Yosua 12:16 - Eipomek

¹⁶ Makeda mutuku babye, tonoknye elcuk ninye deiyoknye Raja kibuka, ulamuk. Ninye deiyoknye ulamuk mutuku, atouk Betel mutuku babye, ninye deiyoknye Raja ara, tonoknye elcuk talibuka ulamuk. Aninye deiyok nang nirya babye, olbiyik.

Yosua 12:16 ပူးပေါင်းရင်းမြစ်များ

Kejadian 12:8

Yangapdeibukce, asukum panabuka bisik banmoka ani, Betel mutuku bukni, keting yangan tam ara, mutuku kon welebukce binuka, tenda cang kain aik dobuk. Betel mutuku ara, keting wekelban tam, Ai mutuku ara, keting yangan tam noutam ara, el tenda aik dobuk. Asukum ton Allah el si Yahweh ati, el si erena ap, el arena ap ati, keil pala dobukabukce, keil yangapdeibukce, Allah el si Yahweh yukubukce morobuk.

Kejadian 28:19

Winibukce, amapmok mutuku si ati, “Betel mutuku,” nyabuka si dopdeibuk. (Ibrani yupu deice ara, Betel deiyok ara, ‘Allah el aik,’ tenebuka nyalamik.) Yakub mapmok mutuku mitik anun otam, ninye aik si ara, Lus mutuku nyalamik bukni, elce amutuku ati winiryuk si dopdeibuk.

Yosua 10:28

Ati ara, asum noutam arye, Yosua birye, Makade mutuku nirya warikuka onmeka ani, obuka sirya dakukce, atam tuku nirya ap, amutuku uamuk ning nirya ap, doprobuk. Amutuku ulamik nang nirya ap, sik amutuku nang taleamukce, ninye deiyok kibuka, Raja ulamuknye ap ara, obuka kum danaibuk. Yosua birye nyapdeibukba, el tam nang arye, amutuku nang nirya, yu parang arye, obik. Makeda mutuku taleamuk, sik deiyoknye Raja babye, Yosua birye Yeriko mutuku taleamuk ninye deiyoknye biti, min arye oplomuk touk, Makeda Raja babye, awinyamuk touk, winibuka obuk.

Yosua 12:15

Libna mutuku ninye deiyoknye, Raja tonoknye aryuk talibuka ulamuk. Adulam mutuku babye atouk, tonok ninye deiyoknye, Raja aryuk taleamuk. Anang babye, olbiyik.

Yosua 12:17

Tapua mutuku deiyoknye, tonok ninye deiyoknye Raja ulamuk. Heper mutuku babye, ninye deiyoknye Raja tonoknye, elcuk talibuka ulamuk. Sikce amutuku-amutuku talilamik nang babye, olbiyik.

Yosua 8:17

Biyik ning ara, Ai mutuku ap, Betel mutuku ap, danoutam ulamik nang nirya, sakuka yayikce, sik Israel ninye ati dobolbiyik. Winibika ati, amutuku bitinye ara, pakuka batakikce, talye winiltakna uk kibikce, amutuku asik kalikna nang babye, pia ton kume. Sik nirya ara, Israel ninye uk dobolbiyik.

Hakim-Hakim 1:22

Yusuf birye deiamukba, dadeipdanin yangalamik nang arye, Betel mutuku weik asik dobuka ulamikak, biyikce obuka sirya dakik. Atalak nirya ara, Allah Yahweh arye, sik Yusuf yala nang ati, meliamuka deice arye, ayala nang nirya, malye kibuka obuka sirya dakik.