Yosua 18:18 - Eipomek

¹⁸ Amutuku bukni, utam, dabu mutuku tam, Yordan mek duman otam bukukce, kanilbana ati, mutuku si Bet-Araba biyuk. Amutuku lilun nirya ara, tuku wilibuka binamuka ani, koulukuka amutuku banak binuka, dukdongobuk.

Yosua 18:18 ပူးပေါင်းရင်းမြစ်များ

Yosua 15:6

Outam mutuku, wililamik ara, Yordan mek dara tam arye, dipdongobuka, asukum arye, ubuka mutuku si Bet-Hogla mutuku welebuka, Yordan mutuku bana, utam tuku wililongon tam biyik. Aning biyik ara, utam mutuku binuka, mutuku wililongon tam biyika ara, mutuku si Bet-Araba outam bukamuk mutuku arye, ubuka utam biyik. Winibikura, welebuka weik mutuku bukamukak uamuk keil, el si Bohan Mutuku Keil si dam biyik. Bohan bira, Ruben birye deiamuk mi, el si ara, Bohan nyabuka si dobik. (Bohan Mutuku Keil si dam ara, Ruben el mi si ati nyalamik).

Yosua 15:61

Pata mutuku noutam ara, weik asik ara, nakub barye (6) ton dolamik. Anyasik dam ara, mitik asik babye adolamik. Anyasik si ara. Bet-Araba mutuku ap, Midin mutuku ap, Sekhakha mutuku ap, Nibsan, (anyasik ara, si ton Garam mutuku asik nyalamik) mutuku ap, tonda En-Gedi mutuku nyabuka dolamik.

Yosua 18:17

Anyaka uk dipdongobuka (ara utara) dabu tam ara, En-Semes mutuku dipdongobuka, balamikak anyapce, Gelilot mutuku biyuk. Amutuku ara, atam ulamuk bukni, otam urasin tam ara, Adumim mutuku bisik welena otam biyuk. Aning ara, dabu mutuku tam, wilina ati ara, Bahan keil bukuk bisik noutam arye, binuka sekdobuk. (Bahan keil nyanyaka deiyok ara, Ruben birye deiamuk mi, el si Bahan ulamuka ati nyalamik.)

Yosua 18:19

Asukum arye, deice tam, utam dabu mutuku tam bukdanin, biyuk mutuku lilun nirya arye, dipdongobuka, binamuka ani, Bet-Hogla mutuku biyuk. Tonda, anyapce ubuka sik tuku sirya ara, utam dabu tam bukni, weik laut mekwen bana kumce, pia aubuk laut mekwen dam tam, Yordan mek duman ara, mek binuka dalyayukak arye, binuka sekdobuk. Selatan tam tuku wilinak ara, amutuku noutam arye bokdeibik.