Yosua 17:3 - Eipomek

³ Hefer el mi si ara, Zelafehat, el apu koprop ara, Gilead ulamuk. Makhir el mi ara, Gilead, el apu koprop ara, Manasye ulamuk. Zelafehat elda, mapu ton kum deiamuk. Elda kilmapu uk deiamuk. Akilapu, sik si ara, ani. Makhla ap, Noa ap, Hogla ap, Milka ap, Tirza ap, sik winibuka kilapu deiamuk.

Yosua 17:3 ပူးပေါင်းရင်းမြစ်များ

Kejadian 50:23

Atalak noutamak ara elce deiamuk mi Efraim bira kil dobukura, sikce Deiprik mapu ap tonda, anang ton sikce deibik mapu ap, amapu arye deibik mapu ap eibuk. Aning atonun, Yusup el mi Manasye birye deibuk mi el si ara Makhir, elce deibuk mapu ton eibuk. Ara, amapu deibik talak ara, ‘Yusup eipnul’ tenen, amapu bobuka Yusup el keil deice delilbalamikba, elilamuk.

Bilangan 26:33

Efer el mi ara Zelafehad deiamuk. Bukni, Zelafehad elda, mapu ton kum deiamuk. Elda, kilmapu uk deiamuk. Sik si ara ani, Mala ap, Noa ap, Hogla ap, Milka ap, tonda Tirza ap deiamuk.

Bilangan 27:1

Zelafehat el kilmapu nirya ara, pamubarye deiamuk. Akilmapu sik si ara ani. Mahla ap, Noa ap, Hokla ap, Milka ap, tonda Tirza ap deiamuk. Zelafehat el li bira, Hefer. Hefer el li si ara, Gilead ulamuk. Tonda, Gilead el li si ara Makhir. Makhir el li bira, Manasye ulamuk. Tonda, Manasye el li bira, Yusuf ulamuk.

Yosua 17:2

Tonda, Keting kumulban tam, Yordan mek duman ara, Manasye yala ninye bukni, bokikce, ton tam nang, sik mapu silip ati, bokuka arebuk. Amutuku ati, bokuka arebuk yala nang, sik yala nang ara, ani. Ara Abieser ap, Helek ap, Asriel ap, Sekem ap, Hefer ap, tonda Semida ap, sik ayala nang nirya ara, Yusuf birye deiamuknye, Manasye birye deiamuk nang ap, sik mapu silip ap, amutuku noutam ulamik. Sik ap, sik mapu silip yuk-yuk ap ati, deiyok kibuka, taleamik nang ulamikce, amutuku tuku dopromik.