Hibru 10:5 - Ekajuk Scriptures NT

⁵ Owo wahnge ngare nyi Kraist yahke ba go njini, á tongo Esowo re, “A kpehme seb ajom, a ayare. A toobo ngubjing bum-m.

Ekajuk New Testament

⁵ Owo wahnge ngare nyi Kraist yahke ba go njini, á tongo Esowo re, “A kpehme seb ajom, a ayare. A toobo ngubjing bum-m.

Hibru 10:5 ပူးပေါင်းရင်းမြစ်များ

Matiu 11:3

Bo kehm song bahb-e re, “Wo wo li nne no Jon tongo re á kpꞌbaka, afi wahr ji sik nne nondiki?”

NWER NYI LUK 1:35

Enjel nyio kehm-e faange re, “Etingi Etohko bahke jolo a na. Nsahm nyi Esowo bahk-a bulu. Owo bahke wahng ka mbarebara mmon no a bahke jele, bo bahke jo lung-e re Mmon no Esowo.

NWER NYI LUK 7:19

Jon kehm lungu abatꞌtoono ebe na abal, tum bo tv Ntul a Jisos re bo song bahb-e re, “Wo wo li nne no kpꞌbake, afi wahr ji sik nne nondiki?”

NWER NYI JON 1:14

Ellum nio ni ba siingi nne, fere lene tob-r. Wahr ebnyehn ellub ene, ellub nio ni Nde ka Mmon mmon awohng ewe, no ma gbal go nnoobo, a etingitingi.

Galesa 4:4

Wo, eji afung nyao biingi no, Esowo kehm tumu Mmon ewe. Nnenkal wo jel-e, á fere woomo go elwo ni atahm,

1 Timoti 3:16

Nnene limm, no bahke ma faabe egburu nkpokosi ejum nyi e kpꞌtaame tv, nyi li re, Esowo ba go elfoongo ni nne. Etingi Etohko ji jo yiimi ntianse ka-e re á li eno. Babenjel nyehn-e nyehn. Ane ebe kpꞌbungu alum enye go ellong ane baka baka. Ane ba ma taame tv-e baa, go njini nyia. Nsahm Esowo rod-e tahm a ne go ejahbetul Esowo.

Hibru 1:6

Eji Esowo yahke ba ngbokambang a mmon ewe tum tv go njini, á kpe bung re, “Nong, babenjel nya Esowo kpee kak-e.”

Hibru 10:10

Tib eji Jisos Kraist limi ji koro Esowo, owo wahnge e ma bar go egahre abiafem kpee tib go njom nyi á yake ngubjing enye ka nkpelkpel anyehng.

Hibru 10:7

Owo n kehm bungu re, ‘Nyehn me gana, o Esowo, me m ba re me m ba lim ji kp-a koro, ana bo nyono bada name go nwer Esowo.’ ”

Hibru 10:8

Á tohko bung re, “A joom seb ajom, a ayare, a ajom nya bo kpo jahm nsol fi, a ajom nya bo kpo lim, eji abiafem lꞌlaade bo. Nsol nyia wa joom kor.” Á bungu ano, jol eji bo jo lꞌlim ajom nyao ona ana atahm bungu no.

Hibru 2:14

Tib eji abon bao kpi ngubjing, a alung, Jisos kehm tob ba jol ana bo, fere bel ngubjing, ba rannge nnehm nyi elkv wob-e go elwo, tib go ege elkv,

Hibru 5:7

Ngare nyi Jisos jolo go elkpin go njini nyia, á jo kake ero, fere jo gboongo Esowo, jo rabe eling wahre wahre wahre, jo yehke abonngo. Á jo kake ero ka nne no bahk-e ma tahre yehke go elkv. Owo wahnge Esowo jo wuk-e, tib go elfahle ni á jo fahl-e.

Hibru 8:3

Nlimajom awohng awohng bo yehk-e na re á jo ko ayare song ka Esowo, fere jo lim ajom. Owo fvfo nlimanjom ewahre bahke tob bel ejum ji á bahk-e kake.

1 Pita 2:24

Yefono Kraist wo solo abiafem enyahre go ege a ngubjing, tahm a nya go ekros, eji e lꞌtob kpo, yaame abiafem, fere jol go elkpin ni nno. Go ege alok wo wahnge ḿ ma nob.

2 Jon 1:7

Tibre anehm ane gbalee eblohng yel go njini, ane ba kil eltaame re Jisos Kraist ba go ngubjing. Elkohn nne noo nnehmane wo, ye Nnekv a Kraist wo.