1 Korint 4:6 - Ekajuk New Testament

⁶ Abonanee, esi ejahne ji wahnge n limi ntugare nyia bade Apollos a me, eji ń lꞌkpili ejum go egahre, ji li re, wahn kahn ana ḿ bahke jo jen, jang jang ana nwer Esowo bungu no. Nong, nne awohng awohng ewahne kꞌjo geere kak nne noko, fere jo daange nne noko.

Ekajuk Scriptures NT

⁶ Abonanee, esi ejahne ji wahnge n limi ntugare nyia bade Apollos a me, eji ń lꞌkpili ejum go egahre, ji li re, wahn kahn ana ḿ bahke jo jen, jang jang ana nwer Esowo bungu no. Nong, nne awohng awohng ewahne kꞌjo geere kak nne noko, fere jo daange nne noko.

1 Korint 4:6 ပူးပေါင်းရင်းမြစ်များ

Eltum 18:24

Nne a Jus awohng no bo jo lung-e re Apollos ji bo jel-e go Aleksandria kehm bake go Efesus. Á jolo nne no sahb kꞌkahn nwer Esowo, fere jo mal elbungu.

Eltum 19:1

Eji Apollos jolo go Korint, Pol kehm sehnge go alab ejahbe nya Esia, kehm song rehng go Efesus. Owo á ba nyehn abatꞌtoono Jisos bandiki.

NWER NYI POL NYONO TV ANEB ERO BA LI GO ROM 12:3

Tib go nnoobo nyi Esowo ma-m ka, nyi nyi wahnge n kpꞌgboongo nne awohng awohng ewahne re, á kꞌjo geere kak ejum ji á ki kpi. Jo tiren nob nob, wahn kahn ji ḿ bahke jo lim go ayare nya Esowo ma-n ka, ana nya nne awohng awohng ewahne ma bel.

1 Korint 1:12

Ellum ni n kpꞌbungu a, n kpꞌbungu bade ane bandiki ba kpo bung re, bo li ka Pol, bandiki re, bo li ka Apollos, bandiki re, bo li ka Pita, bako re, bo li ka Kraist.

1 Korint 1:19

Tibre bo nyono go nwer Esowo re, “Esowo bungu re, M bahke rannge elkahne ni akahnkahn ane, fere yehke ntir nyio nyi aneb ngbere, ro go.”

1 Korint 1:31

Ano wo fvfo bo nyono go nwer Esowo re, “Nne no lꞌkehme nnyo wor, á wor nnyo tib go nsol nyi Ntul Esowo ma lim.”

1 Korint 13:4

Elkoro ni kpo lim nne á mal elkpooro, fere jol soom. Elkoro kpimm ala ateele, kpimm ejum nnyo aworo, kpimm elgeere.

1 Korint 3:19

Tibre elkahne ni njini nyia, go ejang bi Esowo li egboolo ejum. Ana nwer Esowo bungu re, “Á kpo bob akahnkahn ane go bo elkahne.”

1 Korint 3:21

Nong, nne awohng awohng kꞌgeere kak ejum ajehng ajehng ji nne. Ejum ajehng ajehng jia ana, jꞌjahne ji.

1 Korint 5:2

Bahke limi renan, ń kehm gꞌgeere? Ji ga nob li re, wahn jo guunu. Yehken ye jio ji ma lim elkohn ejum ana jio go egahne ellong!

1 Korint 5:6

Elgeere enahne ni ń kpꞌgeere nobem. Ń ka wuk a wuk elgan ni bungu re, “Abonsꞌsohko amohk ayist kpo lim ebred kohro kohro tunga?”

1 Korint 8:1

Anv, bada nsol alehke nyi bo ko jom eblom, e kpꞌkahne re wahr ane kpee kpi elkahne. Elkahne kpo bum ane elgeere. Elkoro ni kpo lim ane gbal.

1 Korint 9:23

Nsol nyia kpee n kpo lim tib go esi ji alum Esowo, eji n lꞌtob bel elfuulu ene.

2 Korint 10:12

E kpehme sahb fange elnahre kak go ellong ane ba kpo tehk elbo. E kpehme ko elnahre gare a bo. Bo agboolo ane ba! Bo kpo rod elbo bum ana ejum egare nsol. Bo kpo ko elbo, gare atemtem.

2 Korint 10:15

E kpehme geere kak eltum ni Esowo ki-r ka, ni nne noko ma lim. E kpꞌbumu re, ń lꞌkpe gbal go mbang nyi Esowo, ḿ bahk-m tobo, n kpe kim edi egbe budu,

2 Korint 10:7

Ń kpo kpur ane ana bo li ga njahm elatahk! Nne awohng awohng no lꞌbum elne re, ye li ka Kraist, nong, á tir antahng re, ana ye li ka Kraist, ano wo fvfo wahr tob li ka-e.

2 Korint 11:4

Nne nondiki lꞌba, ba bung bada Jisos go mbang nyindiki nyi e ki bung, ń soro taame tvtv. Ń lꞌfere bel etohko jindiki ji ń ki bel wuku wuku, fere wuk nnoobo etib bi ń ki taame tv wuku wuku, ń soro taame na taame tv.

2 Korint 12:19

Go nsol nyia kpee, ń kpꞌtiri re, e kpꞌbungu yehke elnahre go egahne esamahra? Akpondahme enyame, e kpo bung ana ane ba li ka Kraist go esamahr bi Esowo. Tibre ejum ajehng ajehng ji e kpꞌlimi, e kpꞌlimi, eji ń lꞌgbal.

2 Korint 12:20

Tibre n kpꞌfahle re, n lꞌba, fundiki ń nehm jol ana kor-m no re wahn jol. Mefono antahng nehm jol ana kor-n no re me n jol. Fundiki m bahke ba kpir-n go ntaange, eteelala, erakatahng, elahmetong, afahnge akiimi lake ane, areyi alimi, elgeere, a nsol nyehko kpee nyi ki li nseenge.

2 Korint 12:6

Lꞌkor-m re me n wor nnyo, n gboolem na, tibre etingitingi ji kehn n jol bungu. Me n yake nnyo aworo bum go, eji nne awohng awohng lꞌki-m jo bum wahre wahre go ege a ntir atahng, á lꞌjo bum-m wahre wahre tib go nsol nyi á kp-m nyehne, n kpꞌlimi, a nsol nyi á wuku go egame.

2 Korint 4:15

Nsol nyia kpee li tib go egahne esi, eji Esowo lꞌbel ellub tib go ege a nnoobo nyi ma gbal gbalee, eji ane gbalee kp-e kake saam.

Kolosa 2:18

Nong, nne awohng awohng ki-n were taare eltuuru enahne, ye jio ji kpo rede elne ana koro yefono antahng, fere jo kak enjel, jo yiimi go nsol nyi á kil elkahne. Elkohn nne noo kpo bum elne wahre wahre mbol mbol, tib á kpo tir ntir nyehka nyehka nyi ane kpo tir.

1 Tesalonaika 1:5

Etingitingi, nnoobo etib bi e ba tiing-n, e joom bung alum nnyo nya nya, ń fere nyehn nsahm nyio nyi Etingi Etohko, fere lohko kahn re, alum enyahre lohko li go etingitingi. Tibre ń kpꞌkahne elkpin ana ni e jolo a ni ngare nyi e jolo a nahne. E jo limi ano tib go egahne esi.

2 Timoti 2:10

Esi ji ane ba Esowo ma yehke ji wahnge n kpꞌkpuumu ejum ajehng ajehng, eji bo lꞌtob bel eltahre ni li go abo nya Kraist Jisos, ni kpo jen a ellub ni li go njinanjini.