Yosua 8:18 - Eipomek

¹⁸ Ura, atalak aryuk, Allah Yahweh arye, Yosua biti nyabuk, “Ance talipmalam parang ya, urub kintinipmamu parang ya ara, Ai mutuku tam aya urup deipmince, seknulyame. Winipminyeura, amutuku ara, wini talak narye dobuka, anuk arepkine,” Allah Yahweh arye nyabuk. Nyabuk touk Yosua elce aning nirya atouk winibuk. El talipmok parang ya dobuka, Ai mutuku tam aya urub arye pukmoke.

Yosua 8:18 ပူးပေါင်းရင်းမြစ်များ

Ayub 15:25

Ura, aning nirya ara, talye ati kume. Deiyok ara ani. Sik malye ninguk talibuka unyak nang ara, Allah arye, ‘Aning wininamlume, aning ara pia kum wininamlume,’ nyapdeipsuk yupu, yaninauk ukirye, ‘Allah ara nun lik,’ tenenyake ati, Allah arye anang ati, weik wenepnamle. Anang ara, sik ilil tenena kum, malyeukirye, Allah Yahweh ara, aning-aning talibuka, Pia Mikip Weik Deiyoknye ulula ati, ‘Malye kibikirye, el batakuka, nun yuk unamabe’ tenen, Allah yaninauk unyake. Winipmanto ara, yin talinnye birye, el nong lelin ning, el si ara perisai, pia kat ning bopnirye, na mal olan nang, mikip weik uptinga babye, narye anang adiparyuk optinye,’ tenelul touk, pia walwal wininyake.

Ayub 39:23

Akuda basam oldanmakcak, banmalye talak ara, el deice bukmalinye, kikipmalye parang ya, lelim lenmalya ap, tonda cang besi dula mili paralamla ap ati ara, ilil kum ulule. Talye lukparabuka balule.

Keluaran 14:16

Ati ara, an boplum kama dobuka, mek deice pukminba, laut mekwen cebuka dana-dana kiproplirye, tuku mikuka laka upliba, aninye atuku laka uplye deice bindopnamake.

Keluaran 8:1

Ura daulamika ani, Yahweh arye Nil mek malye kipdeibuk sum arye nukuka, like tekbarye sum akunum ubukba, Allah arye, Musa biti nyabuk. Anda Firaun dam bimince, nyapnamlyame. “Allah el si Yahweh arye, nyapkile. ‘Israel ninye arye, na si erepnamniak’ tenen, ance aninye ati batakdongopminyeba, ninye kum mutuku noutamak binamake, nyapkise.”

Keluaran 8:5

Aminyan talak Allah el si Yahweh arye, Musa biti, nyabuk. “Ance, Harun biti nyapnulyame. An taruk deice boplum kama ara dobuka, Mesir mutuku mek deice nirya lumupnulyame. Ara, talye balul mek deice ap, talye delilamle mekwen deice ap, mitik mek mekwen nirya ap deice lumupminyeba, yakai weik weleplirye, Mesir mutuku nirya langdipnamle,” nyabuk.

Yehezkiel 30:25

Dipkoprob nyapne. Babel mutuku noutam ara, ninye deiyok kibuka talibuk Rajanye biti, narye mikip kipdeipnamne. Bukni, Mesir mutuku noutam ara, ninye deiyok kibuka talibuknye, Firaun bira, elda mitang kipdeipnamne. Winipnyopura, na mikip weik ninye on ya ara, Babel mutuku ninye deiyoknye arepnyeura, elce aparang ya boyanuka, Mesir mutuku nang nirya oplopnamla atia. Winipnyopura, Mesir mutuku nang arye, ‘Se, el Allah ara, dipkoprob Yahweh ululeʼ tenen, nati biknamniake.

Yosua 8:17

Biyik ning ara, Ai mutuku ap, Betel mutuku ap, danoutam ulamik nang nirya, sakuka yayikce, sik Israel ninye ati dobolbiyik. Winibika ati, amutuku bitinye ara, pakuka batakikce, talye winiltakna uk kibikce, amutuku asik kalikna nang babye, pia ton kume. Sik nirya ara, Israel ninye uk dobolbiyik.

Yosua 8:19

Yosua talipmok parang ya, pukuk talak ara, el yin talin nang nirya duknupmek nang ara, minopce tikikce, Ai mutuku asik dam, bikbik abuka biyik. Biyikura, anyasik pum wekikce, amutuku nirya, sik dem doprobik. Tonda, sik Israel mutuku yin talin nang arye, anyasik nirya uku dongobuka, sirya dakik.

Yosua 8:26

Deiyok ara ani. Ara, Yosua birye tuba, elce talipmok parang ya arye, Ai mutuku tam puklopmok. Pia puklopmoka ani, anoutam arye, Ai mutuku nang onmeka ara, anang dam arye, ton kum batakdongopmok. Ai mutuku ninye ara, sirya obuka kum dakmating bukni, asum aryuk, Ai mutuku nang nirya, akunum obuka sirya dakike.

Yosua 8:7

Utenebuka tenipnamak talak arye, nun bikbik abuka otam binamap talak ara, anggun yupa weik, tiga puluh ribu (30.000) yin talin nang nirya, wibuka deipmasin nang ara, duknupmamunye ani, sakuka yanamlulume. Winipmunce, Ai mutuku nang arye, domik asik nirya ara, anggunce minopce ulubuka, daklopnamlume. Winipmunyopura, anyasik nirya ap, sik aninye arye bataknamak bona nirya ap ara, anggun ni Allah Yahweh arye, aning nirya dobuka, anggun taruk deice arepnamsile.

1 Samuel 17:41

Daud banmok talak babye, Goliat adiparyuk Daud dam yanganmok. Tonda, el melinanye birye, sik mal olan nang bolamik ning, el si ara, kelapye bobuka, Daud tam yanganmarik.

1 Samuel 17:45

“Anda ninye olana ati cang yo tace ap, parang ya ap, aning nirya kintinipmalamce, yanmalame. Bukni, nara, aning-aning nirya, deice tam ulirye mikip weiknye, Allah el si Yahweh, el si deice arye yane. Allah ara, mikip weik deiyoknye, el si Yahweh deice, aniryuk yanmane. Allah ara, Israel ninye, sik yin talin nang kalikuka melilule. Ance malye yupu nyaplame deice arye, Allah ati yanipmalame.

1 Samuel 17:6

Anye el yan ara, kat ning tembaga arye, ongolamuk. Tonda, el takunya deice dana-dana ara, weik kat ning, tembaga arye deiamuk. Aning atonun, el ninye on yo taca keten tombak ara, kat ning, el si tembaga arye, memamik ning, el balye deice wanwanubnp arye balamuk.