Yosua 23:9 - Eipomek

⁹ Aning wininamluma ara, talye ati kume. Deiyok ara, Kanaan tam ulamik nang ara, yupa pia weik ulamike. Tonda, sikda mikip weik nang aulamik nang nirya ara, Allah Yahweh arye, Israel nang anggun melina ati, anggun amutuku nang ara, akunum yakdonokuke. Kanaan mutuku ulamik nang ara, tonoknye babye, mikip arye yayukce, anggun Israel nang ati, yanuka obuka dakmanto kum winyamsuke.

Yosua 23:9 ပူးပေါင်းရင်းမြစ်များ

1 Raja-Raja 21:26

Ahab bira malye pia weik winilamukce, isa si erelamuk ning ara, sik Amori yala ninye isa si erelamik touk winilamuk. Sik Amori yala ninye ara, Allah el si Yahweh arye, Israel ninye Mesir mutuku arye bobuka, Kanaan mutuku tam boyangalamuk talak ara, sik Amori yala ninye ati binuka kum yakamik.

2 Tawarikh 20:7

Se, dipkoprob nun kele. Nun ni koproba Allah Yahweh, An tenen nang, an mapu Israel yala nang ati ara, Anang arye amutuku nirya talibikirye asukumuk unamak tenen, nun apu yapu arye amutuku yanuyik talak ara, minop talak arye sik amutuku noutam ulamik nang nirya ara, ancuk duknupdomlume. Ara, ance Israel nang ati, mikip weik areamlumba, adeice arye, amutuku ulamik nang nirya ati, obikce kum kipdeiamike, ton nang ara, yakdonokikba yuk mutuku bindomik. Winipluma deice arye, amutuku ara ance dobuka, an kwit Abraham birye deibukba, dadeipdanin yangalamikce, ulamik nang, sikti, areamlume. Ara, sik aninye arye, amutuku nirya ara, pia talebuka unamak tenen, areamlume.

Keluaran 23:23

Na pil donanye malaikat arye, anggun dam tiklirye, menekuka baliba, el aminyan tam balamunya ani, yuk mutuku ninye unyak mutuku bobinamsile. Ara, sik Amori yala ninye ap, Het yala ninye ap, Feris yala ninye ap, Kanaan mutuku ninye ap, Hewi yala ninye ap, tonda Yebus yala ninye ap, sik unyak mutuku binuka weknamlum talak ara, narye, sik aninye nirya opnirye, kum daneipnamne. Winipnyopura, anggun Israel ninye arye, amutuku nirya talibuka unamlume.

Keluaran 23:30

Amutuku unyak nang ara, adiparyuk kum yakdonoknamak bukni, ton talak ton yakdonokmaca, ila ton talak ton yakdonokmaca kipnamake. Winipnin balamica ani, anggun Israel ninye arye deipmunyeba, dadeipdanin banamak ninye, pia weik tonap upmumyopura, anggun ap, anggun meapu ap nirya arye, amutuku nirya talibuka unamake.

Rasul 7:45

Anyaik ara, nun ni yapu, sik apu yapu arye, domik aik ara, nun ni yapu arebikura, doprobik. Akunum doprobikopura, Yosua el talyamuk talak ara, Allah el mikip meilyamuka deice arye, yuk-yuk mutuku ulamik ninye obuka sirya dakal bisilamikce, amutuku-amutuku nirya sik dololamik. Atalak nirya Allah el cang kain bola tenda aik, bobuka deipnin balamik. Anyak bukni, winilamika ani, Daud tikuk talak babye, anyaik amutuku tuba uamuk.

Ulangan 11:23

Winipmunyopura, Allah Yahweh arye otam binamlum mutuku unyak nang nirya ara, el mikip deice arye, anggun dam arye yakdonoknamle. Winipliba, ninye weik ukirye, mikip weik nang unyak mutuku nirya ara, yakdonoknamle. Sikda, mikip weik unyak bukni, anggun Israel nang, mikip pia weik nang, kum ululum bukni, Allah melinamsila deice arye, amutuku binuka obukapmunce, alubuka dopropmunce, amutuku nirya, talibuka unamlume.

Ulangan 7:24

Yuk mutuku ninye, anggun weik deiyok nang ara, Allah arye dobuka, anggunti arepsiliba, opnamlume. Aninye ara, im amu tam, tukwak mutuku noutam nirya ara, sik si tonok, ton pia kum upnamle. Tonoknye babye ton, anggunti, kum obuka sirya daksutue. Sik nirya ara, kam kum unamake. Aweik ninye nirya obuka, sirya daknamlume. Musa birye Israel ninye ati nyabuk.

Yosua 1:5

Tonda, Yosua an kam unalam talak nirya ara, tonoknye babye anti, kum opyaknamkile. Narye Musa meilyamse atonun, anti pia melipnamkine. Narye anti, pia kum bataknamkine. Neika ubirye, pia melinamsine. Tonda, anggun batakuka, yukak kum binamne. Neika uk unamabe,” Allah arye, Yosua biti nyabuk.

Yosua 15:14

Enak birye, deibukba, dadeipdanin biyik ninye ara, ani. Ara Sesai ap, Ahiman ap, Talmai ap deibukba, Ebron mutuku taleamikce, amutuku noutam ulamik. Bukni, Kalep birye, amutuku doprobukce, sik Sesai yala nang ap, Ahiman yala nang ap, Talmai yala nang ap, sikce talibuka ulamik noutam, Kalep birye, aninye nirya yakukce, sik taleamik tuku nirya, alabuka doprobuk.

Yosua 23:5

Israel ninye, anggun ni koproba, Allah Yahweh, elce melisilirye, Kanaan mutuku tuba aunyak nang nirya ara, obukapmunce yakmunyopura, bindopnamake. Ara, winipmanto, sik Israel nang arye, Kanaan mutuku noutam unyak nang ati, mal opdanin bamunye talak ara, sik Kanaan mutuku nang nirya ara, anggun dam arye, bai saka bindopnamake. Bicopura, Allah Yahweh arye, anggunti nyalin yupu deice arye, “Amutuku arepnamsine,” nyabuka, sekeiamsuk mutuku ara, anyapdeiamsuk touk, amutuku nirya ara, arepsiliba, Israel nang anggunce, talibuka unamlume.

Yosua 23:8

Aning malye un ning nirya ara, kum winipnamlum bukni, anggun Israel nang ara, min arye, anggun ni koproba Allah, el siuk erepnin yangalamlumce, el yupu dem, dopnin yangalalum touk, akaren babye, doyanamle talak babye, tuba Allah el uk talibuka, el siuk erenamlulume.

Yosua 24:18

Tonda, nun amutuku yapu talak ara, nun ni koproba, Allah el si Yahweh arye, amutuku ulamik ninye, sik Amori yala ninye nirya obuka oplobukce, nunda amutuku arepsukba, wini talak ara, Amori ninye talibuka ulamik mutuku ara, nunce talibuka unyabe. Ati ara, nun babye atonun, Allah el si Yahweh, el amu tam ubirye, el siuk erenamabe. Nun ni koproba Allah ara, Yahweh el uka,” sik Israel deiyok nang ap, talye ninye nirya ap arye, Yosua biti nyabik.