Zakaria 1:9 - Eipomek

⁹ Akuda basam yanuka tikmekba, narye amalaikat ati asipdese. Ara, ‘Naio, anda na deiyoknye, ayanuka tikmak kuda basam yala nirya ara, yata deiyok ati aunmak do?” nyabuka asipdese. Nyapsiba, elce tamubuka laka nyapnuke. “Aminyan talak winipnamle ning nirya ati, lak sukum arye, laka nyapdeipnamakine,” nyapnuke.

Zakaria 1:9 ပူးပေါင်းရင်းမြစ်များ

Kejadian 31:11

Eipseura, Allah el im deice pil dolulnye, Malaikat arye, ‘Yakubo,’ nyabuka yukupnukura, narye, ‘Aunmane,’ nyapsiba, Allah arye nyapnuke.

Daniel 7:16

Winipnukba, narye otam tikmok im deicanye dam bisirye, awinipmukba, eipmase ning nirya ati, ‘Aning eipmase ning nirya ara, yata deiyok ati ulul do? Aning nirya nong ara, lak nyapnilyame,’ nyabuka, binuka moropse. Abinuka moropsiba, el anye birye aning nirya nong ati, laka nyapnuke.”

Zakaria 1:13

Amalaikat arye nyabukba, Allah Yahweh arye, tamubuka amalaikat ati, pia darapdongobuka, teleb nyan yupu, ‘Kanye deibuka, bico tenepnamleʼ tenen, yupu deice arye nyabuk.

Zakaria 1:19

Ati, narye ayupu nyapmanuk malaikat ati asipdese. Ara, sapi basam kisok deice tiklamle yang urasin atonun ning ara, deiyok yata ati do?” nyabuka asipdesiba, elce tamubuka laka nyabuk. “Aning sapi basam yang urasin atonun ning ara, winipmanto ning ulule. Aning deiyok ara, yuk-yuk mutuku ninye deiyok kiamik nang ap, sik tam nang ap arye, Yehuda tam ulamik nang ap, Israel tam ulamik nang ap, weik asik, kota Yerusalem ulamik nang nirya ara, omikba, kam tuba ulamik nang, bai sakuka biyikce, dabinuka ulamik. Ayang ara, amutuku-amutuku deiyok nang ati ulule,” nyabuk.

Zakaria 2:3

Aning nirya akunum eipsirye, biksopura, na ap, nun neika yupu talipmanumu malaikat ara, dinmasebuk, na tikmase tam yanganmoka ani, na dam koprop yayuk. Winibukopura, yuk malaikat tonok ton, na dam yayukopura, na ap, nun neika yupu talipmanumu malaikat ap, el dam yayukce, sik bitinye ansiniprik.

Zakaria 4:1

Asum na ap neika yupu talipmanumu malaikat ara, tuba tamubuka, na dam yayuk. Yayukopura, winipmanto ninye mapmakiba, yakirye bulilamaka atonun, yanuka bukeipnukce, nyapnuke.

Zakaria 4:11

Nyapnukura, narye tamubuka, amalaikat ati, tuba tonap asipdese. Ara, narye, “Alampu deibika deiyok dam sirik tam ap, kwanim tam ap, zaitun yo bitinye tikamdika deiyok ara, yata ning ati do?” nyabuka, asipdese.

Zakaria 5:5

Aminyan talak ara, na ap neika yupu talipmanumu malaikatuk, tuba tamubuka, na dam yayukce, na Zakaria biti, ayupu nyapnuke. “Anda eitamuk dipdelyame! Ara, deice tam arye yanamal ning ara, dinulyame,” nyapnuke.