Yosua 10:31 - Eipomek

³¹ Winibuka obikopura, Yosua ap, Israel yin talin nang ap nirya ara, Libna mutuku arye batakuka, bisik banmeka ani, Lakis mutuku biyik. Sik amutuku biyikce, ‘Lakhis mutuku nang bura saka bicakʼ tenen, amutuku asik dana-dana nirya warikuka kalikmekce, amutuku nirya warikuka obikce, malye kiplobik.

Yosua 10:31 ပူးပေါင်းရင်းမြစ်များ

2 Raja-Raja 14:19

Bukni, Raja Amazia kam tuba ulamuk talak ara, Yerusalem mutuku noutam ulamik ninye arye, “Anye Raja Amazia bira, obuka sirya daknamabe,” nyabuka sisiklamik. Yuk nang arye, aning kekebikce, elti, laka nyabikba, aning akunum kekebukopura, Amazia adiparyuk, bai sakuka bindobucke, Lakis mutuku binuka ulamuk. Bukni, winyamuka babye, elti, yu kanye bolamik nang arye nyabikba, ninye on nang dopdeibikba, sikce aminyan dobolbiyikce, Amazia bira adiparyuk, Lakis mutuku binuka, obikba dibuk.

2 Raja-Raja 19:8

Aminyan talak, yuk nang arye, Asyur mutuku yin talina ati weik deiyoknye biti nyabik. Kume, an ni koprop, Asyur mutuku weik deiyoknye birye, ‘Lakis mutuku akunum bindopmale,’ nyabuka lak nyabikopura, ayin talina deiyoknye birye, Raja Hizkia mutuku dam batakuka bindobuk. Binmoka ani, yuk mutuku binuka dipdeyukura, Asyur mutuku ninye deiyoknye birye, yuk mutuku nang, Libna mutuku nang ati, ‘Sirya opnaman’ tenen, mal oldanmekak, binuka eibuk.

Yesaya 37:8

Atalak ara, Raja Asyur, el amu tam pil dona deiyoknye Rabseka tamubuka Asyur mutuku biyuk talak ara, yuk nang arye, “Nun deiyoknye birye weik asik si Lakdis mutuku arye batakuka, itam asik el si Lipna mutuku nang ati olbinmoke,” nyabikba, kekebuk.

Mika 1:13

Tonda, anggun Lakis mutuku ululum ninye ara, anggun adiparyuk kuda basam balye tam, tapu kirikuka, tuku deice bukuka ban ning, memebuka kintinip deipmunce, ‘Yuk mutuku ninye arye, nun ton yanuka opsicak’ tenen, minopce bindopnamlulume. Ara, talye ati kum nyapsine. Yehuda mutuku noutam unyak ninye weik, daunyak bukni, anggunda, minop talak arye, Isa Mutuku Dongonye si erelalumce, pia malye winilamlume. Ara, sik Israel yala ninye arye, Isa Mutuku Dongonye si erelamik touk, ‘Nun babye aninguk, si eremnamap’ tenen, winilamlume. Winilalumba, sik Yerusalem mutuku unyak ninye elilamikce, ‘E, nun ton amalye winin ninguk, winipnamap’ tenen, malye weik winilamik. Ara, anggun Lakis mutuku ululum ninye arye, malye winiluluma deice arye, aminyan talak, sik Yerusalem mutuku unyak ninye babye, malye ning deiyok akunum doprobikce, malye wininyake. Bukni, deiyok ara, anggun Lakis mutuku ninye, malye winilamluma deice arya.

Yosua 10:3

Yerusalem mutuku taleamuknye, Adoni-Sedek bira, Gibeon mutuku ninye ati, ilil weik ubukopura, yuk ninye deiyok nang dam, yupu dongobuka nyabuk. “Anggun nirya arye, yanuka melipnamnulume,” nyabuk. Sik yuk mutuku ninye deiyok nang si ara, ani. Hebron mutuku taleamuk deiyoknye, Sisinanye Raja Hoham ap, Yarmut mutuku taleamuk deiyoknye, Raja Piream ap, Lakis mutuku taleamuk deiyoknye, Raja Yapia ap, Eglon mutuku taleamuk deiyoknye, Raja Debir ap, sik nirya ati ayupu nyapdeibuk.

Yosua 10:30

‘Amutuku noutam ulamik nang nirya ara, opnuyakʼ tenen, Allah Yahweh el mikip dobuka, Israel nang sik deice deibuk. Ara, ‘Amutuku deiyok nang ap, amutuku ulamik nang ap, obikirye, sirya daknamakʼ tenen mikip arebuk. Allah mikip arebukba, Yosua ap, el yin talin nang nirya arye, amutuku ulamik nang nirya, parang ya arye obik. Tonoknye babye, kum batakdongobik. Amutuku noutam ulamik nang nirya, kum danaibik. Amutuku taleamuk deiyoknye, Raja Libna babye, Yosua min arye Yeriko mutuku Raja omuk touk, obuk.

Yosua 10:32

Ara, Allah Yahweh arye, ‘Israel ninye arye, Lakis mutuku nang opnuyakʼ tenen, el mikip dobuka, sik Israel nang nong deice deibuk. Yosua birye, amutuku warekuka, olbiyuk talak winibuk ning ara, like bitinye sum arye winibuk. Ara, amutuku noutam ulamik nang ap, Libna mutuku uamuk ning nirya ap ara, parang ya arye obukce, kum kipdeibuk. Tonda, Libna mutuku winyamuk touk, Lakis mutuku babye, atouk winibuk.

Yosua 10:5

Nyabukopura, sik Amori tam taleamik ninye deiyok nang, Raja pangubarye nang nirya arye, kekebikce. Ara, Yerusalem mutuku taleamuk Raja ap, Hebron mutuku taleamuk Raja ap, Yarmut mutuku taleamuk Raja ap, Lakis mutuku taleamuk Raja ap, Eglon mutuku taleamuk Raja ap, kekebikce, adeiyok nang nirya ap, sik yin talin nang nirya ap, ‘Gibeon ninye nirya, obuka sirya daknamap’ tenen, Gibeon mutuku dam kintinibuka bulubikce, biyikopura, Gibeon mutuku ninye ara, obuka sirya dakik.

Yosua 12:11

Yarmut mutuku taleamuk ninye deiyoknye Raja ap, tonda, Lakis mutuku babye, tonok ninye deiyoknye, Raja biryuk taleamuk. Sik anang nirya ara, obik.