Atulum welenmok makau ap, uku buk ap noutam bisik biyukce, asum aryuk Allah el si Yahweh arye, Abram biti, “Dipkoprop winipnamkine,” nyabuka nyalin yupu nyapdeibuk. Allah el si Yahweh arye, nyalin yupu nyabuk ning ara, ani. “Abramo, ance deipminba, dadeipdanin binamak mapu, an mapu nirya ara, aunmalam mutuku nirya arepnamsine. Ara, Mesir mutuku noutamak weik balamle mek arye, dukdongopbuka, pera otam weik balamle mek el si ara, Efrat mek ap, danoutam mutuku nirya ati nyapkine.
Yosua 15:4 - Eipomek4 Tonda, Hakrahim tam arye, dipdongobuka, Asmon tam biyik nang ara, Mesir mutuku wilinak ara, mek lilun bisikuk ubuka biyik. Winibuka binmeka ani, pia weik laut mekwen, el si ara, Laut Tengah piripna biyik. Yehuda yala nang, sik mutuku tuku bokna ati ara, Allah arye nyapdeipmok touk, Yehuda yala ninye arye, dopropnamik mutuku, iknapye tam tuku wililonak ara, asukumuk. အခန်းကိုကြည့်ပါ။ |
Yosua 15:4
8 ပူးပေါင်းရင်းမြစ်များ
Ati ara, Raja Salomo ap, sik Israel ninye nirya ap, ninye kum nukmanto, pia weik arye bulubukabikce, weik kwalina yubuka Allah ati si erenmekce, Allah el si eren aik bisik bublan kukik. ‘Wininamap’ tenen, yanmek nang ara pia weik. Ara, Hamat mutuku bana ati deiyok koubuka balamikak arye, anerye dukdongobuka otam nirya, Mesir mutuku weik mek balamukak arye bulubuka yanmek. Amutuku-amutuku nang nirya arye, like empat belas (14) sum deice arye, kwalina kwalinmekce, Allah el si Yahweh ati si erenmek.
Anggun Israel ninye unamlum mutuku ap, yuk ninye unamak mutuku ap ara, mutuku lilun wilina ati ara, laka kilin ning deipnamsile. Ati, weik laut mekwen, el si Teberau (Bi Laut) tam arye dipdongobuka, anirye, Pilistin ninye unyak mutuku, yuk weik laut mekwen tam arye ubuka, mek pia kumak weik, pata tam arye dipdongobuka, atam arye Efrat mek biyukak arye, amutuku noutam nirya ara, anggunti sekdeipnopura, arepnamsine. Na mikip arye melipsiniba, amutuku-amutuku nirya noutam unyak ninye nirya, malye kibuka onamlume. Melinamsina deice arye, anggunce amutuku ninye nirya yakmunce, amutuku nirya dopropmunce, talibuka unamlume.
Allah arye tenyamlye talak akunum uplyopura, Allah arye, ‘Na mapu koprop, Israel yala nang ara, wibuka dopropnamneʼ tenen, keting kumulbalamle tam, Efrat mekin arye dipdongobuka, keting panalyangan tam banmoka ani, osirya tam Mesir mutuku wililongonak unyak nang nirya dipdelirye, malye ning batakuka, el mapu koprop Israel yala nang ara, tonok-tonok kibuka biyik nang ati, sik dobuka, amutuku tamubuka delilyanamle. Sik anang ati winipnamle ning ara, winipmanto atia, gandum duk teleb ning wibikirye, el kala wibuka koltakalamak touk, kala koplobuka wipnamle.
Ura, Mesir mutuku nang unyakak arye, diprongobuka, otam arye ubuka, keting panalyangan tam balamle mek, el si Sikor mek, atam arye diprongobuka, deice tam (ara utam) balamuka ani, atam bokolalulak ara, Ekron mutuku eitam ulule. Atam noutam nirya ara, Kanaan yala ninye arye, taleamikce ulamik. Amutuku noutam ulamik ninye deiyok nang nirya, sik Pilistin deiyok nang ara, pamubarye nang ulamik. Ara, Gasa mutuku talilamuknye ap, Asdod mutuku talilamuknye ap, Askelon mutuku talilamuknye ap, Kat mutuku talilamuknye ap, Ekron mutuku talilamuknye ap, sik winibuka nang, amutuku talibuka ulamik.
Laut Mati deice tam, iknapye tam bana ati ara, Akrahim mutuku kon tam arye, ubukabikce, Zin mutuku ara, pata mutuku biyik. Ton atouk, Kades-Barnea tam bukni, iknapye tam biyik. Tonda, Ezron mutuku tam kibukabikce, anyapce ubuka, Adas mutuku welebik. Asukum, welebik bukni, Ila tamubuka kepdeibuka, Hakrahim tam yayik.
ကြော်ငြာတွေ