2 Korint 1:20 - Ekajuk New Testament

²⁰ Ye wo li eltaame ni Esowo taame no re, “Ee, me n lim anyam enyame kpee.” Ye wo wahnge e kpo bung re “Emen”, fere ka Esowo ellub.

2 Korint 1:20 ပူးပေါင်းရင်းမြစ်များ

Matiu 6:13

Ka lim, e yel go elgaare. Jo tahr-r yehke go abiafem.

NWER NYI LUK 2:14

“Ellub jol a Esowo go ero. Elkoono jol a ane go njini, ba Esowo li a bo yebe yebe.”

NWER NYI JON 1:17

Moses wo ka atahm. Nnoobo, a etingitingi, Jisos Kraist wo ko ba ka.

NWER NYI JON 14:6

Jisos kehm-e faange re, “Me wo li mbang, me wo li etingitingi, me wo li elkpin. Nnene limm, no bahke sehnge rehng goji Nsoo, tohko tiki jol re á sehnge go egame.

NWER NYI JON 3:5

Jisos kehm faange re, “Etingitingi, n kpꞌbungu tong-a re, Tohko tiki jol re, nne kpe tuungu jini go alahb, a Etingi Etohko, á nehm nyehn etul bi Esowo.

NWER NYI POL NYONO TV ANEB ERO BA LI GO ROM 11:36

Nsol kpee lohng go ege. Ye wo wahnge nsol kpee li no. Nsol kpee li ka ye. Nong, ellub jol ka-e go njinanjini. Emen.

NWER NYI POL NYONO TV ANEB ERO BA LI GO ROM 6:23

Tibre nsehng nyi abiafem, elkv ni. Ayare nya Esowo ka-r mbol mbol, elkpin ni li go njinanjini ni, ni sehnge go abo nya Jisos Kraist Ntul ewahre.

1 Korint 14:16

A lꞌkak Esowo saam go ega etohko, bahke limi renan, nne noka noka no tob li ona, kehm taame re, “Emen” go ero bi a kake no, eji á ki kahn ji a bungu no?

2 Korint 4:15

Nsol nyia kpee li tib go egahne esi, eji Esowo lꞌbel ellub tib go ege a nnoobo nyi ma gbal gbalee, eji ane gbalee kp-e kake saam.

2 Korint 4:6

Tibre Esowo bꞌnehm bi bungu re, “Ellennge jol go ejannge,” bꞌnehm bi ma kak ellennge go egahra ntim, nio ni elkahne ni ellub ni Esowo go esamahr bi Kraist.

Galesa 3:22

Wo, nwer Esowo bungu re, njini kpee wob go elwo ni abiafem, eji ane ba kpꞌtaame tv Jisos Kraist lꞌbel ji Esowo nyame tong ane ba ma taame.

Efesus 1:6

eji bo lꞌtehk ellub ni nnoobo enye nyi á yar-r no, eji á ka-r akor-m mmon ewe.

Efesus 2:7

Esowo limi ano, eji á lꞌtib afang nya nnoobo enye go eying ji kpꞌbake, nya nne lꞌkꞌma fange, nya li elkoro ni á tib-r no goji Kraist Jisos.

Kolosa 1:27

ba á ma yehke re bo kahn afang nya ellub ni wob go ejum ji Esowo behre mahne mahne, ji li Kraist ji wob go egahne atahng, wahn ji li ane ba ki li Jus. Ye wo wahnge ekunukpu ejahne li re, ḿ bahke jolo go ellub ni Esowo.

2 Tesalonaika 1:10

Nsol nyio bahke limi efung bi á bahke bake ellub ko goji ane ebe. Ane kpee ba ma taame tv-e, bahke kpoko bo esi, bo lꞌnyehn-e. Wahn fvfo, ḿ bahke tob woomo go bo ellong, tibre etib ebahre bi e tiing-n no bade efung bio, ń tꞌtaame.

Hibru 11:13

Ane bao kpee kpꞌkpo a eltaame eltaame ebo. Bo belem ji Esowo nyame tong bo. Bo jo nyehne na fee, fere jo kak Esowo nnyo go ejum jio, fere jo taame re, bo ajenne nya, a ajahmjahm go njini nyia.

Hibru 13:8

Jisos Kraist jꞌnehm ji jolo nyaane, á li ano lela, á bahke jolo ano ano go njinanjini.

Hibru 7:6

Melkisedek lohngem go etꞌtohngo ji Livai. Wo, á kꞌko eltahme goji Ebraham, fere fuul-e, Ebraham ji Esowo nyame enyam tong-e re á bahk-e fuulu.

1 Pita 1:12

Esowo lennge ka abanyehnamahr bao re, etib bio jolem ka bo, li ka wahn. Etib bia bi li nnoobo etib bi abungalum Esowo tiing-n no. Nnoobo etib bia, Etingi Etohko ji tumu go ejahbetul Esowo tv. Jol babenjel bahke tob kor bo re, bo tob fahng, eji bo lꞌtob kahn nsol nyia.

1 Jon 5:11

A wo li ntianse nyi li re, Esowo ma-r ka elkpin ni li go njinanjini. Elkpin nio ni li goji Mmon ewe.

Ellennge 3:14

“Nyon tv enjel nyi ero bi Laodisea re, “Alum nya ana, nya nne no bo kpo lung-e re, ‘Emen’ yahke bung, ye ji li etingitingi ntianse nyi kpi ekakesehk. Ye wo li mbomannahb go nsol nyi Esowo limi no kpee.

Ellennge 7:12

fere jo bung re, “Emen. Elfuulu, ellub, elkahne, ekpunu, nsahm, a eko jol ka Esowo ebahre bi e kp-e kake saam go njinanjini. Emen.”