Yosua 4:13 - Eipomek

¹³ Winibik talak ara, ninye yupa pia wiek, odeikin empat puluh ribu (40.000) nang kintinibik nang ara, Allah melibukba, Yordan mek koubuka, Yeriko mutuku nang olana ati, Yeriko mutuku dam bukni, weik lu mutuku biyikba, Allah el si Yahweh arye eibuk.

Yosua 4:13 ပူးပေါင်းရင်းမြစ်များ

2 Raja-Raja 25:5

Yehuda yala yin talin nang ap, sik Rajanye ap, Yerusalem batakuka bikbik abuka bai bindobik bukni, Babel mutuku yin talin nang nirya arye, ‘Anang tomopnuyap’ tenen, sik aminyan tam bikbik abuka dobolbanmekce, Yeriko mutuku lyuak noutam arye, Yehuda tam ninye deiyoknye Zedekia tomobik. Zedekia, el yin talin nang nirya ara, malye kanye bobikce, el batakuka ton tam yuk-yuk kibuka bindobikopura, el tonok ara, yukak bindobuk. Winibuka anya arye, sik Babel mutuku yin talin nang arye, Raja Zedekia tomobik.

Keluaran 13:18

Utenebuk ati, Allah arye aninye bobuka, ninya dilamak mek ton, kum uamuk mutuku, pia pata weik mutuku bana ati, abisik laut mekwen, el si Teberau mekwen dam abisik bobiyuk. Israel ninye arye, Mesir mutuku batakuka biyik ning ara, ‘Yuk mutuku nang arye opsicak tenen, sik parang ya ap, yin ap, mal ap nirya bobikce biyik. Ara oldan ning kintinina ati, aning nirya bobikce biyik.

Yeremia 39:5

Sakuka bikbik abuka biyik bukni, sik Babel mutuku yin talin nang arye, anang banmika eibikce, ‘Anang tomobuka opnuyapʼ tenen, bikbik abuka, dobonmika ani, Raja Zedekia bira, Yeriko mutuku dam bukni, weik lu mutuku arye, binuka tomobik. Tomobikopura, ayin nang arye, Raja Zedekia bobuka, Babel mutuku Raja Nebukadnesar ulamukak, Amat mutuku noutam bukni, mutuku si Ripla mutuku boyanuka deibik. Raja Zedekia boyanuka deibikba, Raja Babel birye, “Ura aning ara, sik dengna ati, winibuka opsinirye, wenepnusine,” nyapdeibuk.

Yeremia 52:8

‘Bikbik abuka binuyap’ tenen, bikbik abuka bindeyuk bukni, Babel mutuku yin talin nang arye, aminyan dobolbiyikce, bikbik abuka banmek. Banmek bukni, sik Yehuda tam yin talin nang eibikce, ilil ubukba, sik deiyoknye Raja Zedeikia biti batakik. Batakikce, sik yuk-yuk lyeibuka, bai tam sakuka, bindobikba, el yuk banmok. Banmok ani, Yeriko mutuku dam, weik pala lyuak noutamak arye, sik Babel mutuku yin talin nang arye, Zedeikia dam binuka tomobik.

Bilangan 32:17

Winibibye ura, nun adiparyuk kintinipdobibye ura, nun kayapu nang ap, sik yuk yala Israel nang ap, neika mal olbinamabe. Tonda, nunce mal olana ati deiyok nang deiyok koubibye ura, nun kayapu nang nirya ara, dobuka melibibye deice, sikti, areplum mutuku bobinuka unamake. Winipnamap talak ara, nun kilapu ap, mitik mapu ap nirya ara, poka dobik noutamuk ukirye, telebuk unamake. Deiyok ara, ‘Amutuku noutam talibuka ulamik nang arye, kum yanuka opnamak tenen, winipnamaba atia.

Efesus 6:11

Sik yin talin nang arye, kat ning dobuka ongobikirye, olalbalamak touk, Allah arye, mikip kilin ning arisilye ning nirya dobuka unamlulume. Tonok ning babye, batakana meme. Winipmunyopura, Isa Mutuku Dongonye arye, tenepce tilila yupu ap, malye-malye winilisilye ning deice arye, ‘Malye winipting’ tenen, kiklipdesutu babye, mikip arye, lamapdongobuka unamlulume. Malye kum wininamlulume.

Ulangan 3:18

Minop talak ara, narye anggun keting panalyangan tam unamlum nang ati, anggun yala nang ara, “Aning winipnamlume,” nyapsise. Anyapse yupu ara ani. “Anggun ni Allah Yahweh arye, Yordan mek koubuka atam keting panalyangan tam winiryuk arepmasil mutuku ara, aminyan talak, anggun amutuku noutamuk bimunce, talibuka pia unamlume. Bukni, atalak ara, amutuku noutam arye, Yordan mek koubuka otam, keting kumulban tam binamlume. Deiyok ara, anggun kayapu nang, Israel yala nang bukni, Yordan mek koubuka, otam keting kumulban tam unamak nang, sik melina ati, obinuka unamlume. Ara, anggun yin talen nang nirya ap, mikip weik nang nirya ap ara, yin bobuka bimunce, malye kibuka, menekuka Yordan mek koubuka, keting kumulban tam binumunyopura, anggun kayapu Israel nang, yuk yala nang nirya ara, sik aminyan melibuka binamnyake,” nyapdeiamse.

Yosua 4:12

Ura atalak ara, Musa birye nyapdeiamuk touk, Ruben yala nang ap, Gad yala nang ap, tonda Manasye yala nang bukni, noutamak nang ap, anang nirya wilibuka yin bobuka, Yordan mek koubukabikce, menekuka otam biyikba, yuk Israel ninye, anang-anang nirya, aminyan biyik.

Yosua 4:14

Asum ara, Allah arye Musa biti, meliyangalamuka atonun, Allah el si Yahweh arye, Yosua biti melibuk deice arye, Israel nang nirya ara, Yosua biti, ‘Se, elda pia weik mambulnye,’ tenelamikce, Yosua kam ulamuk talak nirya ara, anyuk tenelamik. Sikce, ‘Musa bira, pia weik mambulnye,’ tenelamika atonun, ‘Yosua babye, elda pia weik mambulnye,’ tenelamikce, Yosua eililamikce, sik ilil ulamuk.

Yosua 5:10

Tia talak ati, Israel ninye, Yeriko mutuku noutam bukni, weik lu mutuku si ara, Gilgal mutuku, Kaplina Kwalina yunmek. Ara, awala noutam bukni, tanggal 14 odeikin deice arye, weik sum ubukba, asum sintam talak arye, weik Kaplina Kwalina yunmek. (Ara, Mesir mutuku banuyik talak arye, Allah pil donanye, Allah malaikat arye, Israel ninye sik winiryuk mapu ona kumce, sik dam bisibuka biyuk ati, akwalina si ara, Kaplina ati Kwalina nyalamik.)

Hakim-Hakim 20:1

Lewi yalanye birye, el ubula domuk kil dibukba, el nong sekdoba bulubuka, Israel nang ulamik mutuku nirya, dopdeibukba eibik. Ati ara, sik Israel yala nang nirya ap, eitam (arah selatan) ulamik kilisala ap, utamna dabu mutuku, (arah utara) Dan mutuku noutam arye dipdongobuka, tonda keting panalyangan tam (arah timur) Gilead mutuku ulamik kilisala babye, bulubuka yayik. Ara, ‘Se, anye birye pia malye winibuk ning dekna ati, yata winipnamap do?’ tenen, tonda, Yupu talipnamabe,’ tenebikce bulubik. Sik Israel nang yala-yala nirya, neika ansinibuka, tonok kina ati, Mizpa mutuku noutam bukni, Allah Yahweh el si erelamikak bulubuka wekelyayik.