Yosua 15:8 - Eipomek

⁸ Atonun, Hinom mutuku, lu tam kipdopmekce, welebanmeka ani, iknapye tam bumang mutuku deice, welebuka tikilbiyik. Amutuku wilina ati bikilina ara, asukum arye dipdongobuka, banmeka ani, bumang mutuku deice biyik. Ninye si Hinom, elce deiamuk mi, el si sina ati, bumang mutuku deice biyik ara, outam lu tam ati, Hinom mek, pu tam ara, el si nyabuka dobik. Ara, Yerusalem mutuku tam, Yebus yala nang, sik ulamik mutuku bukni, iknapye tam. Anang arye balamika ani, weik mutuku bukamuka dam arye, otam Hinom lu tam ulule. Ara keting kumulban tam ulule. Tonda, weik mutuku luak ara, Refaim mutuku uamukak, binuka panalbiyik.

Yosua 15:8 ပူးပေါင်းရင်းမြစ်များ

2 Samuel 5:18

Winibuk talak ara, Pilistin nang weik arye yayikce, mutuku si Refaim mutuku, lyu weik mutuku nirya, sikcuk langdibuka, sik tenda arye, doltakna aik dobik.

2 Samuel 5:22

Aminyan talak ara, sik Pilistin mutuku nang, tuba tamubuka, tonap yayikce, Refaim mutuku lyuak, sikcuk yanuka langdibik.

2 Raja-Raja 23:10

Tonda Raja Yosia birye, winibuk ning ton ani. Elce, isa si Molek, el si erena ati, domik ning babye, daklobukce malye kipdeibuk. Winibuka deiyok ara, ‘Ninye arye, delilamak mapu bobuka, uku dongolamikba, uku dipnopura, winina deice arye, isa si Molek erelamik ning ara, bataknamak’ tenen, winibuk. Ara, ‘Amalye winin ning nirya ap, akintinibik mutuku ap, kum danamle’ tenen, aning ton uluplobuk. Amutuku si ara, Topet bukni, mutuku si ton Ben-Hinom mutuku dam winibuke. Amutuku ara isa si Molek, el si erena ati domik ning ati daklobukce malye kipdeibuk.

1 Tawarikh 11:4

Tonok talak ara, sik deiyoknye Raja Daud ap, Israel mutuku noutam ulamik nang nirya ap, Yerusalem mutuku olban ati biyik. Atalak ara, amutuku tonok bukni, amutuku si ati Yebus mutuku nyalamik. Deiyok ara, sik Yebus nang ara, amutuku koproba noutam nang ulamikce talilamik.

Nehemia 11:30

Zanoa ap, Adulam ap, Aseka ap, Lakis ap, tonda Bersyeba mutuku bukni, Hinom mutuku dam danoutam nirya unyake.

Yesaya 17:5

Atalak kiplyeba, sik Israel nang babye, mitik tonunuk tuba kam unamake. Winipmanto ara, gandum wa Rafaim mutuku lusukum wibuka kouamikak, yuk nang arye yanuka, agandum sekicak arye, libuka dipdobikba, kum danamuk touk, upnamake. Ara kam tuba unamak nang ara, mitik tonunuk tuba unamake. Weika arye kum unamake. Dipkoprob, ninye arye kouamikce ning sekikcak arye, libuka dibikceba, gandum mitik tonunuk tuba kilamle touk, sik Siria tam nang babye, mitik tonunuk tuba kam unamake.

Yeremia 19:14

Allah arye Yeremia biti, ‘Tofet mutuku bimince, na nyapkin yupu laka nyalbilyame,’ nyapdeibuk touk, Yeremia akunum laka nyabukura, Tofet mutuku batakuka, tuba tamubuka, Yerusalem mutuku yayuk. Akunum yayukopura, Allah el si erena ap, elti, arena ap ati, domik aik dam tikukce, anyasik dam bulubuka wekmek ninye ati, nyabuk.

Yeremia 19:2

Ara sik ap, an ap, neika Hinom birye deibuk mi, el lyu weik mutuku si ati, Ben-Hinom mutuku nyabuka, si nyalulum mutuku lyuak binamlulume. Bimunyopura, weik cang keil poka, bublan botopdeibikba, bai tam bakirye, kiri tuku dobuka, memelinyak mek makau colopmalye ning dobuka, donokolbalamak bisik, wekuka binamlulume. Akunum wekuka bimunyopura, narye nyapnamkin yupu nirya ara, sik anang dam nyapnalyame.

Yeremia 19:6

Ati ara, na dipkoprob nyapsine. Anggun ti weik arye wenepnamsine. Ara, na Allah Yahweh arye dipkoprob nyapsine. Wini talak ara, amutuku si ati, Topet mutuku nyalulume. Tonda, Hinom birye deibuk mi, el weik lyuak mutuku si ati, Ben-Hinom nyabuka, si silulume. Nyamunye bukni, na tenepse talak akunum uplyopura, anyamunye ning ara, batakmunce, ninye weik olamikak nyanamlulume. Amutuku si ati, ‘Ninye olamak mutuku lyuak nyapsik,’ nyabuka, amutuku si nyanamlulume. Ara, urdem ati kum bukni, narye lo arepneba, yu ninye arye, anggun amutuku ululum ninye, pia weik arye oplopnamsiyaka ati, nyapsine.

Yosua 15:63

Anya asik weik tonun, sik mutuku doprobik bukni, sik Yehuda yala ninye arye, Yerusalem mutuku asik, minop talak ulamik nang ara, min obuka, atuku alubuka dopropmanto kum ati, pia pirilamik. Amutuku nang ara, Yebus yala nang nyalamik. Ara, Yehuda yala ninye arye, Yerusalem mutuku talibuka ulamikce, sik mutuku koproba kiyamik bukni, Yebus yala nang ara, obuka kum yakdonokamik. Winyamika arye, wini talak babye, amutuku noutam ara, Yehuda yala nang ap, Yebus yala nang ap, sik neika Yerusalem mutuku ansinibuka aunyake.

Yosua 18:16

Me-Neftoah mutuku deiyok dam arye, koulukuka, Hinom lu mutuku tam ap, dipdongobuka mutuku lilun tam buk, utam dabu mutuku tam ara, Refaim lu mutuku ubuka dam arye, binuka sekdobik. Akunum winibuk ning ara, otam mutuku (ara selatan) tam tuku wililonak ara, Hinom mutuku, lu arye diprongobuka, binamuka ani, Yebus yala nang ulamik mutuku lilun ap, anyapce ubuka, En-Rogel mutuku tam nirya dobuk.

Yosua 18:28

Zela mutuku ap, Elef mutuku ap, (ara Yebus yala nang ulamik sukum atia. Amutuku si ton Yerusalem nyalamik.) Tonda, Gibea asik ap, tonda Kiryat-Yearim asik ap doprobik. Amutuku nirya ara, Benyamin yala nang, sik duweit nirya, pia talibuka ulamik mutuku ati, bokuka arebukba doprobik.

Hakim-Hakim 1:21

Winilamuk bukni, sik Benyamin yala nang arye, Kanaan tam nang, Yebus yala nang ara, Yerusalem mutuku ulamik buk, ‘Obinuka obibirye kum daneipnamap,’ tenebik bukni, Yebus yala nang ara, kum yakdonokamik. Ati, Benyamin yala nang ap, Yebus yala nang ap, sik neika Yerusalem mutuku ansinibuka ulamik. Tonda, ayupu sekupu talak babye, tuba aunyake.

Hakim-Hakim 1:8

Yehuda yala nang arye, Yerusalem mutuku ulamik nang yanuka obikce, amutuku nirya alubuka doprobik. Doprobikce, amutuku sik asik dobuka ulamik sukum nirya ara, uku dongobik.

Hakim-Hakim 19:10

Bukni, aLewi yalanye elda, ‘Asukum mana na lik,’ tenebuk. El ap, el kil ubula domukce domuk kil ap ara birik. Tonda, el pil melinanye ap, keledai basam bitinye ap, kintinip deibuk. Ura, sik akeledai basam balye deice, el ngang dam deibik ning, ninye bukuka ban ning, el si pelana, aning deice bukuka, sik nirya neika biyik.