Aning ara, talye ati kum nyapsine. Yata nang do nirya ara, ‘E, aminyan talak noutam, asum deice arye, ikin weik ning yanamle. Asum deice arye imun ning ton yanamsil,’ tenen, kum biktibya ati, kum laka nyaptibye. Winipmanto ara, talye lakuka balamle maka arye, kum tiniptu bukni, mangkau kanye bobuka banmalyeba, ninye arye maka wena wemikca pum bisik wekelbiliba youlamle touk, nun babye atonun wininamabe. Tonda ikan youn ning, el si ara jala, mek pum tam dongobuka kalikmakiba, ikan mangkau arye bilyeba, youlamle touk unamabe. Aning atonun, ninye arye, ‘Se, ikin ning ara, atalak arye nun dam yanamle,’ tenen, aning min kum yanamlye talak, adiparyuk kum biktibya ati, kum laka nyaptibye. Nun tukwak nang nirya ara, dibina uk unamaba ati, nun mangkau kanye bobuka unyap talak ara, minop aryuk, ikin ning yalyopura, imun kanye bobuka unyabe. Aning min kum winipsilye talak ara, kum biktibye.
Yosua 8:14 - Eipomek14 Winibikba, Ai mutuku deiyoknye birye, Yosua el melina ati, yin talin nang ton eibuk. Eibukce nyapdeibukba, el ap, el yin talin nang ap, el mutuku nang nirya ap, adiparyuk minopce, ‘Israel ninye olbinuyapʼ tenen, sik asik batakuka, anya asik buru tam biyik. El ap, el yin talin nang ap, sik minop talak arye, Israel ninye opdanamik mutuku uk binmekce, kintinibik. Sikda, Yordan mekin tam bisik biyikura, ‘Sik Israel nang nirya opnamapʼ tenen, abisik biyik. Ai mutuku ninye deiyoknye bira, ‘Nun asik amu tam ton, sik Israel mutuku yin talena nang, yupa weik kinitipmakce, ‘Nun ti olayanganmasiyake,’ tenebuka, pia kum bikmek. အခန်းကိုကြည့်ပါ။ |
Yosua 8:14
15 ပူးပေါင်းရင်းမြစ်များ
Mesir mutuku noutam, weik asik, el si Zoan mutuku talibuka unyak deiyok nang nirya ara, pia walwal kipdakirye, walwal nanguk unamake. Tonda, Mesir mutuku ninye deiyoknye Raja ulul weik asik, amutuku el si Memfis mutuku talibuka unyak deiyok-deiyok nang babye, weik kel bikna nang ulamik bukni, atalak ara, Mesir mutuku taleamuknye Raja Firaun biti, Aning-aning nirya winiplyame,’ nyabuka yupu areptinga babye, anyapnamak yupu ara, pia walwal uk upnamla ati, nong teleb ubuka kum unamle. Ati ara, sik anang nirya ara, yata wiribuka sik mutuku ninye deiyoknye biti, ‘Nunda amutuku weik kel bikamupu nang unyabe. Minop talak amutuku taleamik deiyok nang arye, deiamikak, dadeipdanin yangalamik nang arye deibika ati, nun yupu kekepsilyame,’ nyaptum do?
Kume, weik asik el si Zoan mutuku unyak deiyok nang nirya ap, Mesir mutuku talibuka ulye Raja bira, weik asik, el si Memfis mutuku ap unyak deiyok-deiyok nang ap nirya ara, akunum pia walwal nanguk unyake. Dipkoprob sik anang ara, ninye deiyok kibuka ukirye, sik Mesir mutuku yala nang nirya teleb kibuka kum talinyake. Wini talak ara, sikce taleamik nang nirya ara, malye bisikuk talibuka banyake.
‘Mekwen dipsilyak’ tenena kumce, talya kanye bobuka winilamik. Winipra balamikba, weik mok cenmokce, mekwen deibuka welebukce, atalak ulamik ninye nirya dibuk. Sik talya mangkau kanye bobuka ulamik bukni, mekwen deibuka dibuk touk, na Ninye Mi Koprop Atonunye, tukwak mutuku tamubuka yanamne talak ara, atonun talya mangkau kanye bobuka, ‘Yesus tamubuka kum yanamle’ tenen, talya unamake.
Abuku noutamak sekiamuk yupu ara, Musa birye Israel ninye ati, nyabuk. Elce nyabuk talak ara, sik nirya Yordan mekin bukni, keting yangalamle tam tuba unmek. Yordan mek koubuka otam, keting kum ulamle tam, min kum binamik. Sik ulamik mutuku ara, mek kumak anya arye, ninye weik kum ulamik. Sik diamuk tia ulamik. Apata mutuku ulamik talak noutamak ara, Musa birye ayupu nyabuk. Amutuku ara, Yordan mekin dam bukni, keting panalyangan tam, mutuku si Suf mutuku dam unmek. Suf mutuku ara, yuk yala nang mutuku si ton, Paran mutuku ap, Tofel mutuku ap, Laban mutuku ap, Haserot mutuku ap, Di-Sahap mutuku ap, anoutamak sik tonok ulamik mutuku.
Ati, Yosua birye, el yin talin nang ati, “Mal olalbanak bana ati, winibuka-winibuka nanguk otam tiknamlume. Anggun yuk nang ara, atam tiknamlume,” nyabuka, wipdeibuk nang ara ani. Yosua birye ninye deiyok talibuka, unanye tonok ton ap, sik yin talin nang pia weika arye wipdeibukce, amutuku noutam bukni, utam kintinip deibuk. Tonda, yuk yin talin nang, mitik tonun nirya ara, keting wekelbalamle tam wibuka dopkwetebuk. Winibukura, Yosua elda amutuku lu noutamuk, alukunyan binuka mabuk.
Tonda, Yosua birye, akunum nyapdeipmok touk, el ap, el yin talin nang ap, el tam nang nirya ap arye, bikbik abuka biyik. Ara, Ai mutuku nang arye, ‘E, nun ilil ati ara, akunum kwarabuka, pola bindopnamake, tenepnamsiakʼ tenen, winibuka, bikbik abuka biyik tam ara, pera weik mutuku tam, bikbik abikce biyik.
Winibuka unmek talak ara, sik Ai mutuku dam ulamik ninye deiyoknye birye, nyapdeibukba, el tam ninye nirya ara, ‘Yosua ap, el yin talin nang ap, dobolbana ati, ‘Olbinuyabʼ tenen, kintinibikba, sik nirya dobolbiyik. Bukni, sik Ai mutuku nang arye, Yosua dobolbana ati, sik mutuku koproba ara, batakuka dobolbanmeka ani, sik mutuku koproba ara, batakuka, yuk pera weik mutuku biyik.
Winipmunyeura, na ap, yuk yin talin nang ap, yuk Israel nang nirya ap, nun neika anya asik urasin tam, lak deice arye binamabe. Banmapye talak ara, sik Ai mutuku nang, yu upliba, mikip asa yakirye, nun nirya ati, yanuka olyanamsiake. Winipsicopura, nunce tamubuka sik ilil ati, minop talak mikip arye binamupu touk, wini talak babye atouk winipnamabe.
Atilila yupu peteren nang arye, ‘Aning-aning nirya weik doproptibye’ tenen, patalye ninye unyaka anya arye, sik badamnye kanye arye tenenyak ning, talye yupu uk, peteresinyak deice arye, ‘Sik ning weik dolonamap’ tenen, yum yupu nyabuka, anggun ning ubula dolonamsiyake. Minop talak ara, Allah arye, ‘Atilila peteren nang ara, wenebuka oplopnamne,’ tenyamukce, akunum kentenlamuk anya arye, aning ara lubakiplirye, kum bataknamle. Dipkoprop aminyan talak ara, aninye oplopnamlarya.
Benyamin yala nang arye, Gibea asik dolamikak batakuka, ‘Israel nang opnuyapʼ tenen, otam arye mitik karenak binmekba, sik Israel yin nang, anyasik dolamika dam duknupmek nang nirya ara, adiparyuk Gibea mutuku noutam yanuka wekik. Sik Gibea, weik asik dolamik noutam wekikce, sik parang ya bopmeka arye, anyasik dobuka ulamik nang nirya oltaknauk unmekce, sirya dakik.