Alukunyan ara, uku weik ati ara, ninye deiyoknye bira mapmoka bukukce, el amu tam pil dona deiyok nang ati nyabuk. “Sik Aram nang unyak ning ara na kele ati, sik tenepmak ning ara, nyapnusine. Nun din ning patasilye ning ara, ikin weik ati ara, sik Aram tam nang ara, sik kel ati, ‘Bai tam bindobak do?’ tenebuka, duknubuka dilamsiake. Winipmasiki bukni, nun ton anyaik dam batakuka buru tam bibyopura, sik batakmangu din ning lilbana ati bibyopura, anang arye, nun tongopnamsiyake. Sik Aram nang arye, ‘Samaria unyak ninye tongopnamabe. Tomobuka tapu koubipyopura, sik ninye anyaik-anyaik nirya wekuka obibirye sirya daknamabe’ tenen, warikuka duknupmasiyakce wininmasiake,” nyabuk.
Yosua 8:4 - Eipomek4 Tonda, sik ayin talin nang ati, yupu ton nyabuk. Amutuku noutam otam binuka, dungnupnamlulume. Sik asik domikak urasin tam ara, bana kume. Bukni, anyasik amu tamuk, duknubukapmukce, kintinipnamalume. Pia pera karin ara, duknuna pia kume. Winipmunce, ninye olbana ati, pia moubuka dinauk dipmunce, kintinipnamlulume. အခန်းကိုကြည့်ပါ။ |
Yosua 8:4
14 ပူးပေါင်းရင်းမြစ်များ
Ura, Yehuda tam taleamuk Raja, Abia birye, ayupu nyamuk talak ara, Israel tam taleamuk ninye deiyoknye, Yerobeam birye nyapdeibukba, el yin talin nang ton bobukabikce, Yehuda tam yin talin nang olbana ati, sik donga tam arye ubuka, sik urasin tam biyik. Atonun, ton yin talin nang yupa tonok, Yehuda tam nang, sik urasin tamuk, menekuka, olbana ati kintinipmek.
Winipmanto yupu ton nyapnusine. Ara, sik pia mikip weik nang, takubarye nang tonok mutuku weik asik noutam, uptingce, kaliketingopura, amutuku ara, mitik mikip unamle. Bukni, pia teleb ning ara, kel weik bikamting nang arye tonok mutuku weik asik noutam uptingce, teleb yupu nyaptingopura, amutuku ara, dipkoprob mikip weik mutuku unamle.
Aning nirya eipsirye biksa ati, ‘Se, mikip weik una ara mambul ulul bukni, dipkoprob pia teleb ning ara, kel weik bikina uka. Bukni, atalye bona utotoa kumnye, el kel weik bikamukce winibuk ning ara, sik amutuku nang arye, ‘Dauplye, elda mambul kume,’ tenebikce, elti, luba kina uk ulamik. Tonda, anye birye, “Teleb un ning ara ani, ani,” nyabuka laka nyalamuk yupu nirya babye, sikce kum kekelamik.
Sik anang ara, yupa weik 40 nang ap, tonda yuk nang ap, ‘Paulus opnamap’ tenen, kalikmakce, bisik bunmaka ati, sik yupu kekebuka kum kekepnulyame. Sikce, ‘Yuk ning nirya tenena kum, Paulus opnamaba ara, adiparyuk optibye’ tenen, “Paulus min kum opmabye talak nirya ara, dina ap, mek ap pia kum dinamabe,” nyabuka, Allah ati akunum nyapdeibik. Ara, moulina ati ayupu nyapdeibik. Wini talak ara, akunum kintinipmakce, winibuka tenenmake. ‘E, nun yupu kekepsilirye, “Ara merekuka, winipnululume,” nyabuka, teleb nyapnamsil do?’ tenen, “Dinuk unmake,” nyabuk. Awelnye birye yin talina deiyoknye biti ayupu nyabuk.
Winibuka unmek talak ara, sik Ai mutuku dam ulamik ninye deiyoknye birye, nyapdeibukba, el tam ninye nirya ara, ‘Yosua ap, el yin talin nang ap, dobolbana ati, ‘Olbinuyabʼ tenen, kintinibikba, sik nirya dobolbiyik. Bukni, sik Ai mutuku nang arye, Yosua dobolbana ati, sik mutuku koproba ara, batakuka dobolbanmeka ani, sik mutuku koproba ara, batakuka, yuk pera weik mutuku biyik.
Allah arye nyabukba, Yosua ap, el yin talin nang ap, sik anirya adiparyuk, ‘Ai mutuku olbinamapʼ tenen, kitinibik. Winibik ning ara, sik deiyoknye Yosua birye, el yin talin nang yupa pia weik, tiga puluh ribu (30.000) nang, mikip kibuka ninye on nanguk kintinibuka deibuk. Winibuk ning ara, lukunyan noutamuk wibukabukce, dopreibukura, biyik.
Kisikdakuka binmek ati ara, Israel yala yin talin nang, weik tonun ara, sik kisikdopmekce, otam mutuku Bahal-Tamar tam binuka wekik. Wekmek talak ara, sik Israel yin nang, yupa mitik tonun, Gibea mutuku dam dukunubuka unmek nang ara, kutukuka lake yayik. Sikda, Gibea mutuku dam bukni, keting kumulban tam unmek.
Sik olanmek talak ara, sik Benyamin yala nang nirya ara bikna kum talak arye tenebik, ‘Se, sik Israel yala nang, sik yin talin nang nirya arye, nun akunum obuka sirya daknusiyake,’ tenebik. Tonda, Benyamin yala nang arye, Israel tam nang unmeka dam olalyayikba, sik Israel yin talin nang ara tenebuka arye, kisikdakuka tamubuka otam bikbik abuka binmek. Winipmeka deiyok ara, mitik otam Gibea mutuku weik asik dolamik dam duknupmek nang, sik tam nanguk ounmeka ati ara, ‘Nun kayapu nang arye, yanuka melipsikirye, Benyamin yala yin nang ati olyanamake,’ tenebik.
Ati ara, Sikhem mutuku weik deiyok nang arye, Abimelek biti yu ubukba, ‘Anye kalikuka tomopnamapʼ tenen ati, ninye ton wipdeiamikba, amutuku dana-dana tam nirya ara, mutuku deice dabinuka kaliklamik. Akaliklamika ara, yata nang do nirya, abisik ton talye banopura, sik warikuka duknupmanarye olbalamikce, sik bona nirya alubuka dolamik. Winilamik ning ap, ‘Abimelek tomona ati, kalikinamabe,’ tenebik ning ap ara, yuk nang arye Abimelek biti, yanuka nyabik ati, elda amutuku tam kum biyuk.
“Ura, aning-aning nirya, deice tam ulirye, aning nirya talilula deiyoknye, Allah el si Yahweh arye, nyapmakile. ‘Narye Amalek ninye nirya, wenebuka opnamane. Ara, urdem ati kum bukni, sik apu yapu Mesir mutuku arye, bisik yayik talak ara, Amalek nang arye, duknupdopmekba, sik Israel ninye mangkau kanye bobuka yanganmikce, Amalek nang arye obika ati, anang wenebuka opnamane.
ကြော်ငြာတွေ