Yosua 3:1 - Eipomek

¹ Sik nirya damapmeka, berekukopura, Yosua deiyok kibukce, Israel nang nirya, beren tam koprop, maka yupu talamle talak arye, Sitim mutuku doltakna cang kain aik dam arye batakuka, Yordan mekin tam binuka, mek koubuka, otam kum binmek talak ara, asukumuk doltakna aik binuka dobuka, like winilye mabikce, kentininmek.

Yosua 3:1 ပူးပေါင်းရင်းမြစ်များ

Kejadian 21:14

Nyabukba, mapmeka berekukopura, Abraham arye din ning ap, mek ap, kwebuka kintinibukce, Hagar dam binuka arebuk. Arebukura, bikukce, Hagar ap, el mi Ismael ap, bisik panabuka banmarik. Bisik banmarika ani, Bersyeba mutuku noutamak bukni, ninye una kumak, talye banmarik.

Kejadian 22:3

Nyapdeibukba, Abraham mapmoka, berekukopura, ‘Abasam deice buknirye, mutuku dup binaman’ tenen, el keledai basam balye tam bung ning deibukce, kintinibuk. Kintinibukce, el pil melin nang bitinye ap, el mi ton Isak ap banmek. Tonda, ‘Na mi opnyopura, Allah el arena ati, uku seknirye, na mi el nong uku dapniba, uku dipnamale’ tenen, uku seknamuk yo ton, wiribuka kwangnibuka deibuk. Yo kwangnibuka kintinibukopura, ‘Allah arye nyapmanilak binamap’ tenen, el ap, anang ap, Isak ap, neika bisik panabuka banmek.

Mazmur 119:60

Narye wini talak aryuk, ayupu nirya bobuka banamne. ‘Wini talak kum bukni, aminyan yuk talak teleb wininamne,’ kum tenenamne. Ati ance, “Aning ara, wininalulume. Aning ara, pia kum wininamlulume,” nyapdeiamsulum yupu bobuka banamne. Ayupu batakuka, talye kanye bopmaniryuk, kum wininamne. Ayupu ara, pia ati talibuka wininamne.

Yeremia 25:3

Ura, anggun Yehuda mutuku ululum nang nirya ati, Allah Yahweh arye, na dam yanuka, yupu nyapdeipnuk ning ara, anggun dam laka nyapnusine. Ayupu laka nyapnusin talak ara, ninye si Amon, elce deiamuknye, Raja Yosia birye, Yehuda yala nang ati, deiyok koubuka, taleamuka ani, atalak noutam ara, tiga belas tahun arye nukuka, anoutam nirya ara, amutuku taleamuk. Atalak noutam nirya ara, keting tamun weik, Allah el yupu laka nyapnin yangalamse ani, wini talak ara, akunum dua puluh tiga (23) tahun akunum kipnile. Bukni, anggunce ayanuka laka nyasunun yupu nirya ara, anggunce moubuka kum kekelulume.

Yeremia 26:5

Tonda, na yupu laka nyana deiyok nang, sik nabi-nabi dam nyamsiba, sikce anggun Israel ninye dam laka nyapdeiamse ning babye, kum kekelamlume. Ara, ‘Narye weik wenena ning arepneba, ‘Naʼ tenen, ninye, adiparyuk dibicak’ tenen, nabi nang weibuka dopdeiamsise talak ara, “Adiparyuk kekenamake,” nyapdeiamsise bukni, anggunda kum kekelulume.

Yeremia 7:13

Anggunce tuba malye-malyeuk winiluluma ati ara, na Allah Yahweh arye nyapsine. Narye anggun malye winilamlum ning ati, “Aning ara, winina meme, bataklulume,” nyabuka, tuba-tuba ayupu nyalamsise bukni, anggunda tuba na yupu kum kekenululume. Narye anggunti, “Malye winilulum ning nirya ara, batakmunce, na dam tamubuka yangamunce, telebuk wininamlume,” nyabuka yukupsisirye, tuba nyasini bukni, anggun kekena kumce, talye kanye bobuka, na dam tamubuka kum yangamunce, na yupu kum kekenululume.

Mika 6:5

Tonda, na mapu koproba, Israel ninyeo, anggunce akunum luba kiplum do? Anggun tuba tonap, moubuka tenepnululume. Ara, Moab mutuku ninye nirya taleamuknye, Balak birye, ‘Israel ninye nirya ati, wenepnirye opnamsine,’ tenepmasuk buk, Beor el mi Bileam biti yukubukba, yayukce, ‘Israel ninye luba kina meme,’ nyabuka morobuk bukni, Bileam birye, el dam yata yupu nyamuk do? Bileam birye, anggun Israel ninye ati, teleb yupu nyapsuk deice arye, telebuk upsuke. Tonda, minop talak Sitim mutuku arye batakuka, bisik balamlum ani, Gilgal mutuku noutam bilum talak ara, anggun melina ap, kel bikna ap ati, pil weik tonun dolamsise ning ara, akunum luba kiplum do? Kume, anggun Israel ninye ara, ‘Se, nun ni koproba, Allah Yahweh arye, nun lyena ati, pia dipkoprob mambul weik pil dosulul’ tenen, ‘Kel biknamlum’ tenen ati, narye weik mambul pil dolamsise ning ara, akunum luba kiplum do? Anggun aning nirya moubuka tenipdemunce, kel biknamlulume. Na Allah arye, dipkoprob lyepromsise.

Bilangan 25:1

Israel ninye, sik tia ati Sitim mutuku binuka unmek. Amutuku binuka unmek talak ara, Israel ninye arye, Moab mutuku kilapu, amutuku noutam ulamik kilapu ap, neika epdanuka malamik.

Markus 1:35

Sik mapmeka ani, kum berekmok talak arye, tuba inipmok bukni, Yesus bukukabukce, anyasik batakuka buru tam biyukce, ninye kum ulamikak binuka, Allah morobuk.

Yosua 2:1

Ninye si Nun, el mi Yosua birye, ninye bitinye nang wipdeibuk. Ara, ‘Kanaan mutuku noutamak bukni, mutuku si Yeriko mutuku dilbinamdak’ tenen ati, anang wepdeibuk. Yuk nang ton, laka kum nyabuk bukni, elcuk abitinye nang wipdeibukce, Sittim mutuku arye wipdeibuk. Dopdeibukce nyabuk. “Anggun bitinye nang ara, Kanaan mutuku nirya dilbinamarume. Tonda, weik mambul ning ara, weik ninye asik donyakak ara, Yeriko mutuku dipdenamdurume,” nyabuk. Nyabukura, abitinye nang ara, Yeriko mutuku birikopura, sal arye yo bok arebuka, talye-talye yoldalamik kil, el si ara Rahab, el aik wekdikce, tia talak ati aunmarik. Anyaik wekdika deiyok ara, ‘Yu nang arye opsicak’ tenen, dungnubuka birik.

Yosua 6:12

Winibuka mapmeka berekukopura, Yosua mapmoka, beren tam koprop bukukce, nyabukba, Allah el si Yahweh, el nyalin yupu liamik marikna, Peti Perjanjian boban nang, sik imam nang ara, ambusum winipmeka atonun, binuyika ati, aning bobuka kintinibik.

Yosua 6:15

Winibuka wininmek bukni, tekbarye sum mapmeka, berekukopura, keting winiryuk panalyangayuk talak arye panabuka, Yeriko mutuku, mince ulamik touk bukni, asum ara, tekbarye (7) sum arye warikikce, angnabuka denebik. Yuk sum nirya ara, tonok talakuk balamik bukni, asum ara, like tekbarye (7) deice arye, warikuka antanapdongopnin banmek.

Yosua 7:16

Nyapmoka ati, sik nirya damapmika ani, akunum berekukopura, pia beren tam koprop ara, Yosua birye nyapdeiamukba, sik Israel nang nirya, Allah el tenen nang Israel nang, sikti, yuk-yuk mutuku nirya, “Tonok-tonok wibuka binamalume. Anggun aululum touk, yala yuk-yuk wibuka, Allah el dam bilulume,” nyabuk. Nyabuk touk, sik Israel nang nirya, yala yuk-yuk ulamik touk, Allah dam binuka wekikura, Allah arye, tonok yala nang, sik Yehuda yala ninye uk, wipdeibuk.

Yosua 8:10

Yosua mapmoka ani, berekukopura, bukuk. Bukukce, winibuk ning ara, el ap mapmek yin talin nang ati, yupu nyapdeibukba, sik ap, sik yuk talye Israel ninye nirya ap, bulubuka wekelyayik. Wibuka wekelyayik ning ara, el ap Israel mutuku noutam talibuka ulamik ninye deiyok nang ap nirya arye, sik yin talin nang nirya ap ara, Ai mutuku asik domikak urasin tam arye biyik.

Hakim-Hakim 20:19

Nyabukura, mapmeka berekukopura, beren tam ara, sik Israel yala nang nirya deiyok kibuka biyikopura, Gibea mutuku mining damuk binuka, ‘Amutuku nang warikuka mal opdanuyapʼ tenen, sik tia tenda aik dobuka unmek.

1 Samuel 17:20

Isai birye, ayupu nirya nyabukba, mapmeka berekopura, asum beren tam arye, Daud mapmoka bukukabukce, el li nyapdeipmok domba basam ara, melibuka kalikinamnye dam dobuka, deibukce, ‘Adibaryuk, Ela mutuku binunʼ tenen, kintinibuk. Ara, Daud binamoka ati, agandum ap, adin el si keju ap, dobuka libukce, bisik banmoka ani, Ela mutuku biyuk. Aning nirya ara, el li Isai birye, Daud biti nyapdeiamuk touk winibuk. Daud adiparyuk Israel ninye, sik yin talen nang arye, tia aik dobuka, tia ulamikak, yayuk talak ara, sik Israel yala yin talen nang ara, ‘Pilistin nang olbinuyapʼ tenen, akunum kintinipmekce, olal balamikak, akunum binuka tikmek. Atalak ara, sik yin talen nang, yuk-yuk nirya arye, kanye pia deibuka, yupu weik tonun nyanmekce, ‘Anggunda opnusiyabe,’ nyabuka, yupu weik tonun nyanmek.