Yunus 2:3 - Eipomek

³ Na ni Allah ance, laut mekwen pum tam dongopnulumba, mekwen amu koproba, danyuk unmanue. Winipnulumba, mek mikip arye, ‘Yanuka, bobitinye’ tenen, pirinulule. Tonda, ance nyaplumba, mek mikip lontik-lontik abuka, singnipmanuke.

Yunus 2:3 ပူးပေါင်းရင်းမြစ်များ

2 Samuel 22:5

Dipkoprop weik mek opliba, ninye amek noutam wekikiba, amek arye angnapdongoplirye, sik ninye dipmanto winilamle touk, yu nang arye, na opmanto upnike. ‘Opnikiba dipnamne,’ tenepsirye, ikin kanye bobuka, teniltonauk ulamse bukni, ance lyepnulume. Mek arye obuka, ninye dipna arye binamana ati, winilamle tonun, yu nang arye, ninye olamak ning arye, na nong ara, opmanto ulamnik bukni, ance lyepnulume.

Mazmur 116:1

Nara, Allah Yahweh ati, tuba kanye delinamne. Ara, na kanye imun upnilye talak nirya ara, Allah ati moropnyeura, el kekeplirye, elce nati, moubuka melinulule.

Mazmur 116:2

Na ikin weik ulamnuk talak ara, na ni Allah ati, malye nyabuka moropse talak ara, el kekepnukce, meliamnuka ati, na kam unamne talak nirya ara, el tibuk moronamne.

Mazmur 120:1

Nara, imun kanye bobuka, unye talak nirya arye, ‘Na ni Allah Yahweh arye, na damak yanuka melibuka lyepnamnil’ tenen, “Na ni koprop, ance yanuka, melibuka lyepropnilyame,” nyabuka moronune. Narye Allah ati, moronye talak nirya ara, kekeplirye, melininulule.

Mazmur 42:7

‘Na kanye talima uk dipnilyakʼ tenen ati, ance minop talak melilamnulum ning ara, ila tuba, pia tonap tenenamne. Yordan mek puak bukuk mutuku, Hermon mutuku arye dipdongobuka, Misar mutuku dam, amutuku deice nirya ara, pia teleb kibuka meliamnulum ning ara, tuba tenenamne. Na ni Allah ance nati, lyepromnulum ning ati, tuba tenepnirye, tuba tamubuka, tonap kanye deipnamne.

Ratapan 3:54

Karu mek lokamika pum tam dongopnikba wekse ning ara, mek deibuka welebukce, na kisok deice welepnuke. Winipnukopura, “Nara dipnune,” nyapse.

Ratapan 3:55

Nara dipmanto upse bukni, na ni Allah Yahweh, nara karu mek lokamik ning pum tam wekse talak ara, anti, “Se na nio, ance melipnilyame,” nyabuka, an si deice arye moropkise.