Aning seknuyap ning ara, Israel nang talibuka, ninye deiyoknye Raja Daud, el mikip weik ulamik yin talin nang, sikda ilil tenena kum nang ulamik. Sik si ara, ani. Minyumanye ara, Hakmoni mutukunye el si ara, Ishabal ulamuk. Elda, sik atalak nang arye nyalamik nang, winilye mikip yin talin nang ati, “Kong Winilye Nang” nyalamik ning ara, (Triwira) elcuk deiyok kinannye ulamuk. El anye bira, tonok mal olal ban talak ton, el anye el tonok aryuk, ninye omuk nang yupa ara, pia weik delapan ratus (800) nang omuk. Tonda, sik aobuk nang nirya arye, cang weik keil poka arye, taplakuka domik keil poka babye, kum winibuka deiamuk.
Yosua 23:10 - Eipomek10 Anggun Israel yala nang ara, tonoknye unmatuba, anggun mal olan nang, yupa weik 1.000 yin talin nang yantinga babye, anggun kan-kan arye, tonoknye, elcuk ayupa weik yanmating nang obuka, sirya daktue. Anggun ni koproba Allah Yahweh arye, melipsuturye, anang nirya ara, obisiptue. Ara, anggun ni koproba Allah elce, “Winipnamsine,” nyabuka, nyalina yupu deice arye, akunum nyapdeiamsuk touk, winipsiliba unamlume. အခန်းကိုကြည့်ပါ။ |
Yosua 23:10
27 ပူးပေါင်းရင်းမြစ်များ
Sik ayin talin nang nirya ara, Allah ati, dip tenelamik nang ulamika ati, sikce, ‘Allah ati morobiba, dipkoprob Allah arye melipnamsilʼ tenen, morobikura, Allah arye, sik anang morolamik ning ara, kekebukce sik tenebuka, morolamik touk kibuka melibuk. Winibuk deice arye, sik awinilye yala nang arye, Hagri yala nang ap, sik tam kiamik yala nang ap, sik nirya ara, obuka sirya dakik.
Ara, Ruben yala nang ap, Gad yala nang ap, tonda Manasye yala nang noutam arye bokdeibik yala nang ap, sikce amutuku ulamik nang ara, pia weik obik. Winibikopura, sik yala nang nirya ara, alubuka doprobik mutuku binuka ulamik. Winilamika ani, Allah arye, Israel nang sik wenen ati, lo arebukba, yuk karin mutuku, Babel mutuku nang arye, amutuku noutam ulamik nang nirya, obuka malye kibikce, amutuku ulamik nang, pia weika arye dobuka, sik mutuku koproba, Babel mutuku noutam bobiyikce, delilbiyikura, daulamik.
Raja Daud birye, Mazmur yupu mot sekuk. Daud birye nyabuk yupu ara, ani. Se na ni koproba Allah, ance na olyanganinyak nang arye, mal olyanganinyaka ati, ‘Ance sik anang ati, tamubuka optume’ tenen, moropkine. Yu nang arye nati, ‘Anye opnuyap,’ teneninyak nang ara, ‘An Allah arye anang ati, wenebuka opnamlam’ tenen, moropkine na nio.
Tukwak mutuku-mutuku nirya unyak ninye arye, mal olanmakirye, weik lelim nyapliba, ngaluklamak touk, winibuka ngalukunyake. Ton tam ninye arye, yuk tam ninye ati, obuka sirya dakikiba, kum danalule. Allah arye tenepsilye sum, akunum kiplyopura, el yupu weik arye nyapliba, tukwak mutuku nirya, atu atonun ubuka kum danamle.
Aminyan tam, anggun mal olan nang yakcopura, winipnamlulume. Anggun mal olan nang kan-kan, tonoknye ton eipmunyopura, ‘Se, anye birye opnamasile,’ tenen, ilil upliba, anggunda yupa weik 1.000 nang bikbik abuka, bindopnamlulume. Aning atonun, anggun mal olan nang kan-kan, pamubarye nang eipmunyopura, ‘Se, anang arye opnamasiyake,’ tenen, ilil upsiliba, anggun nirya bikbik abuka, bindopnamlulume. Anggun mal olan nang arye, aminyan dobolbanmasikca ani, batakikiba, anggunda yupa weik kum unamlum bukni, tonok-tonok uk, kam unamlume. Winipmanto ara, mutuku deice tonok bendera ikdeibikiba, el yuk tiklamle touk unamlume. Ara, anggunda ninye pia weik ulamlum bukni, akunum opsikcopura, mitik tonun unamluma ati nyapsine.” Allah arye sik Israel yala ninye nirya ati nyabuk.
Tonda, anggun mal olan nang yanuka opsikce talak ara, anggun Israel nang ara, ilil una kumce, mikip weik umunce, sik yu nang ati, yupa weik ubikca babye, anggun parang ya dobuka, obuka sirya dakmunce, malye kipnamlume. Sik yu nang ara, weik tonun oplopnamlume. Ton nang ara, ilil weik uplye ati, bikbik abuka bai sakuka bendopnamake.
Winipmanto ning ara, winibuka unamlum talak ara, anggun Israel yin talen nang pamubarye nanguk, anggun mal olan nang, seratus nang ati obuka, sirya daknamlume. Tonda, anggun Israel yin talen nang seratus nang arye, anggun mal olan nang ati, ninye yupa pia weik, sepuluh ribu (10,000) nang obuka, sirya daknamlume. Ara, sik parang ya dobuka, obuka sirya dakmumce, malye-malye kipmamunya deice arye, sik yuk mutuku yu nang ara, weik tonun oplopnamlume.
Atalak ara, ‘Yuk mutuku nang arye, na mapu Yerusalem mutuku unyak nang obikcakʼ tenen, narye Yerusalem mutuku unyak nang ati, melibuka kalikinamne. Tonda, sik nirya ati, na mikip arepnyeura, sik amutuku noutam arye mitang kibuka unyak nang nirya babye, melinya deice arye, mikip weik nang unamake. Ara, minop talak Raja Daud el mikip weik ulamuk touk unamake. Atalak ara, sik Yehuda tam unyak nang nirya ati, Daud elce deibukba, deipdanin yangalamik nang kan-kan noutam, el tam nang arye, ninye deiyok kibuka, anang nirya pia teleb kibuka talipnamake. Winipmanto ara, na Yahweh arye, na im deice pil don nang malaikat dopkwtepnyeba, amalaikat arye, anang melibuka kaliklamak touk, Daud tam nang arye, pia teleb kibuka anang talipnamake. Tonda, winipmanto, naryuk anang sik Raja uptinirye, anang pia teleb kibuka taliptinye touk, Daud tam nang arye, pia teleb kibuka, anang talinamake.
Arup talak, “Allah arye akunum teleb kipdeipsuk ning ani,” nyabuka laka nyapmasin yupu ati ara, yata yupu ton tabakuka nyaptibye do? Kume, Allah arye akunum bico tenyamsukce, nunti wipdeipsukce, melibuka pil dosulula anya arye, yatanye ap, yata ikin ning ap arye, malye kipsutu do? Aning nirya ara, malye kum kipsutue.
Elce nyanamsile. “Amapo, anggun nirya kekeplulume! Anggun Israel yala ninye ara, arup arye nyapmasin yupu ara, moubuka kekeplulume. Wini talak anggun mal olana ati, anggun mal olan nang dam bimunyopura, ilil una ap, kanye talimauk dina ap, ‘Se, yata wiriptibye do?’ tenen, walwal kanye bobuka, sirim talina ap, pia kum wininamlulume.
Tonda, Allah elce teleb kibuka melisilyeba, anggun mal olan nang arye, ‘Anggun ti optibyeʼ tenen, mal olyanganamsiyak bukni, Allah elcuk anggun mal olan nang nirya ara, obuka sirya daknamle. Anggun onlan nang arye, anggunti, ‘Winibuka-winibuka bibyeura, opnamap,’ tenebikirye, tonok bisik deice arye, yanuka opnamsiyak bukni, Allah elce melipsilirye, el mikip arepsilyeura, sik anang ara, ilil uplilyeura, anggun dam arye, batakuka bikbik abuka, yuk-yuk bisik weik, tekbarye bisik deice arye, walwalap danuka, bindopnamake.
Yu ubuka ati ara, Allah arye nyapsuk. Sik dam arye, na nong ara duknupniba, sik tonap kum eipnamniake. Winipniba, sikda upra balamikca, sirya talak ara, ‘Yata wiripnamak do?’ tenen, dinamne. Sik bataknamna ara, talye ati kum bukni, deiyok ara, sik wini talak unyak nang ara, dipkoprob ning ton, kum wininyake. Malye mapu arye, sik ni yapu kum kekekirye, malye ninguk winilamak touk, atalak ninye arye, na batakuka, na nyapse atonun kum dukdongobuka unyaka ati, narye sik bataknamne.
Tonoknye biryuk, seribu yin nang ati, dobol bitu do? Aning atonun, bitinye nang aryuk, 10.000 yin nang ati, obisiptiringce, ‘Minopce bindoplulume,’ nyaptiring do? Kume, aning ara, kum winipmanto. Dipkoprop sikti, Allah arye anang ara, ‘Dauaplye, sik oploptinge’ tenen, kum nyaplyopura, aning kum winipmanto. Anggun ni Yahweh arye, ‘Israel ninye oploptinge’ tenen, kum nyaplyopura, yuk mutuku nang arye, kum obuka sirya daktinge. Weik mutuku tikne keil, pia aulamle touk, sik ni koproba Allah babye, pia kaliklamuk bukni, Israel ninye, sik wenena ati, Allah arye sikti batakamukba, sik mal olan nang arye, obuka sirya daklamike.
Yosua birye, tonok talak aryuk, amutuku noutam nirya ara, biyukce obuka ara, ninye deiyok Raja-Raja nang ap, sikce talilamik nang ap nirya ara, biyukce obuk. Israel nang nirya arye, amutuku noutam ulamik nang obik. Ara, sik mikip deice aryuk kume. Sik ni koproba Allah Yahweh arye, melibukce, el mikip sik Israel nang deice deibukba, obuka sirya dakik.
Amapo, wini talak ara, na akunum wisi dane. Anggun Israel nango, anggun ni koprop Allah Yahweh arye, anggun ap neika ulamuburye, Allah elce ninye winipmanto kum pil yala nirya ara, aunmalum mutuku Kanaan noutam, atam ulamik nang nirya ara, sik dam ulamupuba eililamlume. Ara, el mikip areamsukba, anggunce sik dana-dana tam ulamik nang ati, obuka yaklumce, akunum sirya yakamlume. Aning nirya ara, anggun asing arye akunum eililamlume. Allah Yahweh el mikip deice arye, pia melibuka pil dolamsuke. Allah elcuk anggun melina ati, el mikip weik arye, anggun deice deiamsuka arye, pia pi dobuka, anggun mal olan nang ati, obuka sirya dakamlume.
Ura, aminyan talak Ehud dibukba, el punubuk ninye deiyoknye bira, Anat el mi Samgar birye deiyok kibuk. El anye babye, ‘Yata wiriptibya deice arye, sik Israel nang ara, teleb upting do?’ tenelamuknye ulamuk. Ara, el anye biryuk, sapi basam weinun talak ara, yakna ati, tace lubuka bomuk kama arye, Pilistin nang yupa ara, enam ratus (600) nang obuk.
Yonatan birye akamnye, el yin melibuka bobanmok kamnye biti, nyabuk, “An adiparyuk minop yaminba, nun neika binimirye, Allah el si kum bikikce, kum erenyak nang, sik Pilistin nang arye, sik kalikina ati, yaka kin asik dobuka yan unyaka dam binuname. Binimnyopura, nun ni Allah Yahweh, elce nunti melipsilirye, ninye obuka, sirya dakan ning, nun deice deipnamsile. Melipsilyopura, Allah elce, sik Pilistin nang dobuka, nun taruk deice deipsiliba, sik anang nirya opnuname. Ara, ninye mitik tonun do, weik tonun do, kum teneipnuname. Allah el mikip deice arye, ninye weik aunyaka babye, ‘Opnirye sirya daknamne,’ teneplyopura, akunuma elce olule. Ati, elce melipsilya deice, obinimirye binuka, anang nirya obuka, sirya daknuname,” Yonatan birye, el melipmok kamnye biti nyabuk.
ကြော်ငြာတွေ