Nne awohng awohng no njal lꞌyam-e, á jo li nsol go etahk, eji á lꞌkꞌba nkon, fere li ebi. Nsol nyehko nyi kpe li budu, n lꞌba go, ba toobo, n kehm-n tongo.
M bahke gulu elbake go egahne, Ntul Esowo lꞌtaame. Owo m bahke ba seb antahng kahn elkohn nsahm ana nyi aneb elgeere bao kpi no, jol alum nnyo ebo sang.
Nkpel era nyi a, nyi m ma toobo ebjing re me m ba go egahne. Wahn n nehm tokko, tibre nsol enyahne sang n kpꞌsebe. N kpꞌsebe wahnfono antahng. Tibre abon a nne sang fuumu re bo jo kuuru akpohko bum babnde. Babnde nne bo fuumu re bo jo kuuru akpohko abon ebo.