Zefanya 2:12 - Eipomek

¹² Tonda, Sudan mutuku noutam ululum nang ara, na Allah Yahweh arye, lo arepnirye, yuk mutuku yu nang dobuka deipyeura, sik ayu nang arye, parang ya dobuka, anggun Sudan mutuku nang weika arye opnamsiake.

Zefanya 2:12 ပူးပေါင်းရင်းမြစ်များ

Mazmur 17:13

Ati ara, na ni Allah Yahweh, anda tikmince, na ona ati, yu nang ara, wenepmince, amu tamuk deipnamlame. Yu weik nang arye, nati, ‘Nun ninye ona ati, parang doprobibyakarye, anye oplopnuyap,’ tenenyaka ati, na nio, ance melibuka lyepdopnamnilame!

Yesaya 10:5

Allah arye nyabuk. Sik Asyur mutuku unyak nang ara, sikti, lo arepnyeura, sikce Israel nang ati, ikin ning deipnamsiyake! Na kayapu koproba, Israel nang arye, malye weik winilamik ati, lo arepnyeba, sikce anang olalbinamak bukni, aminyan talak ara, sik babye wenebuka opnamne. Wini talak ara, anggunda na talinun ning ara, tonda na ninye on kama atonun kipdeipniba, ‘Naʼ tenen nang, Israel nang ati opnamake. Ara, na yu weik upnilya ati derepnye nang ara, sik anang deice deipnamake.

Yesaya 13:5

Sik ayin talin nang ara, pia pera mutuku ara, mutuku sirya, im sirya daulamice nang, bulubuka yanganamake. Na Allah ap, sik ap, nun neika bibirye, na tenepse mutuku unyak nang obuka, sirya dakuka kum kipdeipnamne. Ara, na ap, na wipdeipse yin nang ap, nun neika arye, sik malye wininyak nang nirya ati, obibirye, sirya daknamabe.

Yesaya 20:3

Keting tamun winilye akunum ubukura, Allah Yahweh arye, Asdod mutuku ulamik nang ati, yanuka yupu ton nyabuk. Ara, “Na amu tam pil donanye, nabi Yesaya bira, keting tamun winilye deice arye, baju ap, yan sendal ap, ongona kumce, talye nong bananguk balamuk. Winibuka balamuk ning ara, ninye dinmanakuk, Yesaya bira balamuk. Ara, Mesir mutuku nang ap, Sudan mutuku nang ap ati, weik ikin ning upnamle ning, ara Asyur mutuku Raja birye, sikti, aminyan talak winipnamuk ning ati, narye nyapdeipsiba, nabi Yesaya birye lakakiamsuke.

Yesaya 43:3

Aning nyapmasina ara, urdem ati kum nyapsine. Deiyok ara, Israel ninye anggun ni koproba Allah, na si Yahweh unune. Israel ninye, anggun kalikuka melina deiyoknye, Pia Telebnye birye, anggunti lyepnamsina ati nyapsine. Israel ninye anggun Lyena Deiyoknye unune. Anggun malye winilulum ning ati, wenebuka oplopsitinye bukni, amalye umunye ning pununa ati, Mesir mutuku ulamik ninye ap, Etiopia mutuku ulamik ninye ap, Syeba mutuku ulamik ninye ap ara wenebuka oplopse. Winipsirye, anggun Israel ninye ati lopdeipsise.

Yehezkiel 30:24

Winapnamna ati ara, Babel mutuku deiyok talibuka ululnye biti, narye mikip weik kipdeipnamne. Na mikip weik ninye on ya ara, Babel mutuku ninye deiyoknye arepnamne. Bukni, Mesir mutuku talibuka ulula deiyoknye Firaun, el mikip ara, kum kipdeipnamne. Winipniba, ninye weik oplirye, dila weik upliba, asik bukikirye, bisik kum balamaka atonun, malye nyabuka ngalukuka engenamle. Babel mutuku ninye deiyoknye damuk, malye nyabuka engebuka unamle.