Yosua 5:3 - Eipomek

³ Nyabuka ati ara, Yosua birye, Allah nyabuk touk, keil kapu doprobukce, Israel nang, sik den bol mouse ning sekuk. Awinibuk ning ara, mutuku si Gilbeat Haralot mutuku arye winibuk. Sik yupu deice ara, amutuku si deiyok ara, den bol mouse ning weik uamuk mutuku, nyalamik (Bukit Penyunatan). Ara, den bol mouse ning sekne mutuku ati, nyalamik.

Yosua 5:3 ပူးပေါင်းရင်းမြစ်များ

Keluaran 4:25

Utenebukce, opnuyuk talak aniryuk, el kil Sipora birye, kurun keil dobukabukce, sik mi den bam bol mouse ning sekukabukce, Musa yan deice deibukce nyabuk. “Dipkoprop, anda na akanye. Ara, nun ni Allah arye anti, ‘Opnune,’ tenepmakil bukni, nun mi, koproba, el ining deice arye lyepmaken atia,” nyabuk. Ara, Sipora birye ayupu nyabuka deiyok ara, Israel ninye, sik mapu den bam bol mouse ning sekna tenena ati, ‘Anda na akanye, nun bidamnye ining atia,’ nyabuk.

Matius 16:24

Nyabukce, el yupu kekebuka dobolbalamik nang ap, abulubuka wekmek nang nirya ap ati, “Na dam yalulume,” nyabukce ayupu ton nyanmok. Yata kil do, yatanye do, nati diba tenepnikirye, na dobolyanganamniyak nang ara, sik ning atibuk, ‘Aning mambule,’ kum tenenamake. Sik wenebikiba dipnamak nanguk, wanwanun yo bobuka talya mangkau asa balamikirye, ‘Akunuma, anang arye oplopnamniaka ara telebuka, na kam unmana ara mambul kume,’ tenenyak touk, na mapu ababye, ‘Yu nang arye opnamniak do?’ tenena kumce, sik kam un ning ap, sik patalye ning ap atibuk, kum tenenamake. Yesus dib tenenyaka ning ati ara, yuk nang arye opnukcopura, ‘Ara mambul,’ kum tenenamake. Na yupu uk kekebuka dobolyanganamniake.

Yosua 5:2

Atalak ara, Allah arye, Yosua biti nyabuk. “Anggun Israel nang ara, den bol mouse ning, kum sekik nang nirya ara, sekenamlume. Ara, kat keil dobuka, topnong kintinipmunce, atopnong dopropmunce, anggun den bol mouse ning sekenamlume,” Allah arye, Yosua biti nyabuk.

Yosua 5:4

Ara, Yosua birye, apil dobuk ning deiyok ara, ani. Ara, sik Israel ninye, Mesir mutuku arye batakuka, banuyik talak ara, mitik mapu kum bukni, ninye nirya sik den bol mouse ning nirya sekamik. Sekamik bukni, anang ara, keting tamun yupa dumbarye, (selama 40 tahun) deice arye, mek ap, ninye ap, kum ulamik mutuku bisik balamikce, yin talin nang nirya ara, pata mutuku balamik talak arye, diplamik. Ati, sik den bol mouse ning sekamik nang nirya, akunum diplamik.