Yoane 8:38 - Rusang rusek rapunta

³⁸ Minyi runtotak mey matar minyi bora a Tata, binu ake bunkerk mey matar binu bora iso a binu.

Yoane 8:38 ပူးပေါင်းရင်းမြစ်များ

Yoane 14:10

Wene rek wayes ampe minyi rungwar kat a Tata, nto ake Tata angwar u kat ami ? Mey mumak biror minyi kerumak maror ma minyi amet bo ; Tata angwak u kat ami ya nkerk mayemp.

Yoane 14:24

Ntshu wa rek upont minyi, yak ront ake mey mami bo. Ruey rik oki binu rek rawar rami bo, di ra bora Tata ntshu amatom minyi.

Yoane 17:8

Isin minyi ramabawek mey mamapek wene, banta bamamarab ; banta bamayeb a barabara, minyi ratoa ngwa wene, bamayes ampe, wene wamatom minyi.

Yoane 3:32

Yante antotok mey matar yante nto ake mey maok yante, rek a muot uyes mey matot yante.

Yoane 5:19

Yes kubaror yampe : Barabara, barabara, minyi rik birori, Muan uyeb uker ruey yamet bo, nko atar yante akera Isante, mey makima maker Tata, Muan ake ikak maker aya.

Yoane 5:30

Minyi rak yeb uker ruey miamet bo, minyi runtentek nko ingok minyi, butente buami bungwak a barabara, isina minyi kurunsotk ruwont rami bo, di minyi runsotok ruwont ra Tata amatom minyi.

Yoane 8:26

Minyi rungwa a mey ma buiki mubiror, nto ake mubikuaks, yante amatom minyi angwak a barabara, mey maok minyi ngwar yante, minyi rumatot u kat a bat ba man.

Yoane 8:41

Di binu bunkerk mingun miso a binu. Ba kunor bampe : Bitu rek tshuawar bana bu misuesuempe ; bitu tshungwar a Tata a bitu mwetshi, yante Ntsampe.

Yoane 8:44

Binu bungwa bana ba bora Satan, binu bungontok kukokos ruwont ru iso a binu. Ya awak ndjak a bat kwetshi a kwetshi, yante uwar u kat a barabara bo, isina barabara rek a yinta u kat ante bo. Matank makim mpe yante atot ikuis antotok meye mante muntotok ya, isina ya angwak muna ikuis, angwak ake isante makuis.