Yosua 17:10 - Eipomek

¹⁰ Winyamikce, Efraim yala nang, sik mapu nirya ara, eitam iknapye tam, (ara selatan) mutuku tam bukamuk mutuku talibuka ulamik. Tonda, Manasye yala nang, sik tam nang nirya ara, dabu tam (arah utara) bukamuk mutuku nirya ara, talibuka ulamik. Tonda, weik mekwen laut deiamukak piripna, amutuku noutam ara, keting kumulban tam arye, binuka sekamuk. Tonda, Manasye yala nang, sik mutuku wilinak utam ara, Asyer yala nang sik mutuku ara, utam arye, dipdongobuka binuka wilipdomuk. Tonda, Isakar yala nang, sik mutuku dam wililamik ati ara, keting panalyangan tam deiamukak arye, binuka sekamuk.

Yosua 17:10 ပူးပေါင်းရင်းမြစ်များ

Yosua 17:11

Isakar yala nang ap, Asyer yala nang ap, sik ulamik mutuku noutam ara, Manasye yala nang, sik mutuku ton talibuka ulamik. Amutuku ton tabakuka dobikce, asik dobuka ulamik mutuku si ara, ani. Ara, weik asik dolamikak ara, Bet-Sean mutuku ap, tonda Yibleam ap, amutuku noutam weik asik ton dobuka ulamik. Amutuku noutam babye, mitik asik babye, dobuka aulamik. Tonda, weik laut mekwen kup-kup ara, mitik asik dolamik mutuku si ara, Napot-Dor ap, Endor ap, Taanak ap, Megido ap, amutuku nirya ton dolamikce, taleamik. Weik asik adolamik noutam nirya ara, mitikto asik babye ton dobuka aulamik.

Yosua 17:9

Manasye yala nang, sik mapu silip ulamik mutuku wilina ara, Tapuah mutuku arye, dukdongobuka, kolukuka binamuka ani, Kana mekin binuka dipdongamuk. Amek koubuka, otam mek duman, iknapye tam ara, mitik mek irikna bukni, weik asik dolamika nirya ara, Efraim yala nang, sik asik dolamik. Efraim yala nang arye asik weik dolamikak ara, sik mutuku kum bukni, Manasye yala nang, sik mutuku wilinak ulamik. Manasye yala nang, sik mutuku wilinak ara, mek dam bukni utam ara, dabu tam balamik bisikak, dukdongopbuka binamuka ani, sirya ara, weik mekwen laut deiamukak, Laut Tengah, alaut piripna bukni, amutuku noutam arye binuka wilipdomik.