Yosua 21:34 - Eipomek

^34-35 Lewi yala nang tuba batakmek nang ara, Merari birye deiamukba, deipdanin yangalamikce, ulamik nang, sik duweit ati ara, Israel yala nang bukni, Zebulon yala nang arye, sik asik ara, dua belas (12) ulamik mutuku noutam bukni, bokuka arebikba, Merari yala nang arye doprobik. Adumbarye weik asik si ara, ani. Yokneam mutuku ap, Karta mutuku ap, tonda Dimna mutuku ap, Nahalal mutuku ap bokuka arebik. Ara, Zebulon yala nang, sikda asik dumbarye, dobuka ulamik mutuku ara, bokuka sik kayapu Merari yala nang, sik duweit ati arebik.

Yosua 21:34 ပူးပေါင်းရင်းမြစ်များ

1 Tawarikh 6:48

Ura, sik deipkirikrop nye, Lewi birye deibukba, dadeipdanin yangalamik nang, sik Lewi yala nang, yuk nang nirya ara, wipdeiamikba, Allah el si eren aik pum tam pil, yuk pil ton bokuka arebikura, apiluk talibuka ulamik. Atalak ara, Allah el si eren ap, elti, arena ati ara, tenda arye doltakna aik, dobuka kintinip deiamik. Anyaik noutam ara, sik Israel yala nang nirya arye, Allah ati, teleb ning arelamikce, el siuk erelamik.

1 Tawarikh 6:63

Aning atouk, undi dobik ning ara, Merari birye deibukba, dadeipdanin yangalamik nang babye, sik unamik mutuku ati, arebikura, doprobik. Adoprobik mutuku ara, obarye, 12 desa doprobik. Ara, Ruben yala nang ap, Gad yala nang ap, Zebulon yala nang ap, ayala nang talibuka ulamik mutuku wibuka arebikura, doprobik.

1 Tawarikh 6:77

Ura Lewi birye deiamukba, dadeipdanin yangalamik nang arye, Merari deibik. Anye Merari birye deibukba, dadeipdanin yangalamik nang, sik unamik mutuku ara, min kum doprobik nang ara, mitik-mitik asik dolamik mutuku ap, teleb maning palamuk mutuku ap, bokuka arebikura, Merari yala nang doprobikce, sikda amutuku noutam ulamik. Anang ati tuku arebik yala nang ara, sik Zebulon yala nang arye arebik. Amutuku si ara ani. Rimono asik dam ning ap, Tabor asik dam ning ap arebikura, sik Merari yala nang arye doprobik.

Yosua 12:22

Kades mutuku ton, ninye deiyoknye Raja babye, tonoknye dem arye taleamuk. Tonda, Yokneam mutuku ara, Karmel mutuku ninye deiyoknye Raja tonok ara, elcuk taleamukbuk olbiyik.

Yosua 19:11

Wilinak ara, Sarid mutuku arye diprongobuka, binamuka ani, keting panalyangan tam mutuku ara, Marala mutuku dam binuka dukdongobuka, keting panalyangan tam bukamuk mutuku ara, Dabeset mutuku dam binukabukce, sekrobuk. Yokneam mutuku dam bukni, keting panalyangan tam ara, mitik mek, Yokneam mekin binuka dukdongobuk.

Yosua 19:15

Tonda, Yosua birye arebukba, Zebulon yala nang, sik mutuku doprobik ning ara, ani. Ketat mutuku ap, Mahalal mutuku ap, Simron mutuku ap, Yidala mutuku ap, tonda Betlehem mutuku ap doprobik. Amutuku nirya ara, Zebulon yala nang ap, sik duweit ap arye, sik unamik mutuku ati bokuka, arebukba doprobik. Zebulon yala nang, sik mutuku nirya ara, dua belas uamuk. Amutuku noutam, weik asik ap, tonda mitik-mitik asik babye, sikce adobuka ulamik.

Yosua 21:33

Ati ara, sik Lewi yala nang bukni, Gerson deiamukba, dadeipdanin yangalamik nang ap, sikce deiamik mapu silip arye, doprobik asik ara, weik asik ara, tiga belas (13) asik dolamik ning ap, amutuku dana-dana tam uamuk cang mutuku ap, sik domba basam ap, sapi basam ap, weinamik mutuku ati, aning ton bokuka arebikba, doprobik.

Yosua 21:7

Aning atouk, Lewi yala nang bukni, Merari birye deiamukba, deipdanin yangalamik nang, el tam nang, sik duweit ara, asik dua belas (12) dobuka, ulamik mutuku noutam doprobik. Adoprobik tuku ara, Ruben yala nang ap, Gad yala nang ap, tonda Zebulon yala nang ap, sikce talibuka ulamik. Amutuku noutam arye, bokuka arebikba ulamik. Merari el tam nang, sik duweit dem, amutuku doprobik.