1 Korint 1:27 - Ekajuk New Testament

²⁷ Esowo ebyehke nsol nyi li agboolo nsol go esamahr njini nyia ko, riki akahnkahn ane ndon, fere yehke nsol nyi kil tahne go esamahr njini nyia, ko, riki ajꞌjok ane ndon.

Ekajuk Scriptures NT

²⁷ Esowo ebyehke nsol nyi li agboolo nsol go esamahr njini nyia ko, riki akahnkahn ane ndon, fere yehke nsol nyi kil tahne go esamahr njini nyia, ko, riki ajꞌjok ane ndon.

1 Korint 1:27 ပူးပေါင်းရင်းမြစ်များ

Matiu 11:25

Ngare nyio Jisos kehm bungu re, “Nsoo, wo wo li Ntul go ero, a ndi. N kp-a tehke, tib eji a ma lennge abonbili nsol nyia nyi a behre re akahnkahn ane, a anebkul kꞌnyehn.

Matiu 21:16

Owo bo kehm tongo Jisos re, “Wobwuk ana bo kpꞌraba?” Jisos kehm faange bo re, “Ee, n kpꞌwuku. Wo, ń ka tiki lung edi nwer Esowo ji bungu re, “ ‘Esowo ebko anyo abonse, a nya abonbili, lim, eji lꞌjol ejum eltehke ka yefono antahnga?’ ”

Matiu 9:9

Jisos kehm tahme edi jio. Eji á jo sehng asongo, á kehm nyehne nne no jehk go ege a nji etak, no bo jo lung-e re Matiu. Owo á kehm-e tongo re, “Tahm toon-m!” Matiu kehm soro tahm toon-e.

NWER NYI LUK 21:15

Tibre m bahk-n kake alum nya ḿ bahke bungu, fere ka-n elkahne, eji anebekv ebahne lꞌkꞌma faange, fere jo ten.

Eltum 17:18

Atꞌtibi bandiki ba jo toono eltibi ni Epikur, a atꞌtibi bako ba bo jo lung bo re Stoik, kehm tob song kpiri Pol. Ane bandiki kehm bungu re, “Jen ji á kpꞌbꞌbung o? Akpaale abuuru nyaa lohngo renan?” Ane bandiki re, “Li are á kpꞌbungu bade ajen eblom bi ane bamongo.” Tibre Pol jo bungu bada Jisos, a elnyahme ngubjing go elkv.

Eltum 7:35

“Moses ji bo ten-e no, fere bung re, ‘Nne awo lim-a re wo jol ntubesi, fere jo lam alam enyahre?’ ye wo Esowo tum-e no re, á song jol ntubesi, fere jol ntꞌtahre. Enjel nyio nyi á nyehne no go eti jio, nyꞌnehm nyi song tv-e go Ijipt.

Eltum 7:54

Eji atul esub wuku ana Stiven jo bung, ntim kehm maange bo sꞌsehng. Bo kehm kehme aromo tuubu.

1 Korint 1:20

Anv, kehm jolo renan bade akahnkahn ane bao, a aneb ngbere fvfo? Kehm jolo renan bada nne no kpo ware go nnyo go njini nyia? Esowo ebrod elkahne ni njini nyia bum ana egboolo ejum.

1 Korint 1:21

Tibre Esowo go ege elkahne wo, á kpane ane re bo ki-e kahn go bo elkahne. Kpo kor Esowo re á tahre ane ba lꞌtaame tv etib bi e kpo tiingi, bi kpo jol ane bako ana egboolo ejum.

1 Korint 2:12

Wahr belem etohko ji njini nyia ana, e bele etohko ji Esowo tumu no tv, eji e lꞌkahn ayare nya Esowo ma-r ka.

2 Korint 10:10

Tibre bo kpo bung re, “Awer nya Pol kpi nsahm, kpo fere lub-r. Á lꞌjol a nahre, á kpo kooko sehng, alum enye kpehme tohko jꞌjol ejumjum.”

2 Korint 4:7

Wahr ji kpi afang nyaa, e li ana atu, eji egburu nsahm nyio lꞌjol nyi Esowo, lꞌkꞌjol nyꞌnyahre.

Jems 2:5

Wuungen atung, akor-m abonanee, Esowo ebyehke ane ba li akpak go njini nyia re bo gbo afang nya li eltaame ni bo ma taame tv-e, fere li etul ebe ana ejum elehke elkv ebo, ji á nyame tong ane re bo bahke bele, ba ye kpi bo kor.