Yosua 2:20 - Eipomek

²⁰ “Tonda nun bitinye arye, amutuku dilyanmanam ning ati, ance ninye yuk nang dam nun wininmanam ning, laka nyapminyopura, an moropmalam ning ap, nunce an lyena ati, ‘Winibuka lyepnamsiname,’ nyabuka, nyalin yupu nyapmanam ning ap ara, bataknaname. Aning ara, dukdongobuka, anggunti kum lyepnamsiyabe,” nyaprik.

Yosua 2:20 ပူးပေါင်းရင်းမြစ်များ

Amsal 11:13

Tonoknye, el kwit koproba ati, el talima ikin ulul ning ati, laka nyaployopura, el kwit koproba kekepnamle bukni, yuk ninye kekenak talye lukparabuka, kum laka nyalbinamle. El talima noutamakuk, duknubuka tenelule. Bukni, sik talye minina yupu nyabice ninye ara, sik kayapu nang arye, mambul yupu nyabikiba kibicopura, moubuka tenena kumce, yuk ninye kekenak talye nyabuka banyake.

Yosua 2:19

“Tonda winipmanto, anyaik wekmace ninye ton, bai tam kubuka bikiba, Israel nang arye obicopura, anye bira, el babye malye winiplya deice arye, sikce elti, opnamak ning deiyok ara, el bidamnye arya. El opnamak ara, nun deiyok kuma ati, nun deice ikin kum upsutue. Anggunce ton, ‘Aobice ning adano?’ kum nyaptume. Bukni, an aik noutamak unyak nang nirya ara, yuk nang arye obicopura, nun bitinye ikin upnamsile,” nyaprik.

Yosua 2:21

Sik abitinye nang ap, Rahab ap, yupu akunum talibikopura, Rahab arye, “Yo, anggunce nyapmanurum ning ara, winipnamane. Anggun dabidurume,” nyabukba, anang batakukba, birik talak ara, akil arye ining bi tapu dobuka, anang jendela kin-kin bisik binmarikak, anyuk kirikdongobuk.