NWER NYI POL NYONO TV ANEB ERO BA LI GO ROM 3:25 - Ekajuk Scriptures NT

²⁵ ye ji Esowo yak-e no ka, eji alung eme lꞌwahng eltim naang-e, á fere tahm ka bo go bo abiafem, bo lꞌtaame tv-e. Eji Esowo yake Jisos ka, á sebe re á tib mbang nyi ane bahke ma li eno go ege esamahr. Tibre wuku wuku Esowo jo kpuumu abiafem nya bo jo lim fere gbake bum go nkpe.

Ekajuk New Testament

²⁵ ye ji Esowo yak-e no ka, eji alung eme lꞌwahnge eltim naang-e, á fere tahm ka bo go bo abiafem, bo lꞌtaame tv-e. Eji Esowo yake Jisos ka, á sebe re á tib mbang nyi ane bahke ma li eno go ege esamahr. Tibre wuku wuku Esowo jo kpuumu abiafem nya bo jo lim fere gbake bum go nkpe.

NWER NYI POL NYONO TV ANEB ERO BA LI GO ROM 3:25 ပူးပေါင်းရင်းမြစ်များ

NWER NYI JON 6:47

Etingitingi, n kpꞌbungu tong-n re, Nne no lꞌtaame, á kpi elkpin ni li go njinanjini.

Eltum 14:16

Mahne mahne Esowo yake ane kpee, bo jo jen go mbang nyi koro bo.

Eltum 15:18

Ano wo Jehova bungu no, eji á lennge nsol nyia mahne mahne.’ ”

Eltum 17:30

“Ngare nyio nyi ane ki liingi Esowo, Jehova kpooro na. Anv, yebtong nne awohng awohng go edi ajehng ajehng re á gbo ndon go ege abiafem.

Eltum 2:23

Esowo go ege elkahne wo, á toobo no re á yake Jisos ka. Wahn ba jabb-e kak abi ane go ebo. Bo kum-e lake go ekros, á kpo.

Eltum 3:18

Mahne mahne Esowo tongo abanyehnamahr ebe re, bo song bung re, ‘Tiki li re, Kraist bahke tiki nyehn erem.’ Ana wo Esowo lohko lim enyam ebe re lohko jol go etingitingi.

Eltum 4:28

Bo kono edi ajehng re bo lim ejum ajehng ajehng ana ji a toobo wuku wuku bum.

NWER NYI POL NYONO TV ANEB ERO BA LI GO ROM 2:4

Afi a kpo rod afang nya nnoobo nyi Esowo, a elkpooro ene, a elkpuumu ene, jo lim mbene? Anv, a nehme kahn re, nnoobo nyi Esowo kpo tib nne mbang nyi egbokondona?

NWER NYI POL NYONO TV ANEB ERO BA LI GO ROM 3:26

Wo anv, Esowo ebtib re, ye li go etingitingi, fere tib eno eje. Nne no lꞌtaame tv Jisos, ye wo bahke lehke eno go ege esamahr.

NWER NYI POL NYONO TV ANEB ERO BA LI GO ROM 5:1

Anv, eji e ma li eno go esamahr bi Esowo tib go egahre eltaame, wahr ebjol go elkoono a Esowo, ni sehnge go abo nya Jisos Kraist ntul ewahre.

NWER NYI POL NYONO TV ANEB ERO BA LI GO ROM 5:11

Jol ano ano sang, e kpꞌtob geere kak Esowo tib Jisos Kraist Ntul ewahre no ma-r lim re wahr jol go etem a Esowo.

NWER NYI POL NYONO TV ANEB ERO BA LI GO ROM 5:18

Ana elsoodo ni nne awohng wahng re ane kpee li ebi, ano wo fvfo nne awohng no limi ejum ajehng ji jolo go etingitingi ma tob wahnge re ane kpee li eno, fere bel elkpin.

NWER NYI POL NYONO TV ANEB ERO BA LI GO ROM 5:9

Eji e ma li eno go esamahr bi Esowo tib go alung ma Jisos, lꞌlim renan, á ki-r tahre yehke go ege erakatahng?

1 Korint 5:7

Nobo re wahn yehke nkꞌkulu eyist nyio nyi abiafem, eji ń lꞌjol ebred ji nfenfe, ji ki kpi etoongo eyist ajehng ajehng. N kpꞌkahne re, ń lohko li go etingitingi. Tibre Kraist ji li mmon a njoro no Pasova ejahre, ye wo, bo m-e rod lim njom.

Efesus 1:7

Alung eme ma wahnge Esowo ma-r fak yake, fere tahm ka-r go egahre abiafem, ma kpꞌtibi afang nya nnoobo enye,

Efesus 2:13

Eji ḿ ma jol ajehng a Kraist Jisos, wahn ji wuku wuku jolo fee, anv, bo ma-n ko, ba a nahne goji Esowo tib go alung ma Kraist.

1 Timoti 1:15

Etingitingi elbungu ni ana, ni fuumu re nne awohng awohng taame tv re, Kraist Jisos ba go njini nyia re á ba tahre aneb abiafem, ba me n li ntubesi abo.

Hibru 10:4

Tibre alung efong, a ma ebul nehm ma tiki ru eltim abiafem.

Hibru 11:14

Ane ba kpo bung ana, bo kpꞌtibi re, bo kpꞌlohko seb ejahbe.

Hibru 11:17

Eltaame ni wahnge Ebraham yake mmon ewe ka ana ejum njom, ngare nyi Esowo wuung-e no. Á toobo ebjing re á yake mmon ewe na awohng awꞌwohng ka,

Hibru 11:7

Eltaame ni wahnge Noa wuku erehke ji Esowo kak-e bada nsol nyi kpꞌbake, nyi á ki nyehn go amahr. Eji Noa ma wuk erehke jio, á kehm kehme elfahle. Owo wahnge á kono egbang bi bahke tahre ane ebe. Eji á ma lim ano, á ka njini ebi, ye li eno ji Esowo, ji nne bahke lehke, á lꞌtaame.

Hibru 9:28

ano wo fvfo Esowo ma rod Kraist ka ana ejum njom nkpelkpel anyehng, eji á lꞌsol abiafem nya ane gbalee. Á bahke kpe ba, ba tahre ane ba jehk kp-e siki. Á nehme kpe ba tib go abiafem.

Hibru 9:5

Enjel na ebal nyi jo tib ellub ni Esowo kuumu go mbulu elkohl, nyi Esowo jo tahm ka ane go bo abiafem. Bo nyange akpungkpung ebo bulu edi jio ji eltahmeka. Anv, e nehm ma ji, tooro ejum ajehng ajehng kpee.

1 Jon 1:10

E lꞌtong re, wahr abiafem e ka lim a lim, lohngo re, wahr ebrod Esowo bum ana nkimfahnga nne. Alum enye go egahre atahng wobem.

1 Jon 2:2

Tibre Jisos wo gongo Esowo ka-r tib go egahre abiafem, abiafem nyanyahre nya nya sang, tob li ka abiafem nya njini kpee.

1 Jon 4:10

Ana wo elkoro li no. Lohngem re wahr ba, Esowo kor-r no. Wahr ba koro na Esowo, owo á kehm tumu mmon ewe, ba kpo go egahre esi, eji á lꞌgong-e tib go egahre abiafem.

Ellennge 1:5

ni tob lohng goji Jisos Kraist ji jolo ntianse nyi bele ekakesehk, ye ji li ngbokambang a nne no nyahme go elkv. Ye wo li ntul no atem atul ba li go njini nyia. Ye wo li nne no e kor-e no, no ma lim re, wahr for go egahre abꞌbi tib go ege alung,

Ellennge 13:8

Nne awohng awohng no li go njini nyia bahk-e kake, no bo ki nyon mbing enye go nwer nyi elkpin, njini nyia kehm jolo. Nwer nyio li ka mmon a njoro no bo wul-e no.

Ellennge 20:15

Nne awohng awohng no bo ki nyon mbing enye go nwer nyio nyi elkpin, bo rod-e na, ro kak go eto agun.

Ellennge 5:9

Bo jo yimi ese nfenfe re, “A fꞌfuumu re, wo ko nwer nyio, laade alak lennge, tibre bo ma-a wul, wobyake alung ema ka, gunu ane ka Esowo go nnahb anyehng anyehng, a ane ba kpo bung ajahbe nya bo ebo ebo go ejang njini abehng abehng, a ejahbe ajehng ajehng.