Yosua 18:13 - Eipomek

¹³ Amutuku arye, dipdongobuka binmeka ani, outam (ara selatan tam), Lus mutuku lilun nirya babye dobike. (Lus mutuku atibuk, yuk si ton si nyalamikce, Betel mutuku nyalamik.) Alus mutuku arye koulukuka, Atarot-Adar mutuku ara, utam (ara selatan tam) bukuk mutuku tam babye dobike. Ara, Bet-Horon-Hilir mutuku tam arye kibuka, outam binuka wilipdopnamlume.

Yosua 18:13 ပူးပေါင်းရင်းမြစ်များ

Kejadian 28:19

Winibukce, amapmok mutuku si ati, “Betel mutuku,” nyabuka si dopdeibuk. (Ibrani yupu deice ara, Betel deiyok ara, ‘Allah el aik,’ tenebuka nyalamik.) Yakub mapmok mutuku mitik anun otam, ninye aik si ara, Lus mutuku nyalamik bukni, elce amutuku ati winiryuk si dopdeibuk.

Nehemia 11:31

Benyamin yala nang unyak mutuku noutam daunyak ninye nirya ara, yata barye nang unyak do? Amutuku noutam unyak nang ara ani. Geba ap, Mikmas ap, ulamdik. Tonda, Ai mutuku nang ap, Betel mutuku dana-dana mitik asik dobuka unyak nang nirya atia.

Yosua 10:11

Israel ninye arye aninye dobolbanmikba, ‘Aseka mutuku binuyap’ tenen, Amori nang arye, Bet-Horon mutuku arye, bikbik abuka, koulukuka banmek bukni, Allah el si Yahweh arye, weik mok purwu, im deice arye, keil duk atonun dopkwetebukba, sik banmek damuk sakukce, Amori tam ninye pia weik arye, obukba dibik. Tonda, Israel ninye arye, sik ya bobukabikce, Amori ninye mitik tonun obik bukni, Allah arye weik mok purwu dopkwetebukba, obuk ning ara, pia weik arye, obukba dibik.

Yosua 16:5

Efraim yala nang, sik tam nang yala yuk-yuk ulamikto nirya ara, sik bona talibuka ulamik mutuku wilinak ara, keting panalyangan tam, Atarot-Adar mutuku arye, dukdongobuka, eitam binamuka ani, Bet-Horon-Hulu binuka dukdongamuk.

Yosua 18:14

Amutuku bukni, sik mutuku tuku wililongonak ara, iknapye tam (ara selatan tam) banmeka ani, keting kumulban tam ara, weik mutuku tuku deice bukamukak, atam bukni, otam, mutuku si Kiryat-Bahal asik ton dolamik. Asukum arye, dipdongobuka iknapye tam ton, (ara selatan) tuba banmeka ani, Kiryat-Bahal mutuku dam dipdongobuka binamuk. (Ura, Kiryat-Bahal asik ton si ara, Kiryat-Yearim mutuku ton nyanyake.) Amutuku biyukce, tamubuka selatan tam binuka, dipdongopnamlule. Ara, Yehuda yala nang, sik mutuku tuku kina atia. Ara, keting kumulban tam mutuku tuku wililonak ara, Anyapdeibuk touk uamuk.

Yosua 18:22

Tonda, Bet-Araba mutuku ap, Zemarahim mutuku ap, Betel mutuku ap,

Yosua 21:22

Aning atouk, Efraim yala nang, sikce talibuka ulamik mutuku noutam arye, amutuku ara, mutuku bitinye arebik. Anyaribik mutuku si ara, ani. Bet-Horon mutuku ap, Kibzaim mutuku ap, tonda amutuku dam uamuk cang mutuku, sik weilamik ning maningtoto dina ati, arebikba dobuka talilamik. Anyansik dolamikak arebik ning nirya ara, asik dumbarye.

1 Samuel 13:18

Ton yupa ara, Bet-Horon tam biyik. Ton winilye yupa ara, mutuku wiliba dam bukni, Zeboim lu tam kalikil biyik. Zeboim mutuku arye otam ara, mek kumak anya arye, ninye kum ulamik mutuku ton eibik.