1 Korint 3:5 - Ekajuk New Testament

⁵ Nne awo li li Apollos? Nne awo li li Pol? Bo alokeltum Esowo ba, bo ba wahnge ń taame tv Esowo. Bo, nne awohng awohng kpꞌlimi eltum ni Ntul ka-e re á lim.

Ekajuk Scriptures NT

⁵ Nne awo li li Apollos? Nne awo li li Pol? Bo alokeltum Esowo ba, bo ba wahnge ń taame tv Esowo. Bo, nne awohng awohng kpꞌlimi eltum ni Ntul ka-e re á lim.

1 Korint 3:5 ပူးပေါင်းရင်းမြစ်များ

Matiu 25:15

Á ka nne awohng awohng ana á bahke ma lim. Noko, á ka-e ekpa akpohko eblon, noko, ekpa akpohko ebbal, noko ajehng, kehm soro tahm eje.

NWER NYI LUK 1:2

Bo nyono ana ane ba jolo go mbomannahb, ba nyehne nsol nyio go amahr tong-r, bo ji jolo alokeltum ba Alum Esowo.

NWER NYI JON 3:27

Owo Jon kehm faange re, “Nnene limm, no bahke ma bel ejum ajehng ajehng, sehngem re no Esowo bi ka-e.

Eltum 18:24

Nne a Jus awohng no bo jo lung-e re Apollos ji bo jel-e go Aleksandria kehm bake go Efesus. Á jolo nne no sahb kꞌkahn nwer Esowo, fere jo mal elbungu.

Eltum 19:1

Eji Apollos jolo go Korint, Pol kehm sehnge go alab ejahbe nya Esia, kehm song rehng go Efesus. Owo á ba nyehn abatꞌtoono Jisos bandiki.

NWER NYI POL NYONO TV ANEB ERO BA LI GO ROM 15:16

me n jol nlokeltum no Kraist Jisos ka ane baka baka. N kpꞌlimi eltum ana nlimajom, eji n kpꞌtiingi nnoobo etib bi Esowo re me n ko ane baka baka ba ka Esowo ana ayare nya Esowo bahke koko, nya Etingi Etohko ma lim re, jol eje eje ka Esowo.

1 Korint 12:28

Go ero, Esowo gbo mbang yehke abatiingetib, kehm kpe yehke abanyehnamahr, fere yehke atꞌtibi, go ane ba kpo lim akpokosi, go ane ba kpo lim ane nob ayam ebo, a ane ba kpo kak ebo go eltum, a ane ba kpo fili ane, budu ane ba kpo bung ajoobo ajahbe nya nfenfe.

1 Korint 16:12

Mmonannee Apollos, n kpo rehk-e re á ba go egahne, a aneb Esowo bako. Anv, we nehme kor re á ba nkpel anyehng anyehng. Á lꞌbel eyake, á bahke bake.

1 Korint 3:10

Nnoobo nyi Esowo ma-m ka, nyi nyi m ma ko bum nnahb ekahme nyia, ana etingitingi nsehketahk no nno a nno. Nne noko kpꞌlange ero. Nong, nne awohng awohng jo kunu ekpu ana á kpꞌlange.

1 Korint 3:22

Pol, a Apollos, go Pita, njini nyia, elkpin, elkv, eying jia ji anv, a eying ji esꞌsong, kpee nsol nyia, nyꞌnyahne nyi.

1 Korint 3:7

Nne no kpo bahm nsol, a nne no kpo toomo alahb, ejumjum goji bo limm. Esowo ntahngtahng bi li elahmlahm ejum, tibre ye wo kpo ka nlak.

1 Korint 9:17

Li re eltum nia nꞌname ni, ni n yehke re me n lim, kehn m bahke jo kunu ekpu re me m bel eltuuru. Eji ki li eltum ename, nobo re me n lim ana bo kak-m go ebo re me n lim.

2 Korint 11:23

Anv, bo alokeltum Kraist baa? N kpꞌkpeke bung ana ngbokesahl. Me wo ga li nlokeltum no nno sehnge bo. Me n lim eltum sehnge bo. Me wo ga woomo ngbekobo sehnge bo. Bo ma-m dv gbalee. Nkpel tvv elkv jo jol a name kpidi kpidi.

2 Korint 3:3

Eblohko tib re, wahn ba li nwer nyi Kraist ko-r nyon. Á nyonem go alahb nwer, á nyono go etohko ji Esowo bi li go elkpin. Á fikem go atal, á nyono kak go ntim ane.

2 Korint 3:6

Esowo bi ma-r ka nsahm re wahr jol alokeltum ba egbanngalung ji nfenfe ji ki li go atahm abumu, ji li egbanngalung ji etohko. Tibre atahm kpo wul na, etohko ji kpo ka elkpin.

2 Korint 4:1

Fvfo, eji Esowo ma-r ka eltum nia tib go ege a ndon, e nehm yini ekpu.

2 Korint 4:5

Alum Esowo nya e kpo bung, e kpehme bung re, wahr atul ba. E kpo bung re, Jisos Kraist wo li ntul, wahr alokeltum ebahne ba tib go esi ji Jisos.

2 Korint 4:7

Wahr ji kpi afang nyaa, e li ana atu, eji egburu nsahm nyio lꞌjol nyi Esowo, lꞌkꞌjol nyꞌnyahre.

2 Korint 5:18

Nsol nyia kpee lohng goji Esowo ba, ye ji ma lim etem a nahre, wahr ji jolo anebekv ebe. Etem bio sehng goji Kraist, á fere ka-r eltum ni e bahke jo lim ane bako, bo tob jol go etem a ne.

2 Korint 6:1

Eji e kpꞌlimi eltum ano a Esowo, e kp-n gboongo re wahn kꞌjol ane ba ma bel nnoobo nyi Esowo mbol mbol, ba kil rodo lim ejumjum.

2 Korint 6:4

E kpo tib elnahre go ejum ajehng ajehng re wahr alokeltum Esowo ba. E kpo kpuumu erem abehng abehng, afi e yele nfem, afi e yele ejahkjahk ajehng ajehng, afi ejum ajehng ajehng ji kpan-r,

Efesus 3:7

Esowo lim-m re me n jol nlokeltum no nnoobo etib bio tib go nnoobo nyi á yar-m no, eji nsahm enye jo tib edu.

Kolosa 1:23

Esowo bahk-n limi ano, ń lꞌfere soro asi go ege a mbang, fere yiimi tꞌtahne, kꞌren, kꞌyehke ekunukpu ejahne goji Esowo, ye ji ń wuku alum enye nya bo ma bung tong nne awohng awohng go njini, nyao nya me Pol ma jol nlokeltum.

Kolosa 1:25

Me n fere jol nlokeltum abo. Tibre Esowo bi ka-m eltum nia re me n lim ka-n. Eltum nia li re, me n lim ane kahn alum Esowo gbalee.

1 Timoti 1:12

Me n kak Jisos Kraist Ntul ewahre saam go nsahm nyi á ma-m ka re me n lim eltum. M m-e kak saam, eji á bumu re me n li nkakesehk a nne, fere yehk-m re me n lok-e,

1 Pita 4:10

Ana wahn, nne awohng awohng ma bel ayare nyanye, nya Esowo m-e ka. Nobo re wahn ko, jo lim nnoobo ka atemtem, ana ane ba kpꞌmale ajoobo ayare nya Esowo go elkuuru nob nob.