Yosua 6:11 - Eipomek

¹¹ Ati ara, atalak aryuk, like tonok sum arye, Yosua birye nyabukba, sik Israel ninye arye, Allah el si Yahweh, el nyalin yupu marikna, el si Peti Perjanjian bobikce, amutuku tonok karin aryuk, Yeriko asik kup-kupak, warikuka angnalbiyik. Aning tonok nukuka, akunum winibikopura, sik nirya, sik tenda cang kain aik deipmek sukumuk, tamubuka yayikce, lukunyan tonok mabik.

Yosua 6:11 ပူးပေါင်းရင်းမြစ်များ

Yosua 6:10

Winibuka banmek bukni, Yosua birye aninye nirya ati, nyabuk. “Wini talak ara, narye anggunti nyapsine. Anggun kanye aryuk, tonok yupu babye nyana kume. Anggunce yupu talye-talye weik arye, si akuka kum nyanamlulume. Aning kum bukni, aminyan talak ara, tonok sum narye, ‘Winira nyaplulume,’ akunum nyapsinyopura, ara telebe, weik arye nyanamlulume. Narye nyapsinye talakuk nyanamlulume,” Yosua birye, Israel ninye sik nirya ati, nyabuk.

Yosua 6:12

Winibuka mapmeka berekukopura, Yosua mapmoka, beren tam koprop bukukce, nyabukba, Allah el si Yahweh, el nyalin yupu liamik marikna, Peti Perjanjian boban nang, sik imam nang ara, ambusum winipmeka atonun, binuyika ati, aning bobuka kintinibik.

Yosua 6:14

Ati ara, like bitinye sum ara, tonok sukumuk, Yeriko mutuku warikil binmeka ani, tamubuka, sik asikuk tuba tamubuka, yana mabik. Aning atouk, like nakub barye (6) sum arye atonun winilbalamek.

Yosua 6:3

Nyabukce, ayupu ton dukdongobuka nyabuk. Amutuku binuka weknamluma ati, an ap, an yin talin nang ap arye, bulubuka neika tikmunce, amutuku asik ucak, poka bai tam nirya, tonok karin aryuk antanabuka, denepdongopnamlulume. Winipnamluma ara, asum-asum nirya, tabakuka tonap-tonap nukuka, nakub barye (6) talak deice arye, nimalya arye warikil bimunce, antanabuka denenamlulume. Bukni, tonok karin ara, tonok talak aryuk, angnabuka denepdongopnamlulume.