Ura, Yehuda tam taleamuk Raja, Abia birye, ayupu nyamuk talak ara, Israel tam taleamuk ninye deiyoknye, Yerobeam birye nyapdeibukba, el yin talin nang ton bobukabikce, Yehuda tam yin talin nang olbana ati, sik donga tam arye ubuka, sik urasin tam biyik. Atonun, ton yin talin nang yupa tonok, Yehuda tam nang, sik urasin tamuk, menekuka, olbana ati kintinipmek.
Yosua 8:2 - Eipomek2 Ai mutuku ap, amutuku unyak nang ap, amutuku ninye deiyok kibuka, talibuka ulul Rajanye ap ara, min talak ance Yeriko mutuku winyamlum touk, winipnamalyame. Ara, Yeriko mutuku nang obisiplumce, aning-aning sirya dakuka uluplomlum touk, Ai mutuku babye binuka atouk winipnamlume. Bukni, wini talak Ai mutuku bataknamak bona ap, sikce weilamak kam ning ap, sikce talilamik bona nirya ap ara, akunum arepnamsine ati, anggun Israel ninye arye, talye luparabuka dopropmomce, anggun ning kipdopnamlulume. Ati wini talak ara, anggun adiparyuk minopce, sik amutuku noutam unyak nang olbana ati, sik kum bikmakce talak aryuk, kintinipnululume. Anyasik amu tamuk binuka, duknubuka kaliknamalulume. အခန်းကိုကြည့်ပါ။ |
Yosua 8:2
27 ပူးပေါင်းရင်းမြစ်များ
Yosafat el tam yin talin nang, bisik tuba banmik talak uk, Allah si eren mot sena deiyok nang ara, weik yupu deice arye deiyok koubuka, mot senmek talak aryuk, sik otam mutuku olana yin talin nang arye, Opnamap tenen, yanganmik nang ara, sik kan-kan noutam ara, Allah arye lo arebukba, sik Edom mutuku nang duknupmikce, ayanganmik yin nang ati, mal dobuka onmek. Olanmek talak ara, Allah arye lo arebukba, sik Moab mutuku yin nang ap, Amon mutuku yin nang arye, sik Edom mutuku yin nang ati nirya obuka, sirya dakik. [Akunum Raja Yosafat birye, Allah yupu mot sebuka Allah ati teleb nyabuka kinamak tenen wipdeipmok nang menekuka, weik yupu deice arye mot sepnin bayik talak ara, Allah Yahweh arye, sik ‘Opnamapʼ tenen, yanganmek nang yin talin nang, sik kan-kan arye, ilil un ning ap, kanye bokol walwalan ning ap arebukba, yuk-yuk bai sakuka baloyik buk, dopkirikuka obikce, kum daneibik.]
Na kele, ance nati, ‘Anye bira, keting tamun mitik tonun dem kam unamle,’ akunum tenepnulume. Ati ara, na kam unamne keting tamun nuktinyopura, mitik tonunuk kipnamle. Tonda, ance teneplum ning ara, ‘Ninye tukwak unyak talak ara, pia mitik tonun kam unyake,’ tenesilyame. Winipmanto ara, ninye tukwak nang nirya, kam unyap keting tamun ara, tonok ulule. Ninye isin ara, mok puru yo bok deice palipmalya miklamle touk ulule. Pia mitik tonun dem ulule.
Teleb unyak ninye, sik taleamice ning dobuka, sikce deibikiba, dadeipdanin, banamak mapu ati, aning arebikiba, amapu arye, ateleb ning dolonamake. Bukni, malye winilamice ninye ara, sik taleamikirye, bona utotoa talin nang ulamle ning nirya ara, batakikiba, aminyan talak ara, diksukum ulamak nanguk dolonamake.
Diksukum kanye bobuka, teleb winin ninguk talibuka ulamice nang ara, “Winipnamabe,” nyabikirye, aning batakana kumce, dipkoprob nyapmace touk wininyak nang ap, aminyan talak Allah arye sikti, dekne ning melibuka arenamle. Bukni, ‘Kume, nara minopce bona weik talinanye uptinye’ tenen, minopce pirilulnye bira, malyeuk ulula anya arye, aminyan talak ikin ning weik, el damak yanganamle.
Winipmanto ara, maka arye, el duk deiamlya ani, yuk maka arye yanuka, aduk alabuka irilamle touk, el diksukum winina kumnye birye, talye yupu nyalamle deice arye, bona weik talibuka, tia talak ati, bona talinanye ulule. Abona talibuka ulamlya ani, akunum wisi dalyopura, el anye talilamlye ning nirya ara, kum danalule. Winibuka kum dalyopura, sirya talak ara, elda malye winin ning ap, pia walwal arye winilamlye ning ap ara, lake upliba, yuk nang arye biknamakca! Allah arye nyabuk
Allah Yahweh arye, akunum tenebuka ara, ‘Babel mutuku nang obuka, sirya daknamne,’ tenebuk. Ati ara, anggun yuk-yuk mutuku yin talin nang arye, Babel mutuku nang cang weik keil arye domik keil poka dam binuka, bendera ikdeipnulyame. Ara, ‘Nunce Babel mutuku nang ati, olyanamapʼ tenen, laka kin ning ara, ninye on talak iklamlum bendera ton, ongonamlume. Tonda, anggun yin talin nang ara, tonap tabaknamlume. Winipmunce, anggunce nyamunyeba, Babel mutuku dana-dana tam domik keil poka dam tikikcak arye, kaliknamake. Tonda, ‘Babel mutuku bai tam nirya ara, duknupmunce, kintinipnalume. Ara, ‘Babel mutuku nang mangkau kanye bobuka, abisik bace talak ara, talye karin arye, opnamapʼ tenen, kintinipnamlume.
Winipnamlum bukni, amutuku kilapu ap, mapu ap, tonda sikce talibuka weilamak ning nirya ap, yata yala ning do, amutuku noutamak ulamle ning nirya ara, dolonamlulume. Anggun mal olan nang arye, taleamice ning nirya ara, dalubuka dopropmunce, anggun diamuk talibuka unamlulume. Ara, anggun ni koproba Allah Yahweh, el mikip arepsilya deice arye, yuk mutuku ninye nirya, obuka sirya dakmunce, sik taleamice ning nirya dopropnamlulume. Dopropmunyopura, angguncuk aning nirya, talibuka unamlulume.
Sik anang ara, ‘Israel nang ati opnamapʼ tenen, nun dam yayik bukni, Allah Yahweh arye nati, yanuka nyapnuke. “Musao, sik anang ati, ilil una kume. Na mikip ara, anggun deice akunum deiamsise. Ara, amutuku talibuka ululnye ap, el talibuka ulul mutuku ap, el yin talen nang ap nirya ara, anggun deice akunum deipsina anya arye, anang olbinamlulume. Ara, min talak Hesyebon mutuku ninye deiyoknye, Raja Sihon ap, sik Amori yala nang Hesyebon mutuku ulamik nang ap, omluma atonun ubuka, sik anang babye opnamlulume,” nyapdeiamsuke.
Yosua ap, el mapu Israel nang ap arye, Yeriko mutuku ninye ap, sik deiyoknye ap, opmeka atonun, Ai mutuku ninye ap, sik deiyoknye ap, yanuka obuka sirya dakik. Winibikba, yuk nang arye, aning nirya lak nyabikura, Yerusalem mutuku talibuka ulamuk ninye deiyoknye, el si ara Adoni-Sedek birye, kekebuk. Tonda, Gibeon mutuku ninye ara, ‘Israel ninye arye olyasicak’ tenen, ‘Sik ap, nun ap, oldana kum diparyuk, teleb ubuka, neika unamabe’ tenen, Israel nang ap, Gibeon nang ap, yupu lipsisikuka, moupdeipdayik. Winibikopura, Gibeon ninye arye, Israel ninye wekmek damuk yanuka unmek. Aning winibik ning nirya ara, yuk nang kekebikce, Adoni-Sedek biti, laka nyabikba, kekebuk.
Ati ara, asum noutam arye, Yosua birye, Makade mutuku nirya warikuka onmeka ani, obuka sirya dakukce, atam tuku nirya ap, amutuku uamuk ning nirya ap, doprobuk. Amutuku ulamik nang nirya ap, sik amutuku nang taleamukce, ninye deiyok kibuka, Raja ulamuknye ap ara, obuka kum danaibuk. Yosua birye nyapdeibukba, el tam nang arye, amutuku nang nirya, yu parang arye, obik. Makeda mutuku taleamuk, sik deiyoknye Raja babye, Yosua birye Yeriko mutuku taleamuk ninye deiyoknye biti, min arye oplomuk touk, Makeda Raja babye, awinyamuk touk, winibuka obuk.
Ura, amutuku-amutuku nirya aulamik noutam nirya ara, aulamik nang ara, parang ya arye obuka, sirya dakik. Tonoknye babye, pia ton kum batakik. Bukni, sikce, ‘Aninye batakmek bona ara, na ning koprobaʼ tenen, sik bona yala-yala nirya ap, Kanaan mutuku ulamik nang arye, weilamik domba basam ato ning ap nirya ara, Israel nang arye dobuka, sik ninguk kipdobike.
Binuka wekikopura, sik parang ya doprobikce, amutuku kam ulamik nang nirya ara, wisi ninye babye, mitik mapu babye, sal babye, kilapu babye, tonda aninye arye weilamik ning, domba basam do, sapi basam do, ayala-yala nirya babye, obuka seklobik. Winibik ning deiyok ara, Yeriko mutuku ap, anyaik-anyaik pum tam ulamuk ning nirya ap, amutuku noutamak uamuk ning nirya ara, ‘Nun ni koprop Allah, el si Yahweh ara, aning nirya ara, el ning uka anya arye, elti, arepnamabe,’ tenena ati winibik.
Winibikba, Ai mutuku deiyoknye birye, Yosua el melina ati, yin talin nang ton eibuk. Eibukce nyapdeibukba, el ap, el yin talin nang ap, el mutuku nang nirya ap, adiparyuk minopce, ‘Israel ninye olbinuyapʼ tenen, sik asik batakuka, anya asik buru tam biyik. El ap, el yin talin nang ap, sik minop talak arye, Israel ninye opdanamik mutuku uk binmekce, kintinibik. Sikda, Yordan mekin tam bisik biyikura, ‘Sik Israel nang nirya opnamapʼ tenen, abisik biyik. Ai mutuku ninye deiyoknye bira, ‘Nun asik amu tam ton, sik Israel mutuku yin talena nang, yupa weik kinitipmakce, ‘Nun ti olayanganmasiyake,’ tenebuka, pia kum bikmek.
Sik Israel nang arye, Ai mutuku asik batakuka, dobolyanganmek nang nirya obuka, sirya dakikura, sik aminyan tam pata mutuku bisik arye, dobolyanganmek yin talin nang nirya babye, parang ya arye obuka, sirya dakik. Winibikura, sik adiparyuk tamubuka, Ai mutuku asik tamubuka biyik. Winibikce ounmek Ai mutuku nang nirya babye, ton kum batakik, parang ya arye obuka, sirya dakik.
Allah arye nyabukba, Yosua ap, el yin talin nang ap, sik anirya adiparyuk, ‘Ai mutuku olbinamapʼ tenen, kitinibik. Winibik ning ara, sik deiyoknye Yosua birye, el yin talin nang yupa pia weik, tiga puluh ribu (30.000) nang, mikip kibuka ninye on nanguk kintinibuka deibuk. Winibuk ning ara, lukunyan noutamuk wibukabukce, dopreibukura, biyik.
Utenebuka tenipnamak talak arye, nun bikbik abuka otam binamap talak ara, anggun yupa weik, tiga puluh ribu (30.000) yin talin nang nirya, wibuka deipmasin nang ara, duknupmamunye ani, sakuka yanamlulume. Winipmunce, Ai mutuku nang arye, domik asik nirya ara, anggunce minopce ulubuka, daklopnamlume. Winipmunyopura, anyasik nirya ap, sik aninye arye bataknamak bona nirya ap ara, anggun ni Allah Yahweh arye, aning nirya dobuka, anggun taruk deice arepnamsile.
Winipmunce, Ai mutuku akunum ulubuka daklopmunyopura, anyasik nirya ara, adiparyuk uku dongopnamlume. Ara, Allah Yahweh arye, ‘Aning ara, winipnamlume,’ nyapdeibuk touk winipnamlume. Ara, na Yosua birye anggunti, ‘Winipnamlulume, winipnamlume,’ akunum nyapdeipsine. Ara, nun ni Allah arye nyapsuk touk, narye ton anggunti, nyapdeipsine. Aning atouk winipnululume. Yuk ning ton kume. Yosua birye, el yin talin nang ati, nyabuk.
Aning nirya akunum nyabukura, Yosua birye el yin talin nang yupa pia weik, 30.000 nang wibuka dopdeibukba, Ai mutuku atam, Betel mutuku otambuk noutam duknulbiyik bukni, sik duknupmekak ara, Ai mutuku keting wekelban barat tam binuka, duknulbiyik. Winibikce, sik mal olan nang ati binuka kalikik. Binuka kalikik bukni, sik deiyoknye Yosua bira, el tam koproba nang, Israel ninye ara, sik tenda aik dopdeiamikak binuka mabik.
Sikce amutuku-amutuku ulamik nang arye, ansinipdobikce, kintinibik bukni, sik ayupu kekebik nang ton, sik yuk yala nang, Gibeon mutuku ulamik nang ara, sik yuk winibik. Ara, yuk nang arye, “Yeriko mutuku ap, Ai mutuku ap ati, Yosua birye nyapdeibukba, Israel yala yin talin nang arye, abitinye mutuku dam binuka, obuka sirya dakikce, amutuku ulamik nang ap, sik talilamik bona ap, sirya dakmake,” nyabuka, lake nyabik Gibeon mutuku ulamik nang nirya kekebik.
ကြော်ငြာတွေ