Yosua 4:18 - Eipomek

¹⁸ Nyabukopura, sik anang ara, Yordan mek duk-duk noutam tikmeka koubuka, Allah el si Yahweh arye, nyamuk yupu liamik Peti Perjanjian bopmekce, tuku kata tam biyikce yanibikopura, adiparyuk Yordan mek ara, minop arye balamuk touk, winibukabukice, biyuk.

Yosua 4:18 ပူးပေါင်းရင်းမြစ်များ

1 Tawarikh 12:15

Anang ara, sik Kat yala nang, sik yin talen nang ulamika ati, keting yangan tam arye, Yordan mek koubuka otam keting koumulban tam biyik. Sik biyik talak ara, wala tonok deice, mek arye obuka sirya dakuk. Winibuk babye, sik yu arye amek koubuka otam biyik. Winibukce, Yordan mek kup-kup tam ulamik nang nirya ara, ilil weik ubukba, sik asik batakikce, bibik abuka bai sakuka bendobik. Ara, keting yangan tam mutuku ap, amek otam keting koumulban tam apuk, yakdonokik.

Yesaya 8:8

Mek deibuka obukaplirye, okibuka, akibuka kilirye, tonok mutuku nirya mek aryuk obuka dilamle touk, Asyur mutuku yin talin nang arye, anggun Yehuda yala ninye umunye mutuku nirya yanuka wariksikirye, langdipnamsiake. Winipmanto ning ara, mekwen pum tam wekikiba, kisok dam ulamsil touk, kipnamsiake. Winipnamsiaka ara, anggunce kum lyepdatume. Tonda, maka pol arye, tonokak obuka elilamle touk, Asyur mutuku yin talin nang arye, anggun ululum mutuku nirya, alapdopnamsiake. Aning nirya winipnamsiaka ati, anggunce nyapnamlume. “Se, Imanuel, Allah nun ap neika uptibirye, melipsetue,” nyabuka, malye kanye bobuka engenamlume. Allah arye na Yesaya biti, nyapnuke.

Yosua 3:13

Nyabukce, ayupu ton nyabuk. “Mutuku-mutuku nirya talilul Allah, el si Yahweh, el si eren aik pum tam pil donyak nang, Yahweh el yupu liyamik marikna bopmace nang arye, sik yan Yordan mek yanibicopura, atalak aniryuk, mek noutamak sekuka, eitam kilon, outam kilon kipnamle,” Yosua birye nyabuk.

Yosua 3:15

Atalak ara, ninye koun ning li talak anya arye, Yordan mek ara, pia weik onmokce banmok. Pia weik onmokce banmok bukni, Allah el aik pum pil don nang, el yupu liamik marikna bobanmek nang, Yordan mekin biyikce, mek yoka diamuk yanibik talak ara, adiparyuk Yordan mek noutam sekdakuka, itam kilon, utam kilon kibukba, anoutam ara, tuku mikuka bisik laka kibuk.

Yosua 4:11

Sik Israel nang nirya, Yordan mek koubuka, otam akunum bindobikce, otam tikuka dinmekopura, Allah el si eren aik pum tam pil don nang arye, Allah el si Yahweh arye nyamuk yupu, liamik marikna, Peti Perjanjian bobuka tikmek nang, Yordan mek koubuka, aminyan biyikba, aninye nirya eibik.

Yosua 4:17

Nyabukopura, Yosua birye, Allah nyapdeipmok touk, winibuk. Sik Allah, el aik pum tam pil don nang ati, “Yordan mek duk-duk noutam arye batakuka, atam tuku kata sukum yalulume,” nyabuk.

Yosua 4:19

Israel nang, Yordan mek koubuka biyik talak ara, sik wala nukamik touk, tonok wala bukni, like tagu barye deice ubukopura, Gilgal mutuku binuka, sik doltakna aik binuka dobik. Gilgal mutuku ara, Yeriko mutuku dam bukni, keting panalyangan tam, sirya tam mutuku.