Yosua 21:36 - Eipomek

^36-37 Aning atouk, Israel yala nang bukni, Ruben elce deiamukba, dadeipdanin, yangalamik nang arye, sikce deiamik yala arye, ulamik mutuku noutam ara, asik dumbarye (4) doprobikce, sik Gerson yala nang ati, sik mutuku bokuka arebikba, doprobik. Amutuku asik dobuka ulamik mutuku noutam ara, sik domba basam weina ap, sapi basam weina mutuku ara, lo pia weik uamuk mutuku ton, arebikba doprobik.

Yosua 21:36 ပူးပေါင်းရင်းမြစ်များ

Bilangan 21:23

Nyabuka morobik bukni, amukutu ninye deiyoknye, Raja Sihon birye, Israel nang, sik nyabik yupu, pia kum kekebukce, “Anang ara, na bisik pia kum binamake,” nyabuk. Nyabukce, elce, ‘Israel nang ara, mandipna kanye bobikirye, na mutuku noutam ton yanamake. Ati, ‘Sik opnuyap’ tenen, el yin talin nang nirya bulupdeibukba, pata mutuku bisik biyik. Sik akunum biyikopura, Israel nang ap, Yahas mutuku noutam biyikba, asukumuk olanmek.

Ulangan 4:43

Akintinip deibuk asik si ara, ani. Min yuma asik ara, Beser mutuku kata mutuku noutam bukni, mitik tonun kon deice uamuk. Amutuku ara, Ruben yala nang doprobikba, ulamik asik tonok, asukum kintinip deibuk. Bitinye asik ara, Gad yala nang mutuku, Gilead noutam bukni, asik si ara, Ramot mutuku. Sik Gad yala nang ulamik mutuku, tonok asik kintinibuk. Tonda, winilye asik ara, Manasye yala nang arye, Basan tam bukni, anyasik si ara, Golan mutuku kintinip deibuk.

Yosua 13:18

Yaal mutuku ap, Kedemot mutuku ap, Mefaat mutuku ap,

Yosua 20:8

Aning atouk, Yordan mek duman otam, keting panalyangan tam ara, mek wininga dem uamuk mutuku deice, keting panalyangan tam bukni, Yeriko mutuku dam tam, mutuku erebuka bukamuk mutuku, kintinip deibik. Mangkau arye winilamlyak, el kwit opmalinye balon ati, mutuku si ara, ani. Ruben yala nang, sik ulamik mutuku noutam ara, Bezer mutuku kintinip deibik. Amutuku ara, ninye weik una kum sukum. Ara, mekwen ap, yo kan-kan ap, kum uamuk mutuku noutam kitinibik. Ton ning ara, Gad yala nang, sik ulamik mutuku noutam, mutuku si Ramot mutuku asik bukni, Gilead noutam arye, kintinip deibik. Tonda, Manasye yala nang, sik ulamik mutuku noutam ara, Galon mutuku asik dobuka kintinibik. Amutuku ara, Basan mutuku noutam, amutuku wibuka kintinibik. Amutuku nirya ara, Manasye yala nang, sikce talilamik mutuku noutamuk kintibik.