2 Korint 10:14 - Ekajuk New Testament

¹⁴ Eji wahn li ejang egbe ji Esowo ma-r ka re wahr lim eltum, ngare nyi e ba no re wahr ba tiing-n nnoobo etib bi Kraist, e baam ba lim, ta nnyab.

2 Korint 10:14 ပူးပေါင်းရင်းမြစ်များ

NWER NYI MAK 1:1

Mbomannahb a nnoobo etib bi Jisos Kraist Mmon Esowo bi a.

Eltum 20:24

Elkpin ename, ejum elkoko sang, lohngem ejumjum ka-m. Ji li no li re, me n gohro lim eltum ni Ntul a Jisos ka-m no mal, gohro be abahl enyame, fere tong ane alum nya nnoobo nyi Esowo.

NWER NYI POL NYONO TV ANEB ERO BA LI GO ROM 1:16

N nehme be ndon go eltiingi nnoobo etib bi Kraist. Tibre kpi nsahm nyi Esowo nyi kpo tahre nne awohng awohng no lꞌtaame, gbo mbang tahre Jus, kehm tob tahre Grik.

NWER NYI POL NYONO TV ANEB ERO BA LI GO ROM 16:25

Nong, wahr kaan Esowo ellub, ye ji bahk-n ma lim ń yiimi tꞌtahne, ń lꞌtoono nnoobo etib bi n kpꞌtiingi, bi li alum Esowo bada Jisos Kraist, ana Esowo ma lennge nsol nyia nyi á behre no mahne mahne.

NWER NYI POL NYONO TV ANEB ERO BA LI GO ROM 2:16

Ano wo bahke jolo go efung bi Esowo bahke lame nsol nyi wob ane go atahng sehng goji Jisos Kraist. Ejum jia ji n kpo kono eltiingi go egama nnoobo etib.

1 Korint 2:10

nyꞌnehm nyi Esowo ma lennge ka-r go ege etohko. Tibre etohko ji Esowo ji kpo rab ejum ajehng ajehng, fere jo rab nsol Esowo nyi li go mbiiri.

1 Korint 3:10

Nnoobo nyi Esowo ma-m ka, nyi nyi m ma ko bum nnahb ekahme nyia, ana etingitingi nsehketahk no nno a nno. Nne noko kpꞌlange ero. Nong, nne awohng awohng jo kunu ekpu ana á kpꞌlange.

1 Korint 4:15

Afi ḿ bele atꞌtibi gbalee ba ki li go nfange, ń kpi nde awohng. Me n jol nso ejahne tib go alum nya Kraist Jisos nya m bungu no tong-n.

2 Korint 2:12

Eji n rehnge go Troas re me n song tiingi nnoobo etib bi Kraist, Ntul Esowo lꞌlim eyake ka-m.

2 Korint 4:4

Bo li ane ba kil eltaame, owo wahnge ebꞌbi Ntul no njini nyia ma wa bo amahr, eji bo lꞌkꞌjo nyehn ellennge ni nnoobo etib bi ellub ni Kraist, ye ji li go elfoongo ni Esowo.

Kolosa 1:5

Tibre ekunukpu ejahne li go nsol nyi Esowo kuuru no bum-n go ejahbetul Esowo, nsol nyio nyi ḿ ma tohko wuk, eji bo tong-n alum nya li go etingitingi, nya li nnoobo etib.

1 Timoti 1:11

ni li nnoobo etib bi Esowo ma-m ka re me n song tiingi, nnoobo etib bio bi Esowo bi kpi ellub, a elfuulu.