Daud ap, Daud birye wipdeipmok yin talin nang ap, Allah arye nyapdeiamuk yupu sekuka, marikna pum bisik deiamik ning bolbana ati, Yehuda tam noutam bukni, mutuku si Bala mutuku batakuka biyik. Ara, nun ni Allah, el si Yahweh. Elda aning-aning deice tam ulirye, pia mikip weiknye ulule. Amarikna ara, Allah el si Yahweh, el ‘Naʼ tenen marikna nyanyabe. Amarikna deice bukni, im deice pil don nang, malaikat urasin atonun ning puturubuka, dana-dana memebuka deibik ning noutam ara, Allah el mikip ap, el dirina ap, arepliba yangalule.
Yosua 15:10 - Eipomek10 Tonda, Bala mutuku arye, ubuka keting kumulban tam binuka, warikdongobik ning ara, weik mutuku si, Seir mutuku dam, ton si ara, Edom mutuku tam biyik. Adipdongobuka, Yearim mutuku bukni, utam mutuku ara, Kesalon mutuku wililamikak ton, binuka eibik. Tonda, asukum arye dipdongobuka, Bet-Semes mutuku dam biyikak arye, anyapce ubuka, Timna mutuku nyalamik mutuku dam biyik. အခန်းကိုကြည့်ပါ။ |
Yosua 15:10
12 ပူးပေါင်းရင်းမြစ်များ
Yoas birye nyabuk bukni, Yehuda mutuku ulamik ninye talibuka ulamuknye, Raja Amazia bira, Israel mutuku talibuka ulamuknye, Yoas birye nyapdeibuk yupu ara, kum kekebukce, yaninauk ubuk. Winibukopura, adiparyuk Raja Yoas, Israel tam taleamuknye birye nyabukba, el mapu ap, el mutuku yin talen nang, sik nirya bulubukabikce, ‘Yehuda tam taleamuknye, mal olbinamapʼ tenen, kintinibikce, bisik banmek. Banmeka ani, Yehuda mutuku noutam uamuk mutuku si, Bet-Semes mutuku, Raja Amazia ap, Raja Yoas ap, sik yin talen nang nirya arye, ‘Opdanuyabʼ tenen, tonok mutuku binuka epdayik.
Atalak aryuk, sik Pilistin yala nang arye, Yehuda mutuku keting kumulban tam mutuku pia mambul weik asik dolamik ning ap, tonda, iknapnye tam bukni, mek pia kum sukum ap warikilyayik. Sik warikilyayikce, ninye obikce, malye kibuka doprobik mutuku ara, Bet-Semes mutuku ap, Ayalon mutuku ap, Gederot mutuku ap, tonda weik asik dolamik mutuku, Sokho mutuku ap, Timna mutuku ap, Gomso mutuku ap, tonda awinilye mutuku dam dolamik mitik asik ap nirya, ninye obuka, alubuka doprobikce, yanuka ulamik.
Amutuku wililamik ati ara, Timna mutuku arye, dipdongobuka binamuka ani, utam mutuku, dabu tam Ekron mutuku binuka eibik. Abinuka eibikura, amutuku warikukabikce, Sikron tam bana ati ara, Bala mutuku tam leibuka biyik. Tonda, asukum arye dipdogobuka, Yaknel tam biyik, sik mutuku koproba, keting kumulban tam ara, weik mekwen laut deiamukak, lilun binuka eibikce, wekelbiyik. Ara, Laut Tengah atia.
Atalak ara, Simson ap, el li ap, el lin ap nirya, ‘Timna mutuku neika binuyap’ tenen, bisik banmek. Banmik ani, abisik noutam ara, Timna ninye anggur wa wiamikak yanganmekba, talye karin arye, bai kam atonun ning ara, singa kam tonok, ‘Anye bira obuka dipnun’ tenen, el weik yupu ngalukukabukce, Simson dam bikbik abuka yayukba, Simson birye eibuk.
Winipmunyeura, sapi basam bitinye arye, bobarikce talak ara, anggunda dinamalulume. Allah arye nyapdeiamuk yupu, Nyalin Yupu Marikna (Peti Perjanjian) pum libuka deibik ning bobanmarikca ani, ton tamubuka yangana kumce, tuba nong bisikuk banmarica ani, Israel yala ninye, sik tam bukni, mutuku si Bet-Semes mutuku asik dobuka, unyakak berikcopura, adeice arye anggun biknamlume. Ara, ‘Israel ninye, sik ni koproba, Allah arye, nun dam kanye imun ning deiamsukba, uk dilamsuka ara, akunum diplamupuʼ tenen, biknamlume. Bukni, Allah yupu nyapdeiamukba, libuka deibik Nyalin Yupu Marikna yo ap, (Peti Perjanjian) emas arye suse ap, kub mana urasin ato ning puturubuka, deipmamunye ning, asapi basam arye, libuka bobanmalye ning ara, sapi basam Bet-Semes bisik kum bilirye, tamubuka nun mutuku uk tuba yalyopura, ‘Se, nun deice ikin ning, yayukba dopromubu ning ara, Israel ninye sik ni koproba Allah, elce kum deipsuke. ‘Nun malye ububa deice arye, aning yayukba, ikin upsukʼ tenen, biknamlume.
ကြော်ငြာတွေ