Yosua 17:14 - Eipomek

¹⁴ Yusuf birye deibukba, deipdanin yangalamik nang nirya arye, Yosua el dam yanmekce, Yosua biti nyabuka morobik. “Yata deiyok ati, nun mutuku ara, mitik tonunuk bokuka arepsulum do? Nunda, nun ni Allah Yahweh arye melisilye nang, yupa pia weik unyaba ati, tuku ara mitik tonunuk bokuka, arepmasilama ara kume. Tuku tonap tabakuka arepnusilyame,” nyabuka morobik.

Yosua 17:14 ပူးပေါင်းရင်းမြစ်များ

Kejadian 48:19

Yusup birye nyabuka piripdeyuk. Bukni, el li koprop arye nyabuk. “Kume, na ni mio. Na kele. Na mangkau kanye bobuka kum winipne. Min yuma deiplum mi Manasye ara el ton weiknye uplirye, mapu dadeipliba, dadeipdanin balamikca ani, dotalak unamak ninye ara, weik upnin banamake. Winiplirye mitikto mambul unamle bukni, el weit koproba Epraim bira, mambul weiknye unamle. El du koproba, deice tam atonun uplirye, elce deipliba, dadeipdanin balamikca ani, doupnamak ninye ara, ayala-ayala weik upnin banamake.

Kejadian 48:20

Na ni Allah, an si deice arye anyapman yupu nirya nyapdeipne. Yusup anti ara, Allah melipkilirye, Epraim ap, Manasye ap ati pia teleb ubuka deipnamle touk, ‘Teleb ubuka melipkutue’ tenen, Allah moropne.” Israel birye ayupu nirya nyapdeibuk. Israel birye ayupu nyabuka deice arye, Epraim dobuka deice tamto erepdeibuk bukni, Manasye ati ara, mitik anun amu tamto dobuka deibuk.

Kejadian 48:22

Tonda anda, an du yapu sik deice tam ubuka ninye deiyoknye ulyama anya arye, narye anti tonok mutuku ton arepkine. Ara, minop talak, na yin ap, parang ya ap dobuka, sik Amorit ninye obuka sirya daksirye, dopropse mutuku kon ap, mutuku lu ap, arepkine,” Israel birye Yusup biti, ayupu nirya nyapdeibuk.

Yehezkiel 48:5

Manasye yala nang arye unamak mutuku wililonak dam, arye ubuka, keting panalyangan tam arye dipdongobuka, keting kumulban tam mutuku ton, Efraim yala nang ati, tuku ton bokuka arepnalyame.

Bilangan 13:7

Isakar yala nang kan-kan ara, Yusup el mi Yibal wipdeibuk.

Bilangan 26:54

Ara, sik yupa weik ulamik yala nang ara, amutuku tuku weika arye bokuka arepnulyame. Tonda, sik yala mitik tonun ulamikce nang ara, amutuku tuku mitik tonun bokuka arepnulyame. Ayala yuk-yuk aulamikce touk, tuku bokuka arepnalyame.

Bilangan 36:12

Sik akilapu dobik nang ara, Yusup birye deibuknye bira, Manasye el yala nang arye deiamikba, dadeipdanin balamik nanguk dobik. Ati ara, sik ni koproba Zelafehat taleamuk tuku ara, sik ayala nang aryuk, sikce atuku tuba talelamik.

Yosua 16:4

Tonda, amutuku ara, Yosua birye Manasye yala nang ap, Efraim yala nang ap, ati bokuka arebuk. Sik abitinye yala nang ara, Yusuf birye deiamuk nang ulamdik. Ati, ‘Sik ayala nang talibuka unamakʼ tenen, amutuku ara, bokuka arebukba, sik Manasye yala nang ap, Efraim yala nang ap arye doprobik.

Yosua 17:15

Nyabuka morobikura, Yosua birye tamubuka, sik Yusuf yala nang ati nyabuk. “Anggunda, ninye pia weik ululuma ati, Efraim mutuku noutam ara, mutuku weik ubukbuk, anggun ninye weik ululuma ati, anggunce, ‘Nun unak ara, mitik kipsuke,’ teneplum ning ara, atalak arye anggun adiparyuk, Feris yala nang ap, Refaim yala nang ap, sik unyak mutuku binuka dipdeluma ara, sik mutuku noutam weik, yo kan-kan mutuku binuka, asik donak ati, olbinuka lokmunce, asik doplulume.”