Zakaria 2:2 - Eipomek

² Winipmokba eipsopura, na Zakaria birye, “Anda dan mutuku binamalam do?” nyabuka asipdese. Nyapsiba, el anye birye, tamubuka laka nyapnuke. “Kume, nara weik asik domikak, Yerusalem mutuku kiklilbinamane. Ara, na ton, akota ara, el cang ap, el bumang ap, el pala ap ara, yata barye meter kibuk do?’ tenen, bikinamne ati, banmane,” nyabuk.

Zakaria 2:2 ပူးပေါင်းရင်းမြစ်များ

Yeremia 31:39

Aninguk kum bukni, ‘Fala pia weik dopnamap’ tenen, cang kiklilden tapu, bibiktalebuka deibikirye, atalak ara, mutuku si Gareb mutuku deice arye, dipdongobuka deipnin banmaca ani, otam mutuku si, Goa mutuku dam binuka deibikirye, dopnamake.

Yehezkiel 40:3

Na bobinuka amutuku kon deice binuka deipnukba, dinmasiba, ninye urasin atonun tonoknye ton, baju ongopmok bukni, kat ning, el si ara tembaka, meldang-dang alamle atonun baju ongobuka, aweik asik wekelbana ati, bisik bublan dam tikmokak eipse. Anye bira, ‘Anye asik ara, el cang ap, el pala ap ara, yata barye ubuk do?’ tenen, kiklilen pina atonun ning ap, tonda kain lenan arye wiamik tapu ap, bopmukak eipse.

Yehezkiel 45:6

Pia teleb lek tuku kup-kup tam ara, adiparyuk tuku yuk ton bokuka, el cang ara, dua belas setengah (12,5) kilometer ap, el pala ara dua setengah (2.5) kilometer, yuk bokuka deipnulyame. Amutuku kintinipnalam mutuku noutam ara, sik Israel yala nang nirya ara, pia namin arye, tunim nyabuka, amutuku uk unamake.

Zakaria 1:16

Ati ara, na Allah Yahweh arye nyapsine. Wini talak ara, na adiparyuk tamubuka, Yerusalem mutuku binuka unamne. Sik amutuku unyak nang ati, bico tenepnirye, pia melinamne. Winipnyopura, narye lo arepnyeba, na si erena ati ara, sik mutuku, Yerusalem mutuku noutamuk boyanuka deipnamake. Winipnamak talak ara, sik aik dona kel weik nang arye, anyasik-anyasik lipsisikuka dona ati, ‘Amutuku pala ara, yata wiribuka ulul do? El cang ara, yata barye ubuk do?’ tenen, cang tapu arye, kiklipdenamake. Winipnamne talak ara, Yerusalem mutuku nirya ara, tamubuka tuba teleb kipdeipnamne.” Allah arye nyabuk.

Zakaria 5:10

Lakuka birikopura, narye tamubuka, na ap yupu talipmanumu malaikat ati, asipdese. “Naio, sik akilapu arye, bobirak keranjang aling ara, dan mutuku bobirak do?” nyabuka asipdese.

Yohanes 16:5

Yesus arye el mapu ati ayupu ton nyabuk. Na dopdeipnukce, tukwak mutuku dopdeipnuknye, Allah el dam benamne bukni, anggun kan-kan tonoknye birye, “Naie, dan tam bilam do?” nyabuka kum asipdenamnulume.

Wahyu 11:1

Tonok kiklilen ning, pina cang atonun ning arepnukce, Allah arye nyapnuk. Akiklilen pina dobuka bimince, Allah el arena ap, el si erena ap ati domik aik, Yerusalem weik domik aik nong ara, ‘El cang ara ani, el pala ara, ani’ tenen, kiklildelbilyame. Tonda, aning atonun, Allah el si erena ati, nintong teleb ning, uku dongolamak emas meja ton, ‘El cang ara ani, el pala ara ani’ tenen, kiklipdemince, anyaik pum tam unyakce, Allah el si erenyak ninye, ‘Yata barye unyak do?’ tenen, nukdenulyame.