NWER NYI MAK 8:31 - Ekajuk Scriptures NT

³¹ Jisos kehm kehme abatꞌtoono ebe tib re, “Mmon no nne bahke nyehne erem gbalee. Anebkul nfam, a atubesi abalimajom, go atꞌtibi ba atahm bahk-e tene, fere wul-e. Lꞌkang nfung era á nyahme, fere jol go elkpin.”

Ekajuk New Testament

³¹ Jisos kehm kehme abatꞌtoono ebe tib re, “Mmon no nne bahke nyehne erem gbalee. Anebkul nfam, a atubesi abalimajom, go atꞌtibi ba atahm bahk-e tene, fere wul-e. Lꞌkang nfung era á nyahme, fere jol go elkpin.”

NWER NYI MAK 8:31 ပူးပေါင်းရင်းမြစ်များ

Matiu 12:40

Tibre, ana Jona kange ala nnyam alahb nfung era, ano wo fvfo Mmon no nne bahke tob kang atahng ndi nfung era.

Matiu 21:42

Owo Jisos kehm tongo bo re, “Ń ka tiki lung a lung edi nwer Esowo jia re, “ ‘Eltal ni asehketahk tene no, ni ni ma fere jol nnahb ekahma? Jehova limi jia ji li nkpokosi go egahra ntim.’

Matiu 27:63

kehm-e tongo re, “Nsoo, wahr ebbuumu ana nnehm a nne noo bungu ngare nyi á kpeke li go elkpin re, ‘Nfung era m bahke nyahme go elkv.’

NWER NYI MAK 12:10

Wahn ka lung a lung edi nwer Esowo jiaa, ji bungu re, “ ‘Eltal ni asehketahk tene no, ni ni ma fere jol nnahb ekahma?

NWER NYI LUK 17:25

Á bahke gboko mbang nyehn erem gbalee. Ane ba li anv bahk-e tene.

NWER NYI LUK 24:26

Tiki li re, Mesaya gbo mbang nyehn erem bia kpee, kehm yele go ege ellub.”

NWER NYI LUK 24:44

Á kehm tongo bo re, “Alum enyame nya ana, nya n jo bung a nahne ngare nyi n kpeke li a nahne re, Ejum ajehng ajehng ji bo nyono bada name go atahm nya Moses, fere nyon go awer nya abanyehnamahr, a nwer a Saams bahke lohko jol go etingitingi.”

NWER NYI JON 12:48

“Nne no lꞌten-m, kꞌko alum enyame, ye wo elam nong kp-e siki. Alum nya m ma bung a, nyanehm nya bahk-e lame go esꞌkohro efung.

NWER NYI JON 2:19

Jisos kehm faange bo re, “Waan etahk Esowo jia, m bahke tuungu si ji nfenfe go nfung era.”

Eltum 7:35

“Moses ji bo ten-e no, fere bung re, ‘Nne awo lim-a re wo jol ntubesi, fere jo lam alam enyahre?’ ye wo Esowo tum-e no re, á song jol ntubesi, fere jol ntꞌtahre. Enjel nyio nyi á nyehne no go eti jio, nyꞌnehm nyi song tv-e go Ijib.

1 Korint 15:4

Á kpo, bo kpa-e kak. Nfung era, Esowo nyahm-e go elkv, ana nwer Esowo bungu no.