Yosua 4:8 - Eipomek

⁸ Allah, el si ara Yahweh arye, Yosua biti nyabukba, Yosua kekebukce, Israel ninye laka nyabukopura, Israel ninye arye, Yosua nyapdeibuk touk winibik. Ara, Israel yala nang obarye aunyak touk, sikce Yordan mek noutamak binuka, keil obarye uk binuka dobukabikce, Yordan mek otam, sik doltakne tenda aik dam bobiyikce, tonok sukumuk, akeil 12 deibik. Akeil deibikak si ara, Gilgal mutuku.

Yosua 4:8 ပူးပေါင်းရင်းမြစ်များ

Keluaran 12:28

Winibikopura, aminyan talak, sik Israel ninye biyikce, Allah el si Yahweh arye Musa ap, Harun ap ati, ‘Aning ara wininamlume’, nyapdeibukba, kekepdikce laka nyapdik touk, sik Israel ninye nirya babye, atonun winibik.

Keluaran 24:4

Nyabikopura, Musa birye Yahweh nyapmok yupu nirya sekuk. Akunum sekukopura, mapmeka berekukopura, osum beren tam ara, Musa birye Sinai mutuku dam amu biyukce, keil pala dobuka taplakreibuk. Ara, Allah el si erena ati kam ning obuka, Allah el arin ning akeil deice uku seknirye, ‘El si erenamabe’ tenen, keil pala dobukabukce, pala keil taplakakuka pipdeibik. Tonda, Israel nang bikilina ati, cang keil dobuka ayukumna atonun tuku palibuka ikdeibuk. Ara obarye (12) ikuk. Ara, Israel yala dua belas (12) aulamik touk, obarye tenebuka ikuk.

Yosua 4:20

Gilgal mutuku biyik talak ara, Yosua birye Yordan mek noutamak arye domik keil, 12 keil nirya ara, Gilgal mutuku doltakna aik domikak anyuk, binuka ikuka lelepdeibuk.

Yosua 4:9

Deibikba, Yosua birye, ton akeiluk dobukabukce, tabuka bulupdeibuk. Ara, Allah el si eren aik pum tam pil don nang, Allah nyamuk yupu liamik marikna bobuka, Yordan mek duk-duk noutamak tikmekak anyuk, Israel ninye arye, mek pum bisik obarye (12) keil dobukabikce, sik doltakna aik dam, bobinuka deibik ning ara, Yosua birye, akeil obarye nirya dobuka, tonok sukumuk tabuka bulupdeibuk. Akeil nirya ara, ayupu sekuk talak babye, tuba aubuke.