Yosua 15:55 - Eipomek

^55-57 Atonun, weik asik dobuka ulamik ning ap, tonda mitik asik dobuka ulamik ning ap nirya ara, takubarye (10) asik dolamik mutuku si ara, ani. Maon mutuku ap, Karmel mutuku ap, Zif mutuku ap, Yuta mutuku ap, Yisreel mutuku ap, Yokdeam mutuku ap, Zanoa mutuku ap, Kain mutuku ap, Gibea mutuku ap, tonda Timna mutuku ap, winibuka mutuku asikbuk, sik mutuku dem kipdobik.

Yosua 15:55 ပူးပေါင်းရင်းမြစ်များ

2 Samuel 23:35

Karmel mutukunye Hesrai ap, Arbi mutukunye Paerai ap,

1 Raja-Raja 18:42

Nyabukura, Ahab adiparyuk kekebuka, Karmel mutuku batakuka, ‘Din ap, mek ap dilbinun’ tenen, el aik tamubuka biyukce din binuka dibuk. Ura, atalak ara Elia Karmel mutuku deice welebuk. Welebukce, Elia el urasin kanupdongobuka kutam deice deibukce, tukwak bukuk.

1 Tawarikh 2:42

Yerameel el weit koproba, Kalep birye deiamuk mi, el si ara, Mesa nyamuk. Mesa bira, Kalep el mi dunye deiamuk. Mesa birye, el mi Zif deibuka ati, Zif el li koproba ara, Mesa ulamuk. Zif bira, el mi Meresa deibuka ati, Meresa el li koproba ara, Zif ulamuk. Aminyan talak ara, Meresa birye, el mi Hebron deibuka ati, Hebron el li koproba ara, Meresa ulamuk.

1 Tawarikh 2:45

Maon el li koproba ara, Shamai ulamuk. Bet-Zur el li koproba ara, Maon ulamuk.

2 Tawarikh 26:10

Aning atouk, tonda Uzia elcuk, ninye kum ulamik sukum bukni, weik mutuku bai tam noutam arye, ‘Nun mal olan nang eipnamapʼ tenen, keil arye ninye kalikna aik ton dopdeiamuk. Tonda, weik mutuku dup mek binman kum mutuku bukni, ‘Ninye arye mek ton dipnamakʼ tenen, ‘Mok cebuka mek balirye, deipnamleʼ tenen, tuku lukuka, mek delinak sumur kintinip deiamuk. Mek ati tuku lukik deiyok ara, amutuku tuku noutam ara, el pil melin nang arye, domba basam ap, sapi basam ap, pia weik weilamik ati, Yudea mutuku bukni, keting komulban tam, mitik mutuku kon tam ap, lu mutuku ap nirya ara, ‘Mek deipnamleʼ tenen ati, tuku lukamik. Tonda, Raja Uzia bira, tuku telebak ara, sukun tuku ton wa win nang weik wipdeibukba, el anggur wa ap, elti, koulamik ning yala-yala nirya ara, anang arye, el melina ati, wa weilamik. Uzia bira, wa win ning ati, pia kanye delilamuk, ‘Aning ara, telebe,’ tenelamukce, ulamuknye atia.

Yesaya 35:2

Amutuku noutamak nirya, keta on ning weika arye onamle. Winiplyopura, amutuku unamak ninye ara, kanye deibuka mot senamake. Amutuku nirya ara, Allah arye tuba tamubuka teleb kipdeipliba, Libanon mutuku pia teleb ulamuk touk, urasin pia teleb mutuku upnamle. Amutuku pia teleb upliba, Karmel mutuku ap, Saron mutuku ap, pia teleb ulamle touk unamle. Winiplyopura, ninye nirya arye Allah el dirina eibikirye, el mikip weik ulul ning eibuka kel biknamake. ‘Nun ni Allah ara, Dirina Deiyoknye, si Weik Erenanye ulule,’ nyanamake.

Yosua 19:26

Alamelek mutuku ap, Amad mutuku ap, Misal mutuku ap, uamuk. Tonda, keting kumulban tam odipdongobuka, binamuka ani, Karmel mutuku ap, anyapce dipdongobuka, mitik mek Lipna mekin binuka dakdongamuk.

1 Samuel 15:12

Moronmokce, mapmoka ani, berekukopura, Samuel birye, ‘Beren tam talak Saul ap, epdanamaname’ tenen, el dam binmok bukni, Saul asukum kum unmok. Yuk nang arye nyabik. “Kume, Saul bira, Karmel mutuku akunum bindopmoe. Elce, ‘Na si Saul tuba pia tenenamniyak’ tenen, weik keil dobuka, Karmel mutuku ikdeipnamale. Winiplyopura, anirye, Gilgal mutuku binmale,” nyabik. Nyabikba, Samuel kekebukce, adiparyuk Gilgal mutuku biyuk.

1 Samuel 23:24

Saul nyabukopura, ayanmek ninye ara, Saul el dam arye, batakuka, adiparyuk Zif mutuku tuba tamubuka biyik. Atalak ara, Daud ap, el melibuka balamik yin nang ap, sik nirya ara, Yehuda yala ninye, sik mutuku noutam bukni, dabu tam atonun, arah selatan tam, ninye babye kum mutuku pata mutuku, el si ara, Maon mutuku tuba, unmek.

1 Samuel 23:25

Ara, Saul ap, el yin telen nang ap, sik nirya arye, Daud biti, ‘Kalikil binamabe,’ tenepmek ning ara, yuk ninye arye, Daud kekenak binuka, lak nyabikba bikukopura, Daud el yukak biyukce, cang weik keil pata mutuku dam, Maon mutuku noutam unmok. Unmoka ani, ton yuk ninye arye, “Daud bira, Maon mutuku dam unmale,” nyabuka, Saul dam yanuka nyabikba, adiparyuk, Raja Saul birye, ebuka, dobolbiyuk.

1 Samuel 25:2

Ura, ninye tonok, el si Nabal, Moan mutuku ulamukce, el bona weik talinanye ulamuk. El tuku ap, bon-bona ap ara, weika arye talilamuk. El taleamuk tuku ara, mutuku si Karmel mutuku uamuk. Nabal el domba basam yupa weik, tiga ribu (3.000) domba weilamuk. Tonda, Nabal el kambing basam ara, yupa weik seribu (1.000) kambing weilamuk. Winilamuk ani, Nabal el domba basam potong kon talak kibukura, Karmel mutuku yanuka unmokba, Daud amutuku yayuk.

1 Samuel 25:7

Nyabukce, ayupu ton dukdongobuka nyabuk. “Anggun kam nang arye, Nabal ati nyapnamalulume. ‘Yuk nang arye, Nabal, el domba basam potong kolamak talak ara, akunum uple,’ nyapmaniyakba, na kekepmane. Ura, an domba basam wein nang ara, nun un dam, Karmel mutuku aunmek bukni, nunce sik ning ton, kum doprobupe. Tonda, sik ton kum mal pinyabe. Sik nong deice, ikin ning kum delilamupu. Aning ara, ‘An kekebuka kel kipnulam’ tenen, nyapmakine.