Yosua 21:4 - Eipomek

⁴ Ati, Yosua birye, ‘Dan yala nang arye, minop tuku dopropnamaka doʼ tenen, bikilin ning, el si ara undi, aning dobukopura, minop si lake kibuk yala nang ara, Kehat yala nang, sik yala si lake kibuk. Ara, Lewi yala nang bukni, imam Harun birye deiamuknye, el si Kehat, el tam mapu arye minop deiyok kibuka, sik talibuka unamik mutuku dolamik. Ara, asik tiga belas (13) dobuka ulamik mutuku. Amutuku ara, sik Yehuda yala nang ap, Simeon yala nang ap, tonda Benyamin yala nang ap, sikce talibuka ulamik tuku, bokuka arebikura, dolamik. Amutuku sik talibuka una deiyok nang ulamik.

Yosua 21:4 ပူးပေါင်းရင်းမြစ်များ

1 Tawarikh 6:39

Asaf bira, Allah el si eren aik noutam mot nyan nang, sik deiyoknye ara, bulinanye bukni, deiyok bitinye anye ulamuk. Mot nyana bulubuka kina nye, Yoel el mi Heman, el melinanye bira Asaf ulamuk. El ap, el melibuka mot nyalamik nang ap ara, Heman el sirik tam tiklamikce, mot nyalamik. Asaf el li koproba ara, Berekya ulamuk. Berekya el li koproba ara, Simea ulamuk.

Keluaran 6:16

Ura, Lewi birye deibuk nang ara, winilye deibuk. Lewi birye deibuk nang ara, Gerson ap, Kehat ap, Merari ap deibuk. Anang ara, Lewi yala nang, sik apu yapu ulamik. Lewi bira, keting tamun yupa weik, seratus tiga puluh tujuh (137) tahun wisi danamuk bukni, dibuk.

Keluaran 6:20

Ura, ninye si Amram, anye birye, el li koproba, el kwit kil dobuk. Akil el si ara, Yokhebed ulamuk. Ati, na Musa ap, na du Harun ap ara, nun ni koproba el si ara Amram, nun nin el si ara Yokhebed. Nun ni koproba Amram bira, keting tamun yupa weik, seratus tiga puluh tujuh (137) tahun wisi danamuk bukni, dibuk.

Bilangan 3:27

Kehat birye deiamukba, dadeipdanin balamik nang, sik si ara, Amram ap, Yisar ap, tonda Usieal ap ulamik. Sik si nyalamik touk, sikce deibikba, dadeipdanin, balamik nang babye, Amram yala nang ap, Yisar yala nang ap, Usieal yala nang ap, ayala siuk nyabuka, si silamik. Sik apu yapu pununanye, Kehat ulamuka ati, el si silamik yala uk teneibuka, si dolamik.

Yosua 21:3

Nyabuka morobikura, sik kayapu yuk Israel yala nang nirya ap, kekebikura, “Yo ura, telebe, nun ni koproba Allah Yahweh, elce, ‘Winipnamlume,’ akunum nyadeiamuk ati, Anyapdeiamuk touk winipnuyape,” nyabik. Ara, sik Israel yala nang ati, Allah arye areamukba, sik talibuka ulamik mutuku, ton bokuka, sik kayapu, Lewi yala nang sik bona talibuka unamika ati arebik. Amutuku ara, asik pia weik dobuka ulamik mutuku ap, tonda amutuku noutam ara, domba basam ap, tonda sapi basam wein sukum ap ati, amutuku tuku bokuka arebik. Arebikura, amutuku talibuka weilamikce ulamik.

Yosua 21:5

Aning atouk, Kehat birye deibukba, deipdanin yangalamik nang bukni, tuku kum dopromik nang nirya ara, asik sepuluh (10) dolamik mutuku ton doprobik. Adoprobik mutuku ara, Efraim yala nang ap, tonda, Dan yala nang ap, tonda Manasye yala nang bukni, noutam bokuka dana tam nanguk, sik awinilye yala nang arye, talibuka ulamik. Amutuku noutam ara, tuku wilibuka arebikura, Lewi yala nang bukni, Kehat yala nang arye dolamik. Ara, keting kumulban tam, Yordan mek koubuka, otam mutuku dorobikce, ulamik.

Yosua 24:33

Tonda, Harun el mi Eliazar dibukopura, mutuku si Gibea mutuku binuka weibik. Minop talak, Kanaan mutuku, bokuka delilamik talak ara, ‘Efraim yala nang ara, amutuku dup noutamak unamak’ tenen, Pineas biti arebik. Pineas bira, Eliazar el mi ulamuk.