Yosua 4:20 - Eipomek

²⁰ Gilgal mutuku biyik talak ara, Yosua birye Yordan mek noutamak arye domik keil, 12 keil nirya ara, Gilgal mutuku doltakna aik domikak anyuk, binuka ikuka lelepdeibuk.

Yosua 4:20 ပူးပေါင်းရင်းမြစ်များ

Yosua 4:21

Lelepdeibukce, nyabuk. “Winipnamlume. Aminyan talak ara, anggun deipnamlum mapu arye, ‘Naio, akeil deiamluma ara, yata deiyok ati deiamlum do?’ nyabuka asipdesikcopura, nyanamlulume.

Yosua 4:3

“Akunum wipmince, anang 12 nang ati, nyapnamalyame. ‘Anggunda, Yordan mek balamuk bisik noutamak, mek cepdobukce, mikdobukak, Allah el aik pil don nang tikmekak, adiparyuk anggun obarye nang, mek pum keil duk dobuka, anggun mapnamalumakuk bobimunce, asukumuk deipnamalume.’ Anang 12 nang ati, nyapnulyame,” Allah arye, Yosua biti nyabuk.

Yosua 4:8

Allah, el si ara Yahweh arye, Yosua biti nyabukba, Yosua kekebukce, Israel ninye laka nyabukopura, Israel ninye arye, Yosua nyapdeibuk touk winibik. Ara, Israel yala nang obarye aunyak touk, sikce Yordan mek noutamak binuka, keil obarye uk binuka dobukabikce, Yordan mek otam, sik doltakne tenda aik dam bobiyikce, tonok sukumuk, akeil 12 deibik. Akeil deibikak si ara, Gilgal mutuku.