Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yosua 18:28 - Eipomek

28 Zela mutuku ap, Elef mutuku ap, (ara Yebus yala nang ulamik sukum atia. Amutuku si ton Yerusalem nyalamik.) Tonda, Gibea asik ap, tonda Kiryat-Yearim asik ap doprobik. Amutuku nirya ara, Benyamin yala nang, sik duweit nirya, pia talibuka ulamik mutuku ati, bokuka arebukba doprobik.

အခန်းကိုကြည့်ပါ။ ကော်ပီ




Yosua 18:28
22 ပူးပေါင်းရင်းမြစ်များ  

Aning akunum winibukopura, ninye deiyoknye Raja Daud, elce Saul ap, Yonatan ap, sik yoka ara, Raja Daud birye, nakub barye nang yok deice kirikuka, diripkwetcamuk nang, sik yoka ap, tonok ansinibuka tuku lukuk. Ara, sik Benyamin yala nang arye, talibuka ulamik mutuku noutam bukni, sik tuku si ara, Zela tam Saul el li koproba, Kish birye palyamuk pum tamuk, binuka dongobuka anang sik yoka ton lukuk. Raja Daud birye, “Winipnamlulume,” nyapdeiamok touk, el pil melin nang arye, aninguk akunum winibik. Aning nirya akunum winibikopura, Allah arye, sik amutuku noutam ulamik nang nirya arye, sik patapneura, morolamik ning ara, “Nun ni Allah melipsilyame,” nyabuka morolamik yupu, akunum kekebukce, meliamuk deice arye, amutuku ara, tuba tonap teleb kipdeibuk.


Netofa mutukunye Baana, el mi Heleb ap, Ribai el mi Itai bira, Gibea mutukunye bukni, Benyamin yalanye ap,


Akunum ninye deiyoknye, Raja kibuk talak ara, Daud birye el ap, el mapu yin nang ap, amutuku ulamik nang ap arye, ‘Yebus yala nang, Yerusalem mutuku noutam unyak ninye ara, obuka sirya daknamap’ tenen, Yerusalem mutuku biyik. ‘Yebus yala nang opnuyap’ tenen, biyikbuk, amutuku ulamik Yebus yala nang arye, Daud biti nyabik. “Anda amutuku ara, yata ning mikip deice arye, yanuka wektum do? Anda mikip kumnye biti ara, talye nang, asing malye nang ap, yan malye nang ap aniryuk, anti obuka dobolbiketinge. Anda talinye biti ara, amutuku noutam kum wektume,” nyabuka nalibik. Sik tenebikce nyabik ning ara, ‘Daud elda mikip kumnye biti ara, amutuku kum wekuka opsutue’ tenen, nyabik.


Atalak ara, Yerusalem mutuku ninye, obuka kum daneipnuyik sum ara, Daud birye, sik Yebus nang nalinmeka ati, el yin talin nang ati ayupu nyabuk. “Yata nang do nirya, ‘Yebus yala nang optibye,’ tenebice nang ara, Yerusalem mutuku keil poka, antanabuka dobika noutam bukni, kin-kin botobikba, din mek wekelbalul bisik weknamalulume. Abisik weklinye binyuk, sik amutuku asing malye nang ap, yok malye nang ap ara, na mal olan nang unyaka anya arye, anang opnamalume,” nyabuk. Yu ubukba, Daud arye ayupu nyabuka anya arye, atalak ara, yuk nang nirya arye nyanyake, “Yok malye nang ap, asing malye nang ap, nun Raja Daud, el ninye deiyoknye aik kum weknamake,” nyanyake.


Anang nirya ara, sik yala nang, sik duweit yuk-yuk aulamik touk ati, ninye deiyok talibuka, bulun nang ulamik. Anang nirya ara, sik tam nang arye, ninye si buku noutama ara, sik deipkirikdanin, yanamik nang nirya ara, si sekekuka delilamik. Sik anang nirya ara, Yerusalem mutuku ulamik.


Asyur mutuku yin nang ara, mutuku tam bisik arye kibuka yanganmek. Sikda, abisik kibuka yanganmekce, Geba mutuku yanuka, tiya talak mapmek. Mapmeka berekukopura, amutuku dam uamuk mutuku, Rama mutuku ulamik nang nirya ara, ilil unmok. Tonda, Raja Saul deiamuk nang arye taleamik mutuku, Gibea mutuku ulamik nang ara, ilil weik upmokba, sik nong nirya kouluksakmuk. Ilil weik upmuka ati, amutuku nang arye, bai sakuka, bikbik abuka bindobik.


Se, anggun Benyamin yala nango, bikbik abuka bimunce, yuk mutuku binamlume! Yerusalem mutuku batakuka bimunce, Tekoa mutuku arye binuka, terompet lelim nyapnamlume. Tonda, Bet-Kerem mutuku arye, Israel nang lak kina ati, uku binuka sekmumce, ayupu nyapnalume. “Ikin weik una deiyok ap, imun una deiyok ap ara, dabu tam arye yalyeba, dopropnalume,” nyabuka, laka nyapnalume.


Allah Yahweh arye nyabuk, “Se, anggun Israel nango. Gibea mutuku noutam ulamlum talak arye, deiyok koubuka, malye winin ning talibuka ulamlumce, tuba winilulume. Amalye winilamlum ning ara, sik amutuku tuba unyak Israel nang nirya arye, aning bikna kumce, tuba pia malyeuk wininyakce, na yupu yanininyake. Ati ara, Gibea mutuku ara, anggun mal olan nang dopdeipniba, olyanamsiake.


Ura, Benyamin yalanye birye deibukba, dadeipdanin yangalamik nang sik si ara ani. Bela birye deibukba, dadeipdanin balamik nang ara, sik Bela yala nang ton ulamik. Atouk, Ahiram birye deibukba, dadeipdanin balamik nang ara, sik Ahiram yala nang ton ulamik.


Ara, sik yupa weik ulamik yala nang ara, amutuku tuku weika arye bokuka arepnulyame. Tonda, sik yala mitik tonun ulamikce nang ara, amutuku tuku mitik tonun bokuka arepnulyame. Ayala yuk-yuk aulamikce touk, tuku bokuka arepnalyame.


Tonda, anggunce amutuku bimunce, anggun Israel ninye yala yuk-yuk aululuma atonun kibuka, ‘Aning winipnuyap do, aning do?’ tenen, bikna ati deiyok laka kin ning bikilina ati, el si ara undi, pil dopmunyeura, ayala nang sik si lak uplyeura, atuku bokmunce, talibuka pia ati unamake. Ara, ton yala, ninye pia weik ulamikce nang ara, sikti, tuku weik tonun bokuka arepnulyame. Tonda ninye weik kum ulamikce yala ara, tuku mitik tonun aryuk bokuka arepnulyame. Aning dolona ati ara, bikilin ning undi deice aryuk pil dopmunce, ayala ton, ayala ton sik si lak uplyeura, adeice arye bokuka arepmunyeba, amutuku tuku dolonamake. Tonda, anggun ni yapu, anggun yala deiyok-deiyok nang ulamik touk, anggun atalak ululum nang babye, anang sik si deice dopropnamlume.


Anya asik weik tonun, sik mutuku doprobik bukni, sik Yehuda yala ninye arye, Yerusalem mutuku asik, minop talak ulamik nang ara, min obuka, atuku alubuka dopropmanto kum ati, pia pirilamik. Amutuku nang ara, Yebus yala nang nyalamik. Ara, Yehuda yala ninye arye, Yerusalem mutuku talibuka ulamikce, sik mutuku koproba kiyamik bukni, Yebus yala nang ara, obuka kum yakdonokamik. Winyamika arye, wini talak babye, amutuku noutam ara, Yehuda yala nang ap, Yebus yala nang ap, sik neika Yerusalem mutuku ansinibuka aunyake.


Atonun, Hinom mutuku, lu tam kipdopmekce, welebanmeka ani, iknapye tam bumang mutuku deice, welebuka tikilbiyik. Amutuku wilina ati bikilina ara, asukum arye dipdongobuka, banmeka ani, bumang mutuku deice biyik. Ninye si Hinom, elce deiamuk mi, el si sina ati, bumang mutuku deice biyik ara, outam lu tam ati, Hinom mek, pu tam ara, el si nyabuka dobik. Ara, Yerusalem mutuku tam, Yebus yala nang, sik ulamik mutuku bukni, iknapye tam. Anang arye balamika ani, weik mutuku bukamuka dam arye, otam Hinom lu tam ulule. Ara keting kumulban tam ulule. Tonda, weik mutuku luak ara, Refaim mutuku uamukak, binuka panalbiyik.


Me-Neftoah mutuku deiyok dam arye, koulukuka, Hinom lu mutuku tam ap, dipdongobuka mutuku lilun tam buk, utam dabu mutuku tam ara, Refaim lu mutuku ubuka dam arye, binuka sekdobik. Akunum winibuk ning ara, otam mutuku (ara selatan) tam tuku wililonak ara, Hinom mutuku, lu arye diprongobuka, binamuka ani, Yebus yala nang ulamik mutuku lilun ap, anyapce ubuka, En-Rogel mutuku tam nirya dobuk.


Rekem mutuku ap, Yirpeel mutuku ap, Tarala mutuku ap,


Yosua birye, tuku bokna ati bitinye ning winibuk ara, ‘Simeon birye deibukba, deipdanin yangalamika ani ulamik ninye, sik duweit nirya ati, bokuka arebuk. Simeon yala nang, sik duweit tuku sirya bokolonak ara, Yehuda yala nang sik mutuku noutam arye, binuka wilipdeibuk. Ati, Yehuda tam nang, sik mutuku dana tam ton bokukabukce, Simeon yala nang ati arebuk.


Winilamuk bukni, sik Benyamin yala nang arye, Kanaan tam nang, Yebus yala nang ara, Yerusalem mutuku ulamik buk, ‘Obinuka obibirye kum daneipnamap,’ tenebik bukni, Yebus yala nang ara, kum yakdonokamik. Ati, Benyamin yala nang ap, Yebus yala nang ap, sik neika Yerusalem mutuku ansinibuka ulamik. Tonda, ayupu sekupu talak babye, tuba aunyake.


Bukni, aLewi yalanye elda, ‘Asukum mana na lik,’ tenebuk. El ap, el kil ubula domukce domuk kil ap ara birik. Tonda, el pil melinanye ap, keledai basam bitinye ap, kintinip deibuk. Ura, sik akeledai basam balye deice, el ngang dam deibik ning, ninye bukuka ban ning, el si pelana, aning deice bukuka, sik nirya neika biyik.


Nyabukura, aninye nirya, akunum sik mutuku tamubuka, bindobikopura, Saul babye adiparyuk, el mutuku Gibea mutuku tamubuka biyuk. Ara, el melina ati, ilil tenena kum, mikip weik yin talen nang ap, neika Gibea mutuku tamubuka biyik. Aning ara, Allah Yahweh arye, sik talima noutam pil dopmok nanguk, Saul ap neika biyik.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ