Zakaria 4:4 - Eipomek

⁴ Nyapsopura, narye adiparyuk, atikmok malaikat ati, asipdese. “Naio, awinipmal ning nirya eipman bukni, narye aning eipmana nirya ara, el deiyok ara, yata laka kin ning ati, upmal do?” nyabuka asipdese.

Zakaria 4:4 ပူးပေါင်းရင်းမြစ်များ

Esra 5:2

Ayupu nyaprikba, ninye si Sealtiel el mi Zerubabel ap, tonda Yosadak el mi Yesua ap arye, anyaik dona ati, deiyok kouna deiyok nang kiprikba, Allah el si eren aik, Yerusalem mutuku noutamak, pil tuba tamubuka dopnin balamik. Tonda, Allah el yupu lak nyana deiyok nang arye ton, melibuka pil dopnin balamik.

Daniel 12:8

Anyapnuk ning nirya ara, dipkoprob na amul deice arye, akunum kekepse bukni, ayupu nong noutam deiyok ning ara, ‘E aning deiyok ati nyanmanileʼ tenen, kum tenepsirye, moubuka kum bikse. Ati, narye tamubuka nyapse. “Na nio, aning nirya ara, aning nirya winipnin balamliba, sirya daknamle talak ara, yata ning winiplyeba, eipnamap do?” nyabuka asipdese.

Zakaria 1:19

Ati, narye ayupu nyapmanuk malaikat ati asipdese. Ara, sapi basam kisok deice tiklamle yang urasin atonun ning ara, deiyok yata ati do?” nyabuka asipdesiba, elce tamubuka laka nyabuk. “Aning sapi basam yang urasin atonun ning ara, winipmanto ning ulule. Aning deiyok ara, yuk-yuk mutuku ninye deiyok kiamik nang ap, sik tam nang ap arye, Yehuda tam ulamik nang ap, Israel tam ulamik nang ap, weik asik, kota Yerusalem ulamik nang nirya ara, omikba, kam tuba ulamik nang, bai sakuka biyikce, dabinuka ulamik. Ayang ara, amutuku-amutuku deiyok nang ati ulule,” nyabuk.

Zakaria 1:9

Akuda basam yanuka tikmekba, narye amalaikat ati asipdese. Ara, ‘Naio, anda na deiyoknye, ayanuka tikmak kuda basam yala nirya ara, yata deiyok ati aunmak do?” nyabuka asipdese. Nyapsiba, elce tamubuka laka nyapnuke. “Aminyan talak winipnamle ning nirya ati, lak sukum arye, laka nyapdeipnamakine,” nyapnuke.

Zakaria 4:5

Asipdesiba, na ap neika yupu talipmanumu malaikat arye, nati nyapnuk. “Aupmal ning ara, anda min kum bikmamu do?” nyabuka, nati asipdenukba, narye tamubuka, “Kume na nio, nara min kum biksa ati, na walwale,” nyapse.

Zakaria 5:6

Nyapnukura, narye, “Naio, aning ara yatato ning winipnul do?” nyabuka asipdese. Nyapsiba, amalaikat arye nyabuk. “An dinmalam ning ara, tonok kat aling atouk ning, el si ara, keranjang ulule. Aning keranjang pum tam arye yanamal ning ara, malye winina deiyok ning yanamale. Ara, Yehuda mutuku noutam nirya unyak nang arye, malye-malye wininyak deiyok ning nirya ara, bikilin ning ati, yanmala eipmalam atia,” nyapnuke.

Zakaria 6:4

Awininmekba, na nabi Zakaria birye, malaikat arye yupu nyanmoknye biti, asipdese. Ara, “Na deiyoknye, ayanganmal kereta-kereta perang ara, deiyok yata ati yanganmak do? El nong noutam deiyok ara, yata ati do?” nyabuka asipdese.

Matius 13:36

Yesus arye atalye bulubuka wekmek nang ati, adomon yupu nyabukopura, anang asukumuk batakukce, el yuk aik wekelbiyuk. Aik akunum wekukopura, elce wipdeiyamuk nang, sik 12 nang el dam yanuka asipdeyik. “Naie, tonok wa noutamak, teleb ning ap, malye ning ap, ansinibuka pabuk nyapmom ning ara, yupu nong laka nyapsilyame,” nyabuka morobik.