Yunus 1:7 - Eipomek

⁷ Nyabukura, amek liya yo talina deiyoknye ap, Yunus ap, im alip aik akunum weleprikopura, mek lia yo talibuka pil don nang arye, sik mining nanguk nyapdayik. “Weik teleb ning ara, lak bikilin ning, tonda win ning, el si undi, aning deice arye winipdeibibibuk, ‘Yatanye deice bol piplyopura, nun imun upmasil ning ara, anye akunuma. Anye birye, malye upmalba, winimasila ati, deiyok ara elce,’ tenebibirye, kel biknuyabe,” nyapdayik. Nyabikce, undi winipderikbuk, bikilin ning ara, Yunus binyak lak kibuke.

Yunus 1:7 ပူးပေါင်းရင်းမြစ်များ

Ester 3:7

Keting tamun obarye (12) akunum kibukopura, wala tonok ning ati, Nisan nyalamik wala, awala akunum kibukopura, ninye deiyoknye Haman birye, ‘Yata wiripnamle do?’ tenen, “Win ning el si ara, undi dolyanamlulume,” nyabuk. Persia mutuku ninye arye, aning el si ara, purim nyalamik. Amutuku nang arye, “Aning dipdebirye, ‘Asum ara ani, awala ara ani,’ nyapliba bikibirye, ‘Atalak winipnamabe,’ nyapnamabe,” nyabik. Yahudi yala ninye nirya ati, yu kanye tenebibye ning ara, “Undi elce nyapsilye ning uka,” nyabikba, undi donmoka ani, wala obarye (12) si Adar kibuk.

Ayub 10:2

Ati, na ni Allah ati, “Se, na ni Allah, ance nati, ‘Adibaryuk wenebuka kum opnamnilamʼ tenen, moropkine. Tonda, ance nati, wenen yupu ap, ikin ning arena ap, wininamnilam ning ara, ‘Lak nyan yupu deice arye, “Anda malye uplum ning ara ani,” nyabuka, laka nyapnutumʼ tenen, moropkine. Se, yata deiyok ati, ance na yupu ati kum kekenilyame.

Mazmur 22:18

Tonda, na baju ara, sikce bokuka dolonyake. ‘Ara, sikce dopropnuce talak ara, el dopnul do, na dopnun do?’ tenen, win ning, el si ara undi deice arye, ‘Aning dopropnamap do?’ tenen, winipdekirye, atenepmace touk, upliba dololamake. Aning atonun winibikirye, na baju ara, ubula doloninyake.

Amsal 16:33

Ton nang ara, ‘Aminyan unamap ning tenena ati ara, aning wininamap do, aning batakuka yuk ning wininamap do?’ tenen, lak kilin ning, el si ara, undi deice arye winildenyake. Bukni, dipkoprob upnamle ning nirya ara, Allah Yahweh elcuk, ‘Wininamake,’ tenebuka kintinip deiamuk ning tonok ara, dipkoprob unamle.

Bilangan 32:23

Bukni, anggunce, ‘Wininamabe,’ nyabuka nyalin yupu deice arye nyapmalum ning ara, tuba tenenamlume. Anggunce aning nirya ara, kum winipmunyeura, Allah el dam malye unamlume. Aning atonun malye kipmunyeura, dipkoprob nyapsine. Amalye kipnamluma ati, menenga ara, ikin ning weik dopropnamlume. Allah arye wenepnamsilarya, nyapsine.

Matius 27:35

Kum dibukopura, wanwanun yo tuku deice deibukabikce, Yesus el nong ayo deice alibuka deibikce, taruk dana-dana ap, yan tonok ak ansinibuka deibikce paku dakik. Winibikopura, Yesus el nong wanwanun yo deice deipmek yo ara, erebuka tuku palipmeka pum bisik erebuka dopkwetebik. Winibikopura, Yesus el ongolamuk baju kwiriplopmeka ara, ‘Yatanye dopropnamle do?’ tenen, sik arikal dona deice arye, el si undi arikal dopdabirye, Yesus el baju bokuka doprobik.

Rasul 13:19

Kanaan mutuku noutamak ulamik ninye amutuku yala, amutuku yala ninye nirya tekbarye, Allah el pia meilyamuka deice arye, Israel ninye arye amutuku ninye obisibik. Obisibikura, amutuku-amutuku ninye nirya, sik talyamik mutuku nirya Allah arye Israel ninye ati aribuk.

1 Korintus 4:5

Aning ati ara, nun nirya ati nyapsine. Allah arye, ‘Yesus tamubuka tukwak yanamla ati, atalak ani’ tenen, wepdeibuk sum min kum upmalye talak nirya noutamak arye, yata winin ning do nirya ati, “Aning telebe, aning malye,” nyabuka, yupu lipsisikuka kum bokeipnamlume. Aning nirya daupmaliba, ‘Nun Deiyoknye Yesus dan talak yanamle do?’ tenen, dinauk unamlulume. El yalyopura, elcuk yupu lipsisikuka bokeipnamsile. Yesus tamubuka yalyopura, aning-aning nirya ati, yupu lipsisikuka bokeipnamsile. Yata ning do nirya, kunuknak duknulamak ning nirya ara, dirinak deibuka, lak kipdeipnamle. Ninye sik talima noutamak arye, ‘Winipnamne, winipnamne’ tenen, deiyok ning duknulamak ning nirya ara, laka kipdeipnamsile. Tonok ning babye, kum duknupmantoe. Anirya laka danamle. Winibuka akunum laka kipdeipsilyopura, atalak aniryuk, Allah arye, ninye nirya ati, sik winilamice ning auplye touk, yupu lipsisikuka bokeipnamsile. Teleb winin ning ati ara, “Telebe,” nyapnamsile. Malye ning ati ara, “Malye,” nyabuka wenepnamsile.

Yosua 7:10

Nyabukba, Allah Yahweh arye, Yosua biti nyabuk. “Anda wini pola tiklyame! An ap, sik Israel deiyok nang, ninye talibuka unyak nang ap, anggun nirya urasin tuku deice, yata ati deibuka mapmalum do? Winina meme! Anggun nirya tiklulume!