Yosua 19:18 - Eipomek

¹⁸ Isakar yala nang ati arebuk mutuku ara ani. Yisreel mutuku ap, Kesulot mutuku ap, Sunem mutuku ap,

Yosua 19:18 ပူးပေါင်းရင်းမြစ်များ

2 Samuel 2:9

Amutuku binuka ulamdik ning ara, Abnar birye, Isboset biti, ‘Ninye deiyoknye Raja unamsilʼ tenen, elcuk Isboset biti, erepdeibuk. Winibukba, anye elce taleamuk mutuku ara, ani. Ara, Gilead tam nirya ap, Asyuri yala nang ulamik mutuku ap, Yisreel mutuku ap, Efraim yala ninye ulamik mutuku ap, tonda Benyamin yala ninye ulamik mutuku ap, yuk nang amutuku noutam ulamik ninye nirya apura, Israel ninye ap ati, Isyboset elce talibuka ulamuk.

1 Raja-Raja 1:3

Nyabuka sik anang arye, Israel mutuku noutam nirya, kabunye kil urasin pia teleb kil ati elbiyik. Epra banmeka ani, Sunem mutuku kam kil, urasin pia teleb kil tonok, el si Abisag eibik. Eibikopura, Abisag adiparyuk boyanuka, Israel ninye deiyoknye Raja Daud el dam boyayik.

1 Raja-Raja 2:17

Asipdeyuk ati, Adonia birye tamubuka nyabuk. “Nongo na moropman ning ara, ninye deiyoknye Raja Salomo birye, an yupu kekepkilyopura, anti, ‘Kume,’ kum nyapkutue. Ati, ance elti, moroptumba, elce, ‘Telebe,’ tenepnutuba, Abisag boyanuka arepnutuba, akil na dopnamne. Ara, Sunem mutuku wel kil atia. Narye tenepman ning ara, na nin ance Salomo biti binuka moropminyopura, ‘Kume,’ kum nyapnamkile,” nyabuk.

1 Raja-Raja 2:21

Nyabukba, el lin Batsyeba birye, tamubuka nyabuk, “Ance an du Adonia biti,’ Yo ur dopdoplule,’ nyapminba, Adonia birye, Sunem mutuku kil, el si Abisak dopnamle,” nyabuk.

1 Raja-Raja 21:1

Samaria mutuku tam ninye deiyoknye Raja Ahab, el weik teleb aik dam, yuknye el si Nabot anggur wa wilamuk. Nabot bira Yisreel mutukunye binya arye, el anggur wa babye Yisreel mutuku kouamuk. Awa ara Raja Ahab el weik aik dam kouamuk.

2 Raja-Raja 4:12

Akunum biyukopura, Elisa el melinanye Gehazi biti nyabuk. “Ance Sunem mutuku kil ati yukupnulyame,” nyabukura, binuka yukubukba, el melinanye ap, neika yarikura, akil Elisa urasin dam yanuka tikuk.

2 Raja-Raja 4:8

Tonok sum Elisada, Sunem mutuku biyuk. Biyukce, amutuku ulamuk bona utotoa talin kil arye, elti, nyabuk. “Din neika dipnamabe,” nyabuk. Ati ara, yata wiribuka talak do, amutuku tamubuka balamuk talak nirya ara, akil dam binukapna arye, sik din neika dipna arye, tuba balamuk.

2 Raja-Raja 8:29

Winibukopura, adiparyuk Raja Yoram bira, Siria mutuku nang arye opmekba, el dila upmok ning, el kwetena ati ara, Ramot-Gilead mutuku batakuka tamubukce, Yisreel mutuku biyuk. Ara, ‘Yisreel mutuku binuka, na dila nipnamnilʼ tenen, nakilamuk. Tonda, anakilamuk talak ara, Raja Ahasia birye, ‘Raja Yoram bira, el mal olan nang arye obikba, yok dila weik ubuka ara, akunum lobuk do?’ tenen ati, Yisreel mutuku arye, dilbiyukba epdadik.

2 Raja-Raja 9:15

Sik anang nirya, mal oldalamik talak aryuk, Raja Yoram bira, mal arye opmekba, el nong dila weik ubuka ati, elda Yisreel mutuku kwetena ati binuka ulamuk. Ati ara, Yehu birye, el kwitcapu neika ulamik nang ati nyabuk. “Anggunce nati, ‘Elda nun ninye deiyoknye Raja tiknamle,’ tenepnimunyopura, ninye bin tonok babye, Gilead mutuku bukni, asik si, Ramot mutuku noutam arye, amutuku batakuka, yukak kum binamnyake. ‘Sik bikcakʼ tenen, anggunce amutuku kalikinamlume. Tonda, ‘Amutuku nang arye biknamakʼ tenen, sikce Yisreel mutuku nang unyakak, laka nyalbinalume,” nyabuk.

2 Raja-Raja 9:30

Ura, Yehu akunum Yisreel dam biyukopura, sisin kil ulamik kil, el si Izebel birye, awinipmuk ning nirya akunum kekebukce, ‘Anye kanye deipnamnilʼ tenen, el potong ap, urasin ap, el asing dibunya teleb una ati, ‘Na urasin nirya teleb upnamnilʼ tenen, kilapu arye, sik urasin deice liklamak ning, el urasin deice likuk. Aning nirya winipmokce, ninye deiyoknye ulamuk aik bukni, alip tam aik jendela bisik arye, bukuka dinmok.

Yosua 17:16

Yusuf birye deibukba, deipdanin balamik nang arye, tamubuka Yosua biti nyabik. “Kume, nunda ninye yupa pia weik unyaba ati, asukum ara, weik mutuku bukuk noutam ara, nun una ati, lo ton weik kum ubuk. Tonda, Kanaan tam unyak nang, sik weik mutuku dabu tam, teleb mutuku luak unyak nang ara, sikce ninye olban talak ara, kuda basam, kirikuka tuku deice balamak ning, kereta perang deice tikikirye, tuku deice bobuka banyake. Aning kereta perang talibuka, wininyaka ara, besi arye donyaka ati, mikip weik ulule. Ara, sik Bet-Sean mutuku, mitik asik dobuka unyak nang ap, tonda Yisreel mutuku lu unyak nang nirya ara, Kereta perang besi talibuka unyake. Ati nunda, ‘Se, yata wiriptibya deice arye, sik mutuku doproptibye do?’ tenen, tuba tenenyabe,” nyabik.

Yosua 19:17

Mutuku wililamik ati, Yosua birye lake bikilin ning, el si undi dobuk ning ara, Isakar yala nang ap, sik mapu silip ap arye, talibuka unamik mutuku ati, dobuka arebuk.

Yosua 19:19

Tonda, Hafaraim mutuku ap, Shion mutuku ap, Anabarat mutuku ap,

1 Samuel 28:4

Ura atalak ara, sik Pilistin ninye arye, ‘Israel nang ap opdanamabe’ tenen, akunum kintinibikce, sik baju doltakna aik ara, Sunem mutuku dam binuka dobik. Dobik talak babye, Saul ap, Israel nang, sik yin bon nang nirya ap, Gilboa mutuku binuka, sik baju doltakna aik dobik. Ara, amutuku dam ‘Israel nang ap, Pilistin nang ap opdanuyap’ tenen, kintinibik. Amutuku bitinye ara, mitik damto kibuk.