1 Korint 4:14 - Ekajuk New Testament

¹⁴ Eji n kpꞌnyono ana tv-n, lohngem re n kpꞌsebe re me n rik-n ndon. N kp-n kake na erehke ana abon ebame antahng antahng.

Ekajuk Scriptures NT

¹⁴ Eji n kpꞌnyono ana tv-n, lohngem re n kpꞌsebe re me n rik-n ndon. N kp-n kake na erehke ana abon ebame antahng antahng.

1 Korint 4:14 ပူးပေါင်းရင်းမြစ်များ

Eltum 20:31

Jo kunen ekpu! Buumen ana n jolo a nahne nnya era, jo rehke nne awohng awohng ewahne a abonngo go amahr atv a njul.

1 Korint 15:34

Nong, amahr enyahne jol sange sange, goji ń lꞌgbo ntir, rahke abiafem go ellimi. Li ejum ndon sehng re me n tong-n re, Egom ejahne jindiki Esowo, bo nehme kahn.

1 Korint 4:15

Afi ḿ bele atꞌtibi gbalee ba ki li go nfange, ń kpi nde awohng. Me n jol nso ejahne tib go alum nya Kraist Jisos nya m bungu no tong-n.

1 Korint 4:17

Owo wahnge m ma tum Timoti tv-n, ye ji kpi ekakesehk. Ye wo li ekorokoro mmon ewame go ejang bi Ntul a Jisos. Ye wo bahk-n buumu ana eljini ename li no go ejang bi Kraist. Nsol nyi o, nyi n kpo tib go ero abehng abehng bi li edi ajehng ajehng.

1 Korint 6:5

Ndon a nahne! Anv, lohko li re, nnene limm go egahne ellong no kpꞌkahne ana á bahke ma toobo nfem nyi ma gbo go ellong aneb Esowoa?

1 Korint 9:15

Me n yake nsahm anyehng anyehng nyio bum go. N nehme nyon nwer nyia tv-n, eji ń lꞌjo ka-m nsol. Ga nob re me n kpo, sehnge re nne awohng awohng rannge elgahm ename nia.

2 Korint 11:11

Jen ji wahnge n kehm bꞌbung ana fono? Anv, lohngo re, me ń nehme kora? Esowo kpꞌkahne re ń kp-m koro.

2 Korint 12:19

Go nsol nyia kpee, ń kpꞌtiri re, e kpꞌbungu yehke elnahre go egahne esamahra? Akpondahme enyame, e kpo bung ana ane ba li ka Kraist go esamahr bi Esowo. Tibre ejum ajehng ajehng ji e kpꞌlimi, e kpꞌlimi, eji ń lꞌgbal.

2 Korint 7:3

M bungem ana re me n ka-n ebi. Ana n tohko bung, ń wob-r go eltim, afi e kpo na, afi e li go elkpin, e bahke jolo ajehng.

Kolosa 1:28

Ye wo, e kpo bung bada ne, fere jo rehke nne awohng awohng, fere jo tib-e ajoobo nsol nya elkahne, eji e lꞌko nne awohng awohng ba ka Esowo ana nne no ma gbal go ejang bi Kraist.

1 Tesalonaika 2:11

Ń kpꞌkahne re, e jo fili nne awohng awohng ewahne ana nde nne kpo fili abon ebe. E jo rehk-n, fere jo kak-n eltim, fere jo tong-n re,

1 Tesalonaika 5:14

Abonanee, e kp-n tongo re, wahn jo rehke ane ba kil eljene go nseenge. Jo kaken ane ba kil jo sahb erem eltim. Jo kaken ane ba kil tahne ebo. Jo kpuumen ka nne awohng awohng.

2 Tesalonaika 3:14

Nne awohng awohng no lꞌten elbumu alum nya e nyono go nwer nyia, nyonen mbing enye kak go nwer, wahn kꞌkpe jo jen a ne, eji ndon lꞌfil-e.

Failimon 1:10

N kp-a gboongo ka Onesimus, mmon ewame, no me m ma jol nde, eji n wob ngbekobo nyia.

1 Jon 2:1

Abon ebame, n kpꞌnyono ana tv-n re wahn kꞌlim abiafem. Nne awohng awohng ewahre no lꞌfere lim abiafem, Jisos Kraist ji nne no nno bahke gboongo Nsoo ka-e.

3 Jon 1:4

Eyebatahng ajehng ajehng limm, ji m bahke kpe bel, sehnge jia ji m ma wuk re, abon ebame kpꞌtoono etingitingi.