tehk-e tehk.

NWER NYI POL NYONO TV ANEB ERO BA LI GO ROM 16:10

Kaken Apelles nnyo, ye ji ma lohko tib re, ye li ka Kraist. Kaken ane ba lene etahk Aristobolus nnyo.

NWER NYI POL NYONO TV ANEB ERO BA LI GO ROM 2:29

Etingitingi nne a Jus li nne no li nne a Jus go ege atahng. Etingitingi nrur ayehke li nrur nyi nne yehke go ege eltim. Li ejum etohko, ji ngubjing sang. Elkohn nne noo, Esowo bi bahk-e tehke, ane sang.

1 Korint 11:19

Tibre ḿ bahke tiki jol agꞌgabe agꞌgabe, eji bo lꞌliingi ane bao ba li atingitingi ane.

1 Korint 4:5

Owo wahng ka nobo re wahn kꞌjo lam nne awohng awohng, ngare nyio kehm rehnge, nyi Ntul ewahre bahke bake. Nsol nyi li mbehr mbehr go ejannge, á bahke lohngo a nyi go edi ji li gbuul. Nsol nyi wob go ntim ane, á bahke lennge, nne awohng awohng nyehn. Owo Esowo bahke kehm tehke nne awohng awohng ana fuumu re á tehk-e.

2 Korint 10:12

E kpehme sahb fange elnahre kak go ellong ane ba kpo tehk elbo. E kpehme ko elnahre gare a bo. Bo agboolo ane ba! Bo kpo rod elbo bum ana ejum egare nsol. Bo kpo ko elbo, gare atemtem.

2 Korint 13:7

E kpꞌkake ero ka Esowo re, wahn kꞌlim ebi ajehng ajehng. E nehme seb re wahr tib re, wahr ebsehng mbahbe. E kpꞌsebe re wahn lim ji kpꞌnobo, jol eji li li ana e ma gbo mbahbe.

2 Korint 3:1

Anv, jia lohngo re, wahr ebkehme elnahre tehka? Anv, lꞌli nyi ane bahke jo nyon awer, jo lenng-r ka-n, ana fuumu a ane bandika? Afi lꞌli nyi ḿ bahke jo nyon awer nya bahke jo lenng-r ka ane bako?

2 Korint 5:12

E nehme kpe tehk elnahre go egahne esamahr, e kp-n tibi na mbang nyi ḿ bahke jo geere kak-r, eji ń lꞌmal jo faange ane ba kpo geere kak nsol nyi nne kpꞌnyehne, ba kil jo geere kak nsol nyi wob go eltim nne.

2 Korint 6:4

E kpo tib elnahre go ejum ajehng ajehng re wahr alokeltum Esowo ba. E kpo kpuumu erem abehng abehng, afi e yele nfem, afi e yele ejahkjahk ajehng ajehng, afi ejum ajehng ajehng ji kpan-r,

2 Timoti 2:15

Jo nok, eji a lꞌjol nlimeltum no nno go esamahr bi Esowo, ana nlimeltum no kil jo be ndon, eji á kpi eltum Esowo lim. Jol nne no kpo tooro atingitingi alum nya Esowo go nseenga nseenge.

1 Pita 1:7

joare ekakesehk ejahne li ji nno. Jol agul nya bahke ma rannge, bo kpo wꞌwuungu go agun. Ano wo fvfo ekakesehk ejahne ji nobo sehnge agul, bo bahke tob wuungu go agun, eji ń lꞌbel ellub, bo fere tehk-n, fere kpun-n efung bio bi Esowo bahke lennge Jisos Kraist tib,